San Lucas 15:24 - Táurinakene máechejiriruwa’i ema Viya tikaijare

²⁴ Taicha ema nuchicha tichawa'i Tímikutijirikawa'i eta máepenakenena'ini ema, puítisera tiúchujikapa tichawapa ani nuye'e. Máemitiaru'i, puítisera víchimawaipa'i ema.’ Taka'e, tepanawapa eta piesta.

Ignaciano

²⁴ Taicha éma, tímicu­ti­ji­ri­cavahi eta máepena­que­né­nahini ema maca, puítisera tiúchujicapa tichavapa ani nuyehe. Máemitiaruhi te numirahu, puítisera nímahapa éma” macahepa ema maiya. Tacahe, ichape eta náurisa­mu­revahi namutu.

San Lucas 15:24 ပူးပေါင်းရင်းမြစ်များ

San Mateo 8:22

Ema Jesús majikapapa: –Pé'ikanu, tási'a pésamirika náekarakakaicha'a ena máecharaireana.

Marcos 8:22

Taka'e, títekapanapa eta te awasare Betsaida. Ánaki, námapa ema achane púchuki. Náechejiuchapa ema eta makanarasiraya ema Jesús.

San Lucas 10:19

Táitaurewakene nuti, ichape eta nujaneasira'e'i. Tayanapanepuka iákatayaka eta kichare, alacránpuka, tájinasera táicharaka'ema'i. Eta juka ítupajijiasirawaya níjararu'e'i, etapa eta ita'asirayare ema Wínaraji, énapa ena majupa'ana'i.

San Lucas 15:23

Ekapaka eta chikeru tiujepana vinika. ¡Víchayare eta piesta!

San Lucas 15:25

“Ema emana machicha máechavi'i, tiyana'i te isaniti. Te tichawapa, te napena, masamapa eta piesta te taju'e.

San Lucas 15:32

Táurikaichucha vicha eta piesta eta viúrisamurewaina'i, taicha tímikutijirikawa'i eta máepenakenena'ini ema maka piparape Puítisera tiúchujikaipa, tichawapa ema. Ema máemitiaru'i te vimira'u, puítisera viápechawawarepa víma'a ema.’ ”

San Lucas 15:4

“¿Naja'apuka eti, te ekaye'e'ipuka eta cien uvesana, te témitiakapuka eta étana, manakikaya eta apamuriana noventa y nueve te majanearesi'a'i, tási'a tiyanayarepa matanupana eta apana taemitiaru'i te wama'i?

San Lucas 19:10

Taicha eta tímitekanu'i nuti Manerejirunu'i ema Viya. Nutanukawaka'i tási'a nukuchuku'awakayare'i ena naemitiaruana.

San Lucas 9:60

Ema Jesús majikapapa: –Naima'akakaine náekarakakaicha'a ena máecharaireana, piti piyanaya pikametarairuyare eta máechejiriruwa ema Viya.

San Juan 11:25

Taka'e ema Jesús máichawarepa: –Jé'eware nuti, nukaitarera'i nákani nukaechepureanaya. Táitusiawa numetakavi, nákani tisuapanuanayare, tayanapanepuka náepena, nukaitarekayaresera núti;

San Juan 5:21

Ema Tata marata'a makaechepuka ena náepenakeneana, máimichawayare'i makaitarekawakaya. Éneichuwa nuti Machicha, nurata'aware nukaitareka nákani nuwara'akeneanaya, níjaraka eta náitaresiraya.

Romanos 11:15

Páureanasami ena eta nákipaisira'i, esapi'a'i eti apawasana te juka apake'e, tétavikawa'i táuriwa eta ejákapakarewa'i me Viya, ¿Jé'esaresera, tétavikawapa eta tajaraiwaina'ini te visamure te nachaviraina'ini, náeñeuchawapaini? ¡Tímikutijirikawapaini eta makaechepusiraya namutu ena náepenakeneana!

