San Lucas 2:51 - Táurinakene máechejiriruwa’i ema Viya tikaijare

⁵¹ Taka'e, tiyananapasera tichawana te náwasa'i Nazaret. Ema Jesús, tisuapajira'i'i naye'e ena tikachichana. Esu maena María tamutu'i supanerekene'a'i te susamure eta juka susamakeneana'i.

Ignaciano

⁵¹ Tacahe, tiyana­na­pasera tichavana te návasahi Nazaret. Ema Jesús, tisuapa­ji­rahihi nayehe ena ticachichana. Esu maena María tamutuhi supane­re­que­nehahi te susamure eta juca susama­que­neanahi.

San Lucas 2:51 ပူးပေါင်းရင်းမြစ်များ

San Mateo 12:46

Tímiturekaicha'a ema Jesús naye'e ena achaneana, te títekapanecha esu maena énapa ena maparapenaveana, títekapanapa nanasi'isera te aneka, nawara'a'i náechejikayare'i ema,

San Mateo 3:15

Émasera ema Jesús majikapapa: –Tájinachucha táichawa, tikamunukare'i nítauchayare eta mawara'akene'i ema Nukaiyakene Tata Viya. Tási'a, ema Juan tísapawapa.

Marcos 1:9

Te jena sácheana'i ema Jesús tiuchukapa te Nazaret tinapaika'i te Galilea, tási'a ema Juan máikachasikapa te kajakure Jordán.

Marcos 6:3

¿Wa'i émaina ema maka, ema carpintero suchicha esu María, maparape ema Santiago, ema José, ema Judas émapa ema Simón? ¿Tási'a wa'i ánina navi'a ena esenana maparapenaveana, tikawasana'i eta ani viye'e? Tási'a wa'i nasuapa'i ema.

San Lucas 18:37

Nametakapasera eta émaira'i tiánuku'ayare'i ema Jesús Nazareno.

San Lucas 2:19

Esu María supanerekene'aine'i te susamure tamutu eta juka susamakeneana'i.

San Lucas 2:39

Tiuri, náitauchapa tamutu eta mawanairipiana ema Viya eta te takapika'ukene. Taka'e, tichawanapa eta te Nazaret te Galilea, te náwasaichu'i ena.

San Lucas 4:16

Ema Jesús tiyanapa te Nazaret, te jena awasare majurusine'i. Jena sache sáwarumu'u, tisiapapa te peti náurujisirarewa ena juriyuana, taicha taka'e'i eta maye'erepi'i, tási'a titupi'apa ema, eta maéchejiku'ayare'i eta Ajureka.

San Lucas 4:23

Ema Jesús majikapawakapa: –Ewara'ainapapuka íchanuyare: ‘Te yátupina píturuekene'a, pípuchawaka ena tikajumana'i te juka.’ Taka'e naichainapa: ‘Víma'aseji piápechawaware pikuchuka te juka piáwasaichu, takuti eta pímereru'i te awasare Cafarnaúm.’

Efesios 5:21

Emutu eti, etijikaka esuapakaka táichavene'i eta epikauchira'i ema Viya.

1 Pedro 2:21

Taicha ema Viya, eta máichuira'e'i, mawara'a'i ekutiyare'i ema Cristo eta makamichira'i tamutu eta mátajiwana'i íchavene'i eti, mawaraira'i ekarawa'u eta máuriwa'i, ekutiyare'i ema.