San Lucas 19:42 - Táurinakene máechejiriruwa’i ema Viya tikaijare

⁴² Maka'epa: “¡Páurevisami piti náwasasami Jerusalén. Te nákaikutiaraini apaesachichaina'ini ena pichichanaveana'i eta nuwaraira'i nukuchuku'awaka! Puiti juka sache nutiari'iraipa ani piye'e, náuri'aine'i nákamapurawa'ini eta náurikakarewa'ini.

Ignaciano

⁴² Macahepa eta máiyairahi: —Páurevisami piti návasasami Jerusalén. Te nácaicu­tiaraini apaesa­chi­chainaini ena pichicha­na­veanahi eta nuvarairahi nucuchu­cu­havaca núti. Puiti juca sache nutiari­hi­raripa ani piyehe, náurihainehi nácama­pu­ra­vahini eta náurica­ca­re­vahini.

San Lucas 19:42 ပူးပေါင်းရင်းမြစ်များ

San Lucas 19:41

Te, títekapanapa te tachakaya eta Jerusalén. Eta máimaira'i ema Jesús eta awasare, tíya'apa táicha.

San Lucas 19:43

Taicha járajapayare eta sácheyare táetaviuchawaya eta nakatajiwairaya, ena piánaranaya tichayakavianayare. Té'avianainapa, tájinapa piviyawaima'i pikatiuchiawaima'i,

San Lucas 19:44

Témestapaikavianainapa te apake'e. Nakapapajikawakainapa ena pichichanaveana. Tájina nakaemachakenéma'i eta peti. Tamutuyare nákipapaika. Eta piviurewaya, eta juka pimajakapiranu'i eta néjirairavi'i nuti mawanerunu'i ema Viya.”

Hechos 10:36

Taicha ema Viya makaitekapa'i eta máechejiriruwa viye'e viti israelítana. Vimetakawakayare nákani tikasiñawana'i maye'e ema Jesucristo. Émara Viákenu vimutu.

Hechos 13:46

Te nasamapa ema Pablo émapa ema Bernabé eta náichira'i ena tikatianakana'i, tájina wa'i nayututuema'ini, náichawakapa: –Tatuparaka'i étiwayare'i eti vijaneanana juriyuana; vímituka'e eta juka máechejiriruwa ema Viya. Étisera wa'i iúrika'ini eta esamira'i, wá'iware ésacha'ini ésenika eta máwasa ema Viya, taka'e puiti, énainapuka vímitukawakaya ena apawasana.

Hebreo 3:13

Étumechakakayaresera naye'e ena apamuriana echamuriana támutu'i sácheana, tayerewaina eta juka “puiti” eta taechejiruruwa eta Takapika'ukene Ajureka, apaesa nakuija nakuwayuaka'e eti taichavenena eta pekatu te esamureana machu échawa etupiara'i wínaraji'ena.

Hebreo 3:15

Eta Takapika'ukene Ajurekanápe ani taka'e: “Puiti jena sache, esamayare esuapayare eti eta mametarapiana ema Viya, wa'i ekuemurakacha eta esamureana machu ákuti ena achaneana titupiara'iana'i.”

Hebreo 3:7

Eta taka'e, nuwara'a ejaneakawa, ema Machanewa Viya, ani maka'e'i eta máechejiriruwa'i taye'e eta Takapika'ukene Ajureka: “Puiti te esamapuka eti, eta maechejiriruwa ema Viya