Romanos 12:15

Te tatiari'inapuka jákani tiúrisamurekare naye'e nákani, eti apanawa iúrisamureyarewa. Té'esera te tatiari'inapuka eta tikatisamurekare'i naye'e nákani, ejapanuwakayare ena, íya'ayarewa eti apana.

Romanos 6:11

Ene eka'eyare eti, ékarainapa tamutu eta tapamisira'éni eta epekaturana. Puiti eta ítaresirainapa, makarichu ema Viya ekaematanearuya, táichavene'i eta iúrujiasira'i ema Viákenu Jesucristo.

Romanos 6:13

Waipa ekuisapa eta pekatu te iake'e, tímikutijirikawainapa épenakene, waipa échaima'i eta pekatu. Ítarekainapasera maye'e ema Viya, íjararekainapa eta iáke'eana maye'e.

Romanos 8:2

Taicha eta máwa'asira'avi'i ema Machanewa ema Viya. Émapa, tikaepa'a'i eta tapamisira'avi'i eta pekatu, étapa eta támaparauchira'avi'i eta visiapiraya te ekuñaraki.

1 Corintios 12:26

Étaipa te tatiari'ipuka eta táichawakenewa'i eta táunawa'i eta viáke'e, támairiaka'i tikati eta viáke'e. Té'esera tatiari'ipuka eta táurisamurewa'i taicha eta táitupajijiasirawana'i, tamutuyare'i eta viáke'e tiúrisamure.

Efesios 2:1

Tichawapa títareka eta iáchanewana, takuti eta machavira'i títareka ema Cristo te máekari. Taicha eti, kape juka ítaresira'i, tímikutijirikawaicha'a épenakenena'ini, táichavene'i eta ewínarajiwanaini étapa eta epekaturanaini

Efesios 2:5

Tíjaraka'avipa arairupa eta vítaresira táichavene'i eta viúrujiasira'i ema Cristo. Táichavene'i eta majapanuira'e'i, tikuchuku'a'eyare'i.

Efesios 5:14

Eta emíkauchirawaka ena, takuti eta táechejiriruwa eta jirasare, ani taka'e: “Péjamiuchawaichu eta pímakakarasirawa'i; péchepuka pímikutijirikawa'ini pépenakenena'ini, taicha eta pekatu, emasera Cristo timikauchaviya.”

Colosenses 2:13

Kape te tinapukapa, eti takuti'i eta épenakenena'ini, taichavene eta ekapekaturaira'i, wicha'aware ejachapa'ini eta ikutiarana, puitisera ema Viya tijaraka'epa eta arairu itaresira ekachanepa ema Cristo, etavene eta makaepa'airapa eta epekaturanaini.

1 Timoteo 5:6

Ésusera súkani esena tepenaima, suíkutichirawa'i suicha eta suwara'akeneana'i, esu tímikutijirikawaipa suákijiruwa'ini eta maye'e ema Viya.

San Judas 1:12

Tétavikawa'i eta etsiri'akarewa'i eta náimisiapirawa'i eye'e te iúrujisirawana eta énisirana ena echamuriana, taicha ena, tájina napíkauchakenena'ini te nanisirana. Ena tachutiri'ana enachucha natiwawaika'i, nakuti'i eta úkajiana te ichape sachere'i tajina ta'uneraina. Nakutiware eta yukukiana má'irikireana, eta náichira'i eta táurikeneana, nakutiware eta yukukiana tájikeruana vinereruana, tépuri'apa waipakene tímarukaima'i.

Apocalipsis 3:1

“Pikajureyare eta juka numetarapiana'i ema tikametarairura'i naye'e ena pichamuriana tikawasana'i te Sardis: ‘Nuti néchawaka'i ena sipikeneana machanewana ema Viya, étapa eta sipikeneana jarairikiana: Nuti nímati eta píchakeneana'i. Nímararaka'i eta pisamure. Nímati'i, tiáne'i eta pínajisiranu eta pé'isiranu'i.