San Lucas 16:25 - Táurinakene máechejiriruwa’i ema Viya tikaijare

²⁵ Émasera ema Abraham majikapapa: ‘Nuchicha, te achanevicha'a, tétavikawa'i eta piúrikakarewa'i. Tájina pákamunu'ini eta pítaresira'i. Émasera ema Lázaro, ichapemuri'i eta makatajiwaira'i te achaneicha'a. Puítisera ema majakapaipa'i eta máurikakarewa'i. Piti pikatajiwaipa.

Ignaciano

²⁵ Émasera ema Abraham majicapapa: “Vahi nuvane­caimahi. Péchavachucha, nuchicha, te achane­vichaha, tétavi­cavahi eta piúrica­ca­revahi. Tájina pácamu­nuhini eta pítare­sirahi. Ánipasera picata­ji­vaiyahi. Émasera ema maca Lázaro, ichape­murihi eta macata­ji­vairahi te achane­richaha. Puítisera vaipa macata­ji­vahini. Puiti éma, majaca­pa­ripahi eta máurica­ca­revahi.

San Lucas 16:25 ပူးပေါင်းရင်းမြစ်များ

San Mateo 27:63

Ánipa naka'e: –Tata, vechapa eta máechejiriruwa'i ema maena tepiya'ira'i Jesús, te achaneicha'a maka'e'i eta máechepusirayare'i te máekari te mapanakenénapa sache.

Marcos 9:45

Etaipa eta piwape te tiviuchavi'ipuka eta piakipaisirawa'i te pekatu, piyuchatika, tiuripana esiapa te anuma masari'ena, taicha te esiapa iama eta apinakene iwape, etasarenapa timikuñaka'eya taye'e eta yuku taijurekene infierno.

San Lucas 16:20

Matiari'iware ema apana achane paure tikaijare Lázaro. Tikajuma'i, amairi'a'i karachacha'a eta majuma. Téja'apairika'i ema tamutu sácheana te mapajakura ema riku.

San Lucas 16:23

“Eta máepenira'i ema riku, tiyanapa te makatajiwaiyayare'i. Máima'apa eta mávi'a'i ema Abraham, tási'a émapa ema Lázaro te machakaya.

San Lucas 16:26

Takutikene máituji'i eta mánukuiraina'ini eta ara piye'e. Pítipa wá'iware pítujikawaima'i pítekapaucha'avi ani te juka viávi'a'i víti, taicha jukari'i eta tíchejimiraucha'avi'i eta viánukuiraina'ini, máituji'i eta mayana'ini.’

San Lucas 6:24

“Étisera ¡paure'esami eti rikuana, taicha eti tetavikawaipa eta iúrisamurewana!

San Juan 16:33

Numetaka'eware tamutu eta juka apaesa etupiaka eta iuriwaina nuye'e apaesa takuija ekuichirawaina. Tayanapane ekatajiwayare muraka te juka apake'e, étumechawasera eta nuye'e, taicha nuti máijararunu'i ema Tata eta nukapakemuri'airayare namutu ena nánarana'i.

Hechos 14:22

Eta te juka awasareana, náimitukawarepa ena té'ikanaripa ema Jesús. Náetumechawakapa eta nakasiñawairaina, eta náe'isiraya ema Viya, tási'a náichawarepa. Échawa eta esiapiraya eta máwasa ema Viya, wa'i maejerarena taicha natiari'ya ena katianaka'eanayare ekatajiwayare táichavene eta é'isira ema Viákenu.

Romanos 8:7

Nákani napanerechaichucha eta tawara'akeneana eta náke'e, ena makatianaruana'i ema Viya. Taicha wá'ikene náwara'aima'i nasuapa eta mawanairipi.

Filipenses 3:19

Ena náenasami temitiekeneanayare taye'e eta ekuñaraki. Nakasamurechucha eta tájiparakana te juka apake'e, tisiñawawaikana'i, tiwapinawana'i eta náichira'i eta tamaurikeneana titsiri'akareana.

1 Tesalonicenses 3:3

apaesa nakuija nakuchawakuejechawa taye'e eta ekatajiwairana naicha ena tikatianara'iana. Échaichu'i eti, eta vikatajiwairaya táichavene eta vé'isira'i ema Viakenu.

Hebreo 11:25

Wá'isera mapikaraka'ini eta makatajiwairayare'i eta makachanerayare ena majaneanana machanerana'i ema Viya. Wa'i tawayuaka'ini jákani tájiparakana pekatuana'i te apake'e.

1 Juan 2:15

Emutu eti, wa'i ekujamuracha eta tamaurikeneana te juka apake'e, te narari'ipuka ena najamuracha eta tamaurikeneana te juka apake'e, waipa émaina'ini náemunaka ema Tata Vikaiyakene.

Apocalipsis 7:14

“Piti pecha'i Tata”, nujikapapa. Tási'a ema máichanuwarepa: “Ena nani énara ena nakatajiwakeneana'i, tiúchuku'anaipasera, tikasipaipa puiti eta náchanewana taye'e eta máitine ema Cordero, puiti tikamuiri'anapa eta tijapu.