San Lucas 22:17 - Táurinakene máechejiriruwa’i ema Viya tikaijare

¹⁷ Taka'e, mave'apa eta wasu náerirare, ma'asulupayachapa ema Viya. Tási'a, maka'epa: –Era eta juka. Ekajijirikakaya eti.

Ignaciano

¹⁷ Tacahe, mavehapa eta vasu náerirare, mahasu­lu­pa­yachapa ema Viya. Tásiha, macahepa: —Era eta juca. Ecaji­ji­ricaca.

San Lucas 22:17 ပူးပေါင်းရင်းမြစ်များ

San Mateo 14:19

Taka'e, makawanairipipa náeja'a'apaika ena achaneana te muíjipa'i. Mave'apa eta sinkukene pan étapa eta apiki jima, máesenikapa te anuma, ma'asulupayachapa ema Viya, mayuvetukawakapa eta pan, tási'a, máijarakapa ena máimitureana, tási'a ena naijarakawakapa ena achaneana.

San Mateo 15:36

mave'apa eta siétekene pan, étapa eta jímana. Ma'asulupayachapa ema Viya. Mayuvetukapa, maíjarakapa ena máimitureana, tási'a ena naijarakawakapaipa ena achaneana.

San Mateo 26:26

Taka'e eta nanisira'i, ema Jesús mave'apa te mawa'uana eta pan, tási'a ma'asulupayachapa ema Viya, mayuvetukapa, maíjarakawakapa ena máimitureana, máichawakapa: –Éraya, tási'a enikaya, eta juka eta náke'e.

Marcos 14:22

Taka'e, eta nanisira'i, ema Jesús mave'apa te mawa'uana eta pan, tási'a, mayujarauchapa, mayuvetukapa máijarakawakapa ena, tási'a máichawakapa: –Éraya, eta juka eta náke'e.

San Lucas 22:19

Te taekenepa, mave'apa te mawa'uana eta pan, tási'a ma'asulupayachapa ema Viya, mayuvetukapa máijarakawakapa ena, tási'a máichawakapa: –Eta juka náke'e, étivene'i níjararekawa'i eta népenirayare. Epiyaka eta juka, temecha'eya eta nuye'e.

San Lucas 9:16

Taka'e, ema Jesús mave'apa eta sinkukene pan étapa eta apiki jima, máesenikapa te anuma, ma'asulupayachapa ema Viya eta máenisirawakayare'i ena kamurikeneana achaneana, mayuvetu'epa, máijarakapa ena máimitureana, ena náijarakapaipa ena achaneana.

Romanos 14:6

Nákani tiyujarauchawana'i te jena sache, ena nawara'a'i napikaucha ema Viákenu. Ena apamuriana, wa'i tákamesa'ini nanerejika'ini eta sache, ena apanawa napikaucha'i ema Viákenu. Ena naka'e'i nákani tamutuchucha nanika'i, eta napikauchira'i ema Viákenu, na'asulupayacha'i ema. Nákanisera náepuru'i nanika eta jákani tinikakareana, táichavene'iware eta napikauchira'i ema Viya, na'asulupayachaware ema. Tamutu'i tiuri naicha.

1 Corintios 10:16

Étaipa eta juka vérasa'i vimutu viyujaraureasa'i te vinikayare, étaichu'i táikutiara'i eta máitine máepusairu'i te crusu ema Viákenu Jesucristo, étaipa eta pan vinikakeneasa viyuvetu'ejirikaka'i, étaichu'iware táikutiara'i eta maeche ema Viákenu.

1 Corintios 11:23

Taicha nuti tatupiruwa'i eta nukaimitukasira'i maye'e ema Viákenu, tási'a nuti étaichu'iware eta nímiturapi'i eye'e: Te jena yátikene'i te tikaijararekasiyarepa ema Viákenu Jesús, mave'apa te mawa'uana eta pan