San Lucas 18:32 - Táurinakene máechejiriruwa’i ema Viya tikaijare

³² Naijararekainapa naye'e ena suntaruana rumanuana, nakaeka'inapa ema, nakaetemajirikainapa tási'a, nátutukichainapa.

Ignaciano

³² Ánaqui nucaija­ra­re­ca­siyare núti nayehe ena apava­sa­queneana romanoana. Énainapa ticaeca­hi­ji­ri­ca­nua­nayare, ticaete­ma­ji­ri­ca­nuanaya, tiátutu­qui­cha­nua­na­yareva.

San Lucas 18:32 ပူးပေါင်းရင်းမြစ်များ

San Mateo 16:21

Tepanawapa, ema Jesús, máimitukawaka'i ena máimitureana, eta mayanirayarre'i te Jerusalén, eta makatajiwairayare, náepuruyar'i ena viyakarana, énapa ena tachutiri'ana naye'e ena tiyujarakara'iana, énapa escriwánuana. Mametakapa eta náimikapakayare'i, mapanayaichu'isera sache eta maka'eyare'i eta maepenirayare'i, tási'a tichawayarepa téchepuka.

San Mateo 20:19

tási'a naíjararekayare naye'e ena suntaruana rumanuana, nakaeka'inapa ema, ena naéstakainapa, nae'ainapa, tási'a naemetatarekainapa te crusu, tási'asera te mapanakenenapa sache, téchepukainapa te maékari.

San Mateo 22:6

tási'a ena apamuriana nakaratakapa ena mawanarana ema rey tási'a, náe'awakapa, nakapakawakapa.

San Mateo 26:67

Taka'e ena nátutukichapa te mamira, tási'a naepuchirikawarepa. Ena apamuriana náe'amira'apa te mamira,

San Mateo 27:2

Námapa, naitivuchapa, námapa te mamira'u ema Pilato, tuparairuka'i ema taye'e eta roma.

Marcos 14:65

Tepanawanapa, nátutuaka, tási'a náitiukichaware, tási'a naepuchirikawarepa naichapa: –¡Te pijarauki'ipuka, pímatiyare nája'a'ipuka ema té'avi'i! Tási'a énapa ena suntaruana taye'e eta templo, náe'amira'apa te mamira.

Marcos 15:1

Te tijarara'ipa, tiúrujikawanapa ena tachutiri'ana ena tiyujarakara'iana, nakachanewaka'i ena viyakarana, énapa ena escriwánuana: énapa ena Akenukara'ana. Námapa, naitivuchapa, námapa te mamira'u ema Pilato.

San Lucas 18:33

Nae'ainapa, tási'a naemetatarekainapa te crusu, tási'asera te mapanakenenapa sache, téchepukainapa te maékari”

San Lucas 23:1

Namutupa téchepumuri'anapa, tási'a námapa ema Jesús te mamira'u ema Pilato.

San Lucas 23:11

Taka'e ema Aluresi, tási'a énapa ena suntarurana, ichapeine'i eta náepuruira'i, tási'a namuriachapa eta muriare tijanunumeka makuti'ipa'i eta mamuriachirawa'i ema rey, táikutiara'i eta nakaeka'ira'i ema. Taka'e, ema Aluresi náimichawapa te mamira'u ema Pilato.

San Lucas 23:35

Natiari'i'i ena achaneana tímararakana'i tamutu. Énaipa ena tuparairukana nakaeka'ijirikaipa ema, naka'eipa'i: –Ema máka, marata'a'i makuchuku'awaka ena apamuriana achaneana, tási'a puiti, émajiwaina makuchuku'awa, te yátupi'ipuka émaira'i ema Cristo, ema manerejiru'i ema Viya.

San Juan 18:22

Eta maechejisira'i ema Jesús eta juka, masamapa ema suntaru, máe'amira'apa. Tási'a, máichapa: –¿Tája'a takayema tíñema'i eta pijikapira'i ema akenuka makapika'ukene'i?

San Juan 18:28

Nakuchukapa ema Jesús te mapena ema Caifás, taye'e eta palacio mávi'a'i ema Pilato. Wáipasera nasiapa'ini ena tuparairukana. Nanasipa te aneka, namawaraira'i náechipejikawa'ini eta nanisirayare'i eta cordero pascual.

San Juan 18:30

–Ena najikapapa: –Jukari'i eta maviurewa'i, eta taka'e, viámapa'i eta piye'e.

San Juan 18:32

Taka'e'i eta táitauchirawapaipa tamutu eta máechejiriruwanapa'i ema Jesús eta máepenirayare'i te crusu.

San Juan 18:35

Ema Pilato majikapapa: –Wa'i nímati eta epanereruana eti israelítana, énaichu'i ena pijaneanana, tási'a énapa ena tachutiri'ana ena tiyujarakara'iana, ena tiámavianapa'i eta ani nuye'e. ¿Tája'a eta piviurewa'i eta naye'e?

Hechos 2:23

Emara ema maka achane, eta taitauchirawaya eta mapanereruana mawara'akene maicha ema Viya, eta taka'e, máisapa'i eta íjararesira'i ema Machicha naye'e ena wínarajikeneana achaneana, ema, émetataru'i te crusu, ema, ímikaparu'i.

Hechos 3:13

Taicha ema Viya tíjaraka'i eta tamutuirayare marata'a ema Machicha Jesús. Émara ema maka Jesús ema épurukene'i eti, íjarareru'i maye'e ema akenuka apawasajueku Pilato.