San Lucas 16:28 - Táurinakene máechejiriruwa’i ema Viya tikaijare

²⁸ mametapana'ini ena sinkukeneana nuparapenaveana, eta náeñauchirawaina ena, apaesa wá'ini nakuiteka'ini te juka návi'a'i nuti nukatajiwaiya'i.’

Ignaciano

²⁸ Mameta­pa­ni­nanuini ena cíncoqueneana nupara­pe­naveana. Maconse­ja­cha­pa­na­vacaini eta náeneuchi­ra­vainaini éna, apaesa váhini nacuite­cahini tayehe eta juca návihahi núti nucata­ji­vaiyahi”.

San Lucas 16:28 ပူးပေါင်းရင်းမြစ်များ

San Lucas 16:27

“Ema rícu máichawarepa: ‘Pikatajikanusera, piwanesinanuini mayana ema Lázaro te mapena ema tata,

Hechos 10:42

Taicha tiwaneka'avipa vikametarairuya, vimetakayare eta émaira'i ema Jesús viye'eyare'i Juez viti achaneana énapa ena náepenakeneana.

Hechos 18:5

Te titekapanapa ema Silas, tási'a émapa ema Timoteo, nasi'apa'i te Macedonia, ema Pablo tépanawapa tikametarairu'i eta máechejiriruwa ema Viya, mawara'apa makajimuyakawakaya ena israelítana ema Jesús émaira'i Cristo ema nakuchapakene'i.

Hechos 2:40

Taka'e'i eta juka máechejiriruwana'i ema Pedro. Ichape eta maecheirikawaka'i, ániwarepa máichawaka'i: –Ínajika eta ewínarajiwana. Érajikawa naye'e ena tíchana eta tamaurikeneana.

Hechos 20:21

Namutu ena juriyuana enapa ena apawasana numetakawaka'i namutu eta náeñauchirawaina me Viya, étapa eta nasuapiraina nakasiñairaina ema Viákenu Jesucristo.

Hechos 20:23

Takarichu necha eta mametasiranuana ema Machanewa Viya, tamutu eta awasareana nupaisi'anapa'i, timetakanupa'i ema eta nukatajiwairaya, naeratasiranuya taye'e eta nakaeratairare te Jerusalén.

Hechos 20:24

Tájinasera wa'i nupikakawa, tayanapaneine népenapuka, wa'i néñama eta nítaresira. Nuwara'a nímiyanawaya eta núriwa'i maye'e ema Viya, nuwapinawa'i eta nítauchiraya eta nutuparakasiwa'i maye'e ema Viákenu Jesucristo. Taicha ema tituparakanu'i nukametarairuya eta máemunasira'avi'i ema Viya vimutu viti achaneana.

Hechos 23:11

Tási'a, te jena yátikene'i máechejikapa ema Viya ema Pablo, máichapa: “Túmevinachucha, Pablo. Taicha tiúri'i eta péchejisi'aira'i eta níjare te juka Jerusalén. Puiti piyanayare eta te Roma, éneyareichu taka'eyare eta péchejisiraya.”

Hechos 26:22

Tasi'asera ema Viya tímikatakanu'i, puíticha. Tási'a, wa'i nucháwakuejechawa'ini nimiyanawa'i nukametarairu'i maye'e ema Viya, namutu ena achaneana. Tájinasera wa'i nu'apapika'ini eta táechejiriruwana'i eta Takapika'ukene Ajureka, eta táitauchirawayare'i:

Hechos 28:23

Taka'e, náijarechapa eta sache máechejisiraya, te jena sache, títekapanapa ena kamurikeneana israelítana taye'e eta máitekapi'a'i ema Pablo. Tépanawapa te jena yátikara'i téchejika'i, tiámainukawa te kapere'ichichapa títapirikapa eta makametarairuira'i eta mawasa ema Viya akenuka te anuma, máimive'apikapa'i eta máechejikuirapa'i eta Takapika'ukene Ajureka. Máimitukawaka'i ena eta náimatiraya ema Jesús eta émaira'i ema nakuchapakene'i.

Hechos 8:25

Te taekenepa, ema Pedro ema Juan nametaka tamutu eta naima'akeneana'i te nakachanecha'a'i ema Jesús, te tímiturekanapa eta máimiturapiana'i ema Viákenu, te tamutupa, tiyananapa tichawana'i te Jerusalén, tikametarairuanapaipa naye'e ena achaneana taye'e eta Samaria.

Gálatas 5:3

Énerichuware numetaka'e, namutu nákani ajairana tísapawanayare nanaka eta naikutiara, takamunu'i náitauchayare tamutu eta wanairipiana, tájina ánichichaima'i náejeki'aima'i eta.

Efesios 4:17

Eta juka numetarapiana eye'e, nutuparaka'eicha, taicha matupararunu'i ema Viya: waipa ekuapecha ekukicha eta náichakeneana'i ena máimatira'ana'i ema Viya, náicha'i ena eta náitaresira'i jákani tawara'akeneana'i eta napanereruana

1 Tesalonicenses 2:11

Éneichuware écha'i eta vétumechira'e'i, émanapachu'i vechejirika, vikuti'i mákani achane tiuri eta maechejirisira ema machicha.

1 Tesalonicenses 4:6

Nakuija nakuve'a esu mayena ema mákani echamuri. Taicha ema Viya, yátupi eta máikuñasirayare nákani ena tíchana'i eta juka. Étaichu'i eta vímiturapiana'i eye'e kape juka te vítekainapa eta ara eye'e.