San Lucas 17:30 - Táurinakene máechejiriruwa’i ema Viya tikaijare

³⁰ Ene taka'eyare eta machavirayare ema machicha ema achane.

Ignaciano

³⁰ Ene tacaheyare eta nusache­rayare nuti Manere­ji­runuhi ema Viya eta nuchaviraya.

San Lucas 17:30 ပူးပေါင်းရင်းမြစ်များ

San Mateo 16:27

Taicha ema Machicha ema Ajaira, tichawayare'i, mámainapaipa eta majaraiwa ema Tata, makachanéwakayare ena ángeleana. Te jena sácheyare, tíjarakawakainapa eta náikuchiana'i ena machanerana, jákani náemataneanapachu'i.

San Mateo 24:3

Tási'a tiyananapa te simena tikaijare Ulivukiji. Ema Jesús téjakapa, tási'a nakachakayapa ena maimitureana nayaserekapa mákarichu: –Viwara'a pimetaka'avi, tájamu'upuka eta náimiakipaisirayare eta mapena ema Viya. ¿Jarari'iyarepuka eta ekutiarareyare te táne'ipa eta táitauchirawayare eta apana péchejisi'akeneana'i?

San Mateo 24:37

“Takutiyare eta akane eta náija'uchirawa'i tépenana ena achaneana machamurianaini ema Noé, enetaka'eyare eta machavirayare ema machicha ema achane.

San Mateo 24:39

Tájina wa'i natsekawa'ini eta táitekapauchirayare'i eta ichape une. Taka'e, eta táemirisirapa eta ichapekene tikiwa, teririjikanapa namutu ena, ene taka'eyare eta machavirayare ema machicha ema achane.

San Mateo 26:64

Ema Jesús majikapapa: –Petupika'i eta píchira'i, tási'a nuti eneichuware, numetaka'eyare eti, eta íma'ayare ema Machicha ema Ajaira eta maéjasirayare te mawaure ema Máitupajijiaruwakene'i, tási'a eta maúkupaisirayare mási'ayare te anuma, támirayarepa'i eta úkajiana.

Marcos 13:26

Taka'e, tikaecherainapa ema Machicha ema Ajaira eta maitekapirayare, támainapaipa eta úkajiana, tétavikawayare eta majaraiwayarepa'i.

San Lucas 17:24

Taicha takutiyare eta térameka, eta maítesirayare ema Machicha ema Ajaira. Tamikauchayare eta anuma étapa eta apake'e, jena sacheyare.

San Lucas 17:29

té'esera te majunijikapa ema Lot eta awasare Sodoma, tíja'uchawapa tikiwapa eta yuku tikasiriki azufre tiási'a'i te anuma, takapapajikawakapa namutu.

San Lucas 21:22

Taicha táitekapauchainapa eta tasacherayare eta takaikuñairaya, títauchawainapa eta tametarapi eta Takapika'ukene Ajureka.

San Lucas 21:27

Taka'e tikaecherainapa ema Machicha ema Ajaira eta maitekapirayare, támainapaipa eta úkaji, tétavikawayare eta majaraiwayarepa'i.

1 Corintios 1:7

Tamutuipa tíjaraka'e'i ema Viya, tájinapa iátajiwaina'ini eta ítupajijiasirawaipa'i. Étanecha ekuchapayare eta jena sacheyare machavirayare ema Viákenu Jesucristo.

1 Corintios 1:8

Puiti ema Viya tétumecha'eyare puiti juka vikaiju'eyare eta ítaresiraya apaesa takuija ekuawamira'u te jena sácheyare machaviraya ema Viákenu Jesucristo.

Colosenses 3:4

Té'esera te machawa ema Viákenu Jesucristo, máitsiwachainapa eta iáke'eanayare. Tási'a ekachanenapaipa ema, tétavikawaya eta viúrikakarewaya vimutu máicha.

2 Tesalonicenses 1:7

étisera, tikanaraka'eyare ema Viya eta ekatajiwairana, vikutikakainapa eta vinarasirayare te mamira'u ema Viya, vinarakainapa vimutu, te máitekapapa ema Viákenu Jesús, mápechirawaya títeka, mási'airaya te anuma, te jena sácheyare, mámayarepa'i ena maye'eana ángeleana, tíñe'ianainapaipa máicha, takutinapaipa eta ichapekene yuku eta máukupaisirayare.

1 Pedro 1:13

Eta taka'e, ekaratakawa taye'e eta epanereruana, táuriwaina eta ítaresiraya. Ekasiñawayare eta ejakapirayare eta íkuchi'i me Viya, máijararu'eyare te machawapa ema Viákenu Jesucristo.

1 Pedro 1:7

Ema Viya máisapa'i eta juka ekatajiwairana, mawaraira'i ímereuchawayare eta yátupikene'i eta ekasiñawaira'i eta maye'e. Ekutiyare eta uru te nakaitsamaraji te yuku te yátupi'ipuka étakene'i. Étisera étaviviriaka'i eta tatumewa eta uru, taicha eta uru títawayare'i, témitiakayare'i. Te wa'i ekainajiruwa eta ekasiñawaira'i maye'e ema Viákenu, tétavikawayare eta ekunachakarewayare'i maye'e ema eta machimapira'eyare te machawa.

1 Pedro 4:13

Ewapinawachucha taicha ekapayayaraka'i eta makatajiwaira'i ema Cristo apaesa ewapinawa te jena sácheyare eta enekapirayare ema eta máukupaisiraya mámirayarepa'i eta majaraiwa.

1 Juan 2:28

Puítisera, nuchichanaveana, ímiyanawa eta iáwa'asiraina eti ema Jesucristo apaesa túmesamure'eina eti, wa'i ekutsiri'a maye'e eta te machawa.

1 Juan 3:2

Nuparapenaveana némunarukeneana, machicha'avipa ema Viya. Vuícha'asera tímecha'avi ema eta viúriwayare. Véchaipasare eta vikutirayare ema Jesucristo eta te machawa. Taicha víma'ayare eta máima'ikene ema.

Apocalipsis 1:7

¡Íma'a, márajapainapa ema Cristo támayarepa'i eta úkaji! Namutuyare nanekapa ena achaneana te juka apake'e, tási'a, tipikanainapa ena tijarachana'i; tási'a namutu ena tiavi'ana'i te apake'e tíya'a'akawanainapa eta naimairayare. Eta taka'eyare eta juka, amén.