San Lucas 21:19 - Táurinakene máechejiriruwa’i ema Viya tikaijare

¹⁹ ¡Ekamichawachucha, apaesa ítujikawa eta iuchukuiraina!

Ignaciano

¹⁹ Téhesera ecamichahi tamutu, ímiya­navahi eta éhisi­ranuhi, núti níjara­ca­heyare eta ítare­siraya.

San Lucas 21:19 ပူးပေါင်းရင်းမြစ်များ

San Mateo 10:22

Namutuya ena achaneana tikatianaka'eanayare táichavene'i eta é'isiranu'i, émasera mákani tikamicha'i te táitawapa tamutu, tiuchuku'ayare.

San Mateo 24:13

Énasera mákani tikamichaya te táitawapa tamutu, tiuchuku'ayare.

San Lucas 8:15

Natiari'isera ena apamuriana achaneana nakuti'i eta tiúrina máteji. Ena, nasamararaka'i eta nímiturapiana, náunaka'i yátupi te nasamureana. Tájinaware náichirawaina'ini eta náe'isiranu'i. Wa'i nayakujima'i.

Romanos 15:4

Ema Viya tiwaneka'i ena víyara'anaini profetana nájucha'i eta máechajiriruwana te Takapika'ukene Ajureka. Eta, tikamapurawakareyare'i eta táimitusira'aviyare'i, apaesa táetumecha'avi eta vé'isira, takurisamurecha'avinaware. Tímituka'avi'iware yátupina eta vikasiñawa me Viya eta máijarasiraparaka eta viúrikakarewaya.

Romanos 2:7

Ema maíjarakawakainapa, máichekuarakireyare eta naítaresiraya, ena tikuchapawanaya eta nasiapiraya eta te majaraiwa'i ema Viya, ena tepiyakana'i eta taurikene;

Romanos 5:3

Te tatiari'inapuka eta vikatajiwairayare, viwapinawachucha eta vikamichira'i; taicha vecha'i eta vikatajiwaira'i tétumecha'aviya eta vímiyanirawa vé'ika,

Romanos 5:4

táichavene'i eta vímiyanirawa vé'ika, vijakapaipaware eta vitumewayare virata'airayare vikamicha tamutu, tási'a, eta vikamichira'i tamutu, vikuchapainapa eta táitsiwayare.

Romanos 8:25

Wákamicha tamutu, vímiyanawa eta vikasiñawaira'i eta maye'e támutu sácheana. Tapaenumawainapa víma'ainapa, tájinapa vikuchapaima'i.

1 Tesalonicenses 1:3

Taicha tamutu sácheana vécharairika'eparaka eta ímeresira'i eta esuapira'i é'isira'i ema Viákenu Jesucristo, étapa eta epamisirawa'i ekaemataneaka'i yátupi, táichavene eta émunasira'i ema, étapa eta ekamichira'i tamutu táichavene eta ekuchapirawa'i eta machaviraya. Ema Tata Vikaiyakene máima'a tamutu eta íchararakawana.

2 Tesalonicenses 3:5

Máimikataka'e'ini ema Viya eta ímatiraina etapa eta máemunasira'e'i. Máijaraka'ewareni eta etumewaina taye'e eta ekajapanurawaira'i.

Hebreo 10:36

Akamichawa'isera eti. Ímiyanawa ítaucha eta mawara'akene'i ema Viya, tási'a yátupinapa ejákapainapa eta íkuchi eta maye'e.

Hebreo 6:11

Nuwara'aware ímiyanawa'ini eta ewapinawairawaka ámutu eti eta ekaemataneasira'i, yátupina ekasiñawa maye'e ema Viákenu, ekuchapaya eta machaviraya.

Hebreo 6:15

Ema Abraham, ichapemuri'i eta makuchapira'i akamichira'i, eta taka'e majachapapa me Viya eta maikure'i. Makasiñawaira'i me Viya, eta makuchapira'i eta máijararuwana'i ema Viya.

Santiago 1:3

Taicha échaipa eta ekasiñawaira me Viya titsamareka'eyare'i eta erata'ayarepuka eta iatajiwana, eta juka eta timikataka'eya'ere eta ekamichirayare eta iatajiwana apaesa etumechawa.

Santiago 1:4

Taka'e ekamesawayare étumechawachucha apaesa tatupiru eta itaresira, etainapa timikataka'eyare, apaesa wa'i ekuechuriaka eta esuapajiraiwaina.

2 Pedro 1:6

eta epanerechira, étapa ekaratakawa eta ichiraina eta tamauirikenana, eta ekaratasirawa eta ichira eta tamaurikeneana, eta ekamichira, eta ekamichira étapa eta éjarasira eta itesira me Viya.

Apocalipsis 1:9

Nuti Juan, núti'ichu echamurinu'i, núti'ichuware ekutikenenu'i eta nawa'asira'i ema Viya, taye'e eta vikatajiwaira'i, vikamicha'isera tamutu taicha tétumecha'avi'i ema Jesús. Taichavene eta vikametarairuira eta maechejiriruwa ema Viya, eta nukawana'ira'i ánaki tejena tiurupu'i tikaijare Patmos.

Apocalipsis 13:10

“Mákani témeratakayare ema apana, énerichuware tikaeratayare ema apanaware, mákani tikapareka'i, nakapakayarewa ema.” Eta taka'e, tikaecherainapa ena yatupikeneana tikasiñawana me Viya, eta nakamichirayere eta nakatajiwarayare, nákani machanerana ema Viya.

Apocalipsis 14:12

¡Eta taka'e, ena machanerana'i ema Viya, ena tisuapana'i eta mawanairipiana, túmesamureanayare eta náe'isiraya ema Jesús, puiti nakamichayare'i tamutu!

Apocalipsis 3:10

Piti, pítaucha'i eta nuwanairipi eta pikamichiraya tamutu, eta taka'e, nujaneakaviya nuti apaesa wa'i takuimive'avi te táitekapapa eta natajiwanayare namutu ena achaneana táwapa'iana'i te juka apake'e.