San Lucas 18:22 - Táurinakene máechejiriruwa’i ema Viya tikaijare

²² Te masamapa eta juka ema Jesús májikapapa: –Jukari'icha'a eta pítauchakeneyare: piyana píjararekaya tamutu eta píma'akeneana, tási'a píjarakawakapa ena páureana. Jé'eware eta pijakapayare eta píma'akeneyare te anuma. Tási'a pitekapa pé'ikanu.

Ignaciano

²² Tásiha, ema Jesús máichavarepa: —Jucari­hi­cha­hasera eta pítaucha­que­neyare. Píjara­recaya tamutu eta pímaha­queneana. Tásiha, píjara­ca­vacaya ena páureana. Jéhevare éta, pijaca­payare eta pímaha­que­neyare te anuma, táitsivayare. Te tamutupa eta juca, píteca­vanepa péhicanu —máichapa ema Jesús.

San Lucas 18:22 ပူးပေါင်းရင်းမြစ်များ

San Mateo 19:21

Ema Jesús májikapapa: –Te piwara'apuka pítaucha tamutu, piyana, píjararekaya tamutu eta píma'akeneana, tási'a píjarakawakapa ena páureana. Jé'eware eta pijakapayare eta píma'akeneyare te anuma. Tási'a pitekapa pé'ikanu.

San Lucas 10:42

Esu suka María tétupikawa'i eta supanereru. Nájina tiverejikaima'i eta suwara'akene'i.

San Lucas 12:33

Íjararekayare eta íma'akeneana, íjarakayare nákani tikamunuwana'i. Máima'ainepa ema Viya, tíjaraka'eyare eta táitsiwayare ánaki te anuma, máitawakakainapa eta ekaima'akeneraya. Wá'iware táeñamawakare, taicha nájinapa tiámeyecha'ema'i, tajinaware kachusirina.

San Lucas 16:9

“Puiti numetaka'eyare, eti ekaima'akene'ipuka, ekajiyare te napaucha'epuka ena tikamunuwana'i. Taka'e, te ítekapapa te máwasa ema Viya, tiúriyare eta ítekapiraya, ánaki ejákapainapa eta táitsiwayare.

San Lucas 18:21

Ema achane máichapa: –Tamutuipa'i eta juka nítaucha'i eta námaperuwa'i.

San Lucas 18:23

Émasera ema achane te masamapa eta juka, katisamurewaine'i, taicha ema mawayucha'i eta marrikuwa'i.

San Lucas 9:23

Tási'a máichawakapa namutu: –Nákani nawara'a náe'ikanu, takamunu náinajikawa tamutu eta ti'apapirikawaka'i, náijarakawa puiti jukana sacheana, eta táimikapasiraina eta náe'isiranu'i.

Filipenses 3:13

Nuparapenaveana, yátupikene'i wicha'a támutu nukapayayaraka'ini, nuwara'aipasera némitisikayare tamutu eta nunakiruana, tási'a, nétumechawainapa eta nítauchiraya tamutu eta mawara'akeneana'i níchakeneanayare'i,

2 Pedro 3:8

Wá'isera ekuemitisika, nuparapenaveana, eta matuparaki'i ema Viya, wa'i tákuti eta vituparesira viti achaneana. Ema, étana sache matuparaka'i, vítisami mil añuipa eta vitupachira'i tayerewaipa.