San Lucas 2:27 - Táurinakene máechejiriruwa’i ema Viya tikaijare

²⁷ Te jena sache, ema Machanewa Viya mawanekapa ema achane Simeón mayana te templo; taka'e, títekapanapa ena tikachichana ema Jesús. Námapaipa ema amuya. Náitauchayare'i eta wanairipiana taicha eta máuchusira'i ema suárachicha'i,

Ignaciano

²⁷ Tiuri, te jena sache, ema Espíritu mavanecapa ema achane Simeón mayana eta te Templo. Tacahe, títeca­panapa ena ticachichana ema Jesús. Námapaipa ema amuya. Náitaucha­yarehi eta vanairipiana taicha eta máuchusirahi ema suárachichahi.

San Lucas 2:27 ပူးပေါင်းရင်းမြစ်များ

San Mateo 4:1

Tási'a, ema Machanewa Viya, mámapa ema Jesús te máwapa'i wama'i, apaesa ánaki makaitsamaraji ema wínaraji.

San Lucas 2:22

Taka'e te tiratawapa eta tatupa eta sache'i, eta suínasira'i esu María, tiyananapa te Jerusalén. Eta tímiyanawaka'i ena, náimerepanayare'i ema amuya te mamira'u ema Viya.

San Lucas 2:28

Te máima'apa ema Simeón ema amuya, mave'apa, majupakapa. Tási'a, makunachaine'i ema Viya. Maka'epa:

San Lucas 2:41

Tiuri, tamutu añuana te Páskuamu'uana, eta naye'erepi ena tikachichana ema amaperu Jesús, tiyananayare'i taye'e eta awasare Jerusalén.

San Lucas 2:48

Taka'e, tiáramiwanaine'i ichape ena tikachichana te náetupiakapa. Tási'a, suíchapa esu maena: –Nuchicha, ¿tája'a takayema picha'avi'i? Ichapemuri eta vikañamarasirawa'i pícha. Vitanujirikavi'i, nuti éñipa eñi piya.

San Lucas 2:51

Taka'e, tiyananapasera tichawana te náwasa'i Nazaret. Ema Jesús, tisuapajira'i'i naye'e ena tikachichana. Esu maena María tamutu'i supanerekene'a'i te susamure eta juka susamakeneana'i.

San Lucas 4:1

Ema Jesús, máwa'akaipa ema Machanewa Viya. Tási'a, ema Machanewa Viya máwasamurechira'i, máimitukaipa'i eta mayanirayare'i te máwapa'i wama'i. Majunijikayare'i eta kajakure Jordán.

Hechos 10:19

Émasera ema Pedro manasi'icha'a tipanererekaicha'a taicha eta máima'akene'i eta makaimairurujiwa'i. Tási'a, ema Machanewa Viya máichapa: “Pima'a narari'i te juka ena mapanana ajairana titanukavianapa'i.

Hechos 11:12

Taka'e ema Machanewa Viya tiwanekanupa né'ikawaka ena, taicha tájina táeñamawakare'ini, éneichuware té'ikanuanapa ena nani sáisikeneana vichamuriana, vimutu'i visiapa'i te mapena ema achane,

Hechos 16:7

nakaiju'eyare'i te tinapaika te Bitinia, té'esera te nakanarapa eta Misia. Ema Machanewa ema Viya mametakawarepa wa'i nakuyana taye'e, taka'e náetaviekene'apa.

Hechos 8:29

Eta Machanewa Viya mametakapa ema Felipe, ánipa maicha'i: “Piyana pémeña'awa taye'e eta jena makarreta.”

Gálatas 4:4

Émasera ema Viya, te máima'a tiuri eta táitauchirawayarepa eta mapanereru'i, máewatakapa ema Machicha te juka apake'e. Ema Jesús, tiáchanechawapa te suju'e esu maena. Eta máuchusira'i, viwasima'i eta vikake'era'i viti achaneana, eta majurusira'i, tikarawa'upa eta viye'erepiana viti israelítana,

Apocalipsis 1:10

Te jena sachekene'i lumínkukene'i, ema Machanewa Viya tímechanu'i eta mawara'akeneana tímechanu ema Jesucristo, taka'e'i eta táepanirawa'i eta máimemechiranu'i, tatiwapa nusama'i eta ma'u ema émana te nukeku, muraka eta máechejisiranu'i, tirure'ucha eta nusamira'i takutia'u eta nachuja.

Apocalipsis 17:3

Taka'e, ema Machanewa Viya tímima'anu'i eta mawara'akeneana tímechanuya ema ángele, ema ángele tiámanupa taye'e eta máwapa'i apake'e. Ánaki níma'apa esu esena téjaka'i te táina'u eta táiñe'ikene sárare, machanewa'i ema Útsutsure, titsi eta táima'i, te táke'e, amairi'a eta ajureka táimijarechawa'i, tímijachawa'i Víyaina'ini, siete eta tachutiana, diez eta taji'uana.