San Lucas 18:11 - Táurinakene máechejiriruwa’i ema Viya tikaijare

¹¹ Ema fariseo, tupi'a'i eta maeñauchirawa'i, ánipa maka'e'i: Nu'asulupayachavi, Tata, eta núriwa'i te pimira'u, wa'i nákuti'ini ena apamuriana achaneana tiámera'iana'i, tisipekaturana'i, esenamareana'iware. Wá'iware nákuti'ini ema máka achane te juka nuchakaya ema tive'ara'i eta viyase'ana.

Ignaciano

¹¹ Ema fariseo, eta macasi­ña­va­vai­sirahi, témeña­havapa tayehe eta cuarto tacapi­ca­hu­quenehi te Templo. Ánipa macahehi eta mayuja­ra­sirahi: “Nuhasu­lu­pa­yachavi, Tata Dios, eta núrivahi te pimirahu. Vahi nácutihini ena apamuriana achaneana tiámera­hianahi, tisipe­ca­tu­ranahi, esena­ma­rea­na­hivare. Váhivare nácutihini ema mácatataji te juca nuchacaya.

San Lucas 18:11 ပူးပေါင်းရင်းမြစ်များ

San Mateo 10:3

Ema Felipe, ema Bartolomé ema Tomás, émapa ema Mateo, ema tive'ara'ini eta tawacha eta apake'e taye'e eta Roma, ema apana Santiago machicha ema Alfeo, tási'a émapa ema Tadeo,

San Mateo 5:20

“Táicha te wa'i ekuetumechawa eti, eta esuapajiraiwaina, ekutiyare ena escriwánuana, tási'a énapa ena fariséuana, wa'i itujikawaima'i esiapa te mawasa akenuka ema Viya te anuma.

San Mateo 6:5

“Te eyujaraka eti, wa'i ekukuti ena apimirana, tiyujarakana te peti naúrujisirarewa ena juriyuana, té'epuka te anekapa'iana, titupi'ana'i ena eta nayujarasira, nawaraira'i náimararakayare'i ena achaneana. Nútisera numetaka'e, ena nani tika'eana'i, najachapainapa eta naikuchi'i.

Marcos 11:25

Éneichuware, te éñauchawa emetavika eti, eta naviurewana'i nákani tejekapawana'i eta eye'e. Apaesa éneichuwa maemetavika'e eta eviurewana ema Tata Vikaiyakene tiavi'a'i te anuma, tamutu eta epekaturana.

San Lucas 20:47

tási'a takutikene naverejikaware eta napenana ena tépenaimana. Tási'a tiúpiemanawa eta nayujarasira. Énasera tiápajukawanaya eta nakaikuñairaya.”

San Lucas 22:41

Térajipanawapa ema Jesús eta naye'e ena. Tépuyukapa eta mayujarasira'i.

Gálatas 3:10

Natiari'isera ena tímijachawana'i tijakapakareanayare me Viya táichavene'i eta nawaraira'i náitamuturuka eta wanairipiana étasera eta Ajureka ani taka'e: “Tamutu sacheana ítauchayare tamutu eta juka wanairipiana, te éjeki'a apaesachichaina, eta tímikuñaka'eyare.”

Filipenses 3:6

eta nímikapikauchira ichape eta nupanajirisirawaka'i ena te'ikana'i ema Jesús, nukasiñawa'i nuti eta nítauchira'i yátupi eta viye'erepiana. Tájina néchejisiakarewa'ini naye'e ena achaneana.

Apocalipsis 3:17

Taicha piti pimijachawa'i pikaima'akene'i tájina pichirawaina'ini, tájinaware pákamunu'ini. Wá'isera pipanerechawa'ini ichapemuri'i eta pijapanurawa'i, tajina'ineni pima'akenena'ini, piti'ineni pikaijare páurevi, púchukivi'i, mamuriarevi'i.