San Lucas 2:40 - Táurinakene máechejiriruwa’i ema Viya tikaijare

⁴⁰ Taka'e, ema amuya Jesús tiúrijuru'i. Túme'i. Téchemara'i'i, tamutu maecha, taicha mamunawa'i me Viya.

Ignaciano

⁴⁰ Tacahe, ema amuya Jesús tiúrijuruhi. Túmehi. Téchema­rahihi, tamutu maecha, taicha mamunavahi me Viya.

San Lucas 2:40 ပူးပေါင်းရင်းမြစ်များ

San Lucas 1:80

Ema amuya eta majurusira'i, tiámawaipa'i eta masuapajiraiwa'i maye'e ema Viya. Wá'iware étaina'ini te taju'e eta awasare eta majurusine'i. Wáma'ikuru'a'i eta majurusira'i. Tiámainukawapa te ajairapa, tímerekawapa naye'e ena israelítana, tépanawapasera tikametarairu.

San Lucas 2:47

Ichapeine'i eta náramira'i namutu eta náimaira'i eta máechemaraiwa'i, taicha táuriwapa'i eta majikapirawakapa'i ena, taicha eta máechemaraiwa'i.

San Lucas 2:52

Taka'e, ema Jesús tijurukapaipa, tijuru'akapaipaware eta máke'e, takachanepa'isera eta máitupajijiasirawa'i. Máimikataka'i ema Viya. Tétavikawa'iware eta náemunasira'i ema, ena achaneana.

San Juan 1:14

Émaichu'ineni ema Echéjirirukawa, tépiyakawapa ajaira'i, tási'ia tikachane'avipa viye'e viti, tási'a vima'a'i eta majaraiwa, majachapakene'i me Maiya, táicha makarichu'i machicha, tetavikawa'i eta yátupikenera'i maemunaraiwa'i.

Hechos 4:33

Taka'e, tímiyanawana'i ena apústuleana eta náechejisi'aira'i eta máechepusira'i ema Viákenu Jesucristo. Máimikatakawaka'iware ema Viya, namutu ena,

Efesios 6:10

Puiti nutuparaka'eware, nuparapenaveana, ekasiñawa yátupina maye'e ema Viákenu apaesa máijaraka'e ema eta matumewa étapa eta máitupajijiasirawa.

2 Timoteo 2:1

Pítisera némunarukene nuchicha Timoteo, nuwara'a yátupina máetumechavini ema Viákenu Jesucristo.