San Lucas 22:37 - Táurinakene máechejiriruwa’i ema Viya tikaijare

³⁷ taicha puiti numetaka'e títauchawainapa eta táechejiriruwana'i eta Ajureka: ‘Tímikutijirikawa'i nukapa'i'ini náicha.’ Tamutu eta juka títauchawayare'i.

Ignaciano

³⁷ Tacahe numeta­ca­hé­vanécha. Ena achaneana nacatia­na­ca­haviya muraca. Títaucha­vainapa eta táechaji­ri­ru­vanahi eta Sagrada Escritura eta níchara­ra­ca­va­yarehi: “Timicu­ti­ji­ri­cavahi námera­hihini náicha”. Tamutu títaucha­va­yarehi eta tacaye­ma­que­neanahi eta Sagrada Escritura eta ­ nuyehe —macahepa.

San Lucas 22:37 ပူးပေါင်းရင်းမြစ်များ

Marcos 15:27

Natiari'iware ena tikaetatana'iware, ena apinana tiámera'iana, ema émana te mawaure, ema apana te sapane.

Marcos 15:28

Taka'e, tamutu títauchawa'i eta táechejiriruwana eta Takapika'ukene Ajureka, ani taka'e'i: ‘Náimijacha'i ema nachamuri'i ena namaurikeneana’

San Lucas 18:31

Ema Jesús maichu'awakapa ena dúsekeneana máimitureana, tási'a máichawakapa: “Puiti, vikaiju'épa'i te Jerusalén, ánaki táitauchiawayare tamutu eta nájukunachakeneana'i ena profetanaini eta maíchararakawayare'i ema Machicha ema Ajaira.

San Lucas 22:22

Ema Machicha ema Ajaira, títauchawayare'i maye'e eta maichakene'i, étasera ¡páuresamisera ema tíjararekanuyare!

San Lucas 22:36

Tási'a, máichawakawapa: –Puítisera mákani tikatarera'i, mámayare, étapa eta tavirare eta maplatane. Émaipa mákani tájina'i maye'éna'i espada, tiúripana'i máijarareka eta maye'e saku, mawacharesi'aya eta maye'eyare espada,

San Lucas 22:52

Tási'a, máichawakapa ema Jesús, ena tuparairukana natiari'ikeneanapa'i eta nakaratasira'i ema, énapa ena akenukara'ana, énapa ena uficiáleana taye'e eta mapena ema Viya. –¿Tája'a takayema ekasiña eta espada, ekaepuchirikipa'iware eta etánusiranupa'i, tímikutijirikawapa námera'i'ini nuti?

San Lucas 23:32

Éneichuware natiari'iware ena apinana tiámera'iana makutikeneanayare'i ema Jesús eta makaetatairayare.

San Lucas 24:27

Tási'a, mametakawakapa tamutu eta táechejiriruwana'i eta Takapika'ukene Ajureka, eta táechejisi'aira'i ema. Tépanawapa te májureana'i ema víyara'aini Moisés, étapa eta nájureana'i ena apamuriana profetanaini.

San Juan 10:35

Vécha'i eta takayemakene'i eta Ajureka. Tamutu eta táechejiriruwana eta Takapika'ukene Ajureka, táechejisi'aira'i. Nákani nakatupara'a'i me Viya, ema tímijarechawaka'i Víyana'i.

San Juan 17:4

Nuti nímereka'i ena achaneana eta pikunachakarewa'i. Nítauchaipa'i tamutu eta piwanairipiana'i piwara'akene'i níchayare'i.

2 Corintios 5:21

Ema Cristo, tájina mapekaturaina'ini. Étasera mawaraira'i ema Viya viúchuku'ayare víti, émapa ema Cristo tamuriaka'i eta vipekaturana. Puiti, tájinasarepa víchirawaima'i, tájinawarepa viviurewaina te mamira'u ema Viya vimutu viti viúrujiaruana'i ema Cristo.

Gálatas 3:13

Ániware taka'e eta Takapika'ukene Ajureka: “Mákani achane ichape eta maviurewa, tikaetatakasiyare'i te yukuki, eta táikutiara'i eta máikuñasirayare ema Viya eta máchanewa.” Viti achaneana, ichape eta víkuñayare'ini taicha eta vimaitauchira'i tamutu eta wanairipiana, émasera ema Jesucristo, tépenina'avi'i te crusu, tamuriasira'i tamutu eta víkuñayare'ini víti.