San Lucas 20:17 - Táurinakene máechejiriruwa’i ema Viya tikaijare

¹⁷ Ema Jesús máesenimuri'awakapa, tási'a máichawakapa: –Taka'e ¿taja'asika takayemakene'i eta Ajureka?: ‘Ena tépiyarekara'iana eta peti, tasapi'apa náepuru'i eta mari táikuchi'i tatumearayare eta peti.’

Ignaciano

¹⁷ Ema Jesús máeseni­mu­ri­ha­vacapa. Tásiha, máichavacapa: —Jéhepuca, németea­casera vuíchaha ácaicu­tia­rahini eta tacaye­ma­quenehi eta Sagrada Escritura. Éta, áni tacahehi: “Ena tépiya­re­ca­rahiana eta Templo, tasapiha náepuruhi eta mari táicuchihi tatumea­rayare eta peti, taicha vahi náimatihini. Émasera ema Viya macaite­capapa eta táicuchihi eta tatupa­rahahi. Tacapi­ca­hu­quenehi puiti” tacahehi eta Sagrada Escritura.

San Lucas 20:17 ပူးပေါင်းရင်းမြစ်များ

San Mateo 21:42

Taka'e, ema Jesús máichawakapa: –¿Tájina ímaiya'ini échejiku'a'ini eta takayemakene'i eta Takapika'ukene Ajureka? Ani naka'e'i: ‘Ena tépiyarekara'iana eta peti, tasapi'apa náepuru'i eta mari táikuchi'i tatumearayare eta taicha wa'i náimati'ini. Émasera ema Tata tepiyaka'i, ichape eta taramikarewa'i.’

Marcos 10:23

Ema Jesús máesenikapa ena tichayakana'i, tási'a máichawakapa ena máimitureana: –¡Máitujianaya eta nasiapiraina'ini ena ríkuana, eta te mawasa ema Viya akenuka te anuma!

Marcos 12:10

“¿Wa'i échejiku'a'ini eti eta Takapika'ukene Ajureka? Ani taka'e'i: ‘Ena tépiyarekara'iana eta peti, tasapi'apa náepuru'i eta mari táikuchi'i tatumearayare, taicha wa'i náimati'ini.

Marcos 3:5

Taka'e ema Jesús máesenimuri'apa ena tichayakana'i, tisemaine'i, katisamurewaine'i taicha eta namúrakasamurewa'i ena achaneana, maichapa ema achane. –Pikánukecha eta piwa'u. Ema achane énewanepa makanukecha'i eta mawa'u, tási'a tinarakapa.

San Lucas 19:41

Te, títekapanapa te tachakaya eta Jerusalén. Eta máimaira'i ema Jesús eta awasare, tíya'apa táicha.

San Lucas 22:37

taicha puiti numetaka'e títauchawainapa eta táechejiriruwana'i eta Ajureka: ‘Tímikutijirikawa'i nukapa'i'ini náicha.’ Tamutu eta juka títauchawayare'i.

San Lucas 22:61

Taka'e ema Viakenu máesenikapa ema Pedro, tási'a maéchapa ema Pedro eta mametarapi'i ema Viakenu: “Te tamira'uinaicha'a eta táechejisirayare eta warayu, píti mapa'eyare eta peñauchiranuya.”

San Lucas 24:44

Tási'a, maichawakapa: –Eta juka níchawakenewa'i, étara eta numetaru'e'i kape juka nukachanera'éicha'a. Eta taka'eyare'i eta táitauchirawayare'i eta májuchakeneana'i ema víyara'aini Moisés nuti táechejisi'akene'i. Étapa eta nájuchakeneana'iware ena profetanaini, étapa eta Salmo.

San Juan 15:25

Étasera taka'eyare'i eta táitauchirawayare'i eta táechejiriruwana eta Ajureka, eta wanairipi naye'e ena: ‘Tájina taviuchanu'ini eta nakatianasiranu'i.’

Hechos 4:11

Eti, épuru'i ema Jesús, ema manerejirukene'i ema Viya. Puiti, ekutipa ena máitukara'ana tépiyarekana peti, náepurupuka eta tatumekene esuiki táesuikirayare'ini ta peti puitisera etapa ichape'i taetumeara'i.

Efesios 2:20

Eta esiapamuri'avira'i te vimuri, nímikutichaipa te náepiyaka eta ichape peti. Ema Jesucristo, tétavikawa'i eta máetumechira'avi'i vimutu viti. Tási'a, visiapa viti apústuleana énapa ena profetana. Ekuti eta labriyuana étapa eta yukukiana.

1 Pedro 2:6

Eta Takapika'ukene Ajureka, ani taka'e: “Nuti nunakayare te Jesusalén eta etana mari eta juka mari tetavikawa'i eta tatumewa'i, takanerejikene'i tetavikawa eta tasiwachwa'i; ena tikasiñanayare taye'e eta juka mari, waipaine'i titsiri'akareanaima'i.”