San Lucas 13:33 - Táurinakene máechejiriruwa’i ema Viya tikaijare

³³ Taicha puiti nimiyanawayarecha'a nupaikayare nunasiyarecha'a, achichupa te'epa apana sache nuyanasarepa, taicha wa'i taurika'ini maepena'ini ema profeta, te aneka taye'e eta Jerusalén.

San Lucas 13:33 ပူးပေါင်းရင်းမြစ်များ

San Mateo 20:18

–Íma'a puiti eti, vikaiju'eyare te Jerusalén, ánaki nakaratakainapa ema Machicha ema Ajaira. Ena tikaratakanayare, énayare ena tachutiri'ana ena tiyujarakara'iana, tási'a énapa ena escriwánuana, énainapa tikapakanayare

San Mateo 21:11

Tási'a ena achaneana najikapapa: –Émara ema profeta Jesús, tikawasa te Nazaret te Galilea.

San Lucas 9:53

énasera ena samaritanoana wa'i náwara'a'ini najakapa taicha náima'a'i ena eta matupiruirapa'i te Jerusalén.

San Juan 11:54

Eta taka'e, ema Jesús waipa máimerekawa'ini eta te Jerusalén. Majunijikapa eta Judea. Tiyanapa eta te máwapa'i apake'e tachakaya eta awasare tikaijare Efraín. Manasipanapa ánaki, enapa ena máimitureana.

San Juan 11:9

Ema Jesús máechejisi'a'i eta mawanekasiwa'i máichawakapa: –Wa'i táeñamawakare'ini, yátupi eta sache tikaye'e duce ura, te vipaika te sachemu'u, wa'i vikáyutetuima'i taicha vímairirika'i taye'e eta tijara'i;

San Juan 12:35

Ema Jesús máichawakapa: –Ekamapurawa esamararakanu mapurare nutiari'icha'a eta eye'e, numikaucha'echa'a taicha ánipine eta juka ímairanuyare, apaesa wa'i ekukayutete taye'e eta timapiku.

San Juan 4:34

Ema Jesús máichawakapa: –Eta tikaitarekanu'i nuti, eta nítauchira'i eta mawanairipiana ema Nukaiyakene, taicha nuwara'a nítauchaya tamutu eta nuwana'i'i maye'e.

San Juan 9:4

Nukamapurayare eta sache níchirayare eta máematanerepiana ema Tata eta mawanesiranu'i, taicha jarajapaware eta yati najina tikaematanena.

Hechos 10:38

Máukupauchapa eta Machanewa ema Viya ema Jesús Nasareno máijararu'i ema Viya. Máwa'akapa ema, máijarakapa eta máitupajijiasirawaya. Taka'e, tépanawapa tikametarairu naye'e ena achaneana. Te mapaisi'apa'i, makanarakawakapa'i ena nakatajiwakeneana máwa'aruana'i ema wínaraji. Marata'a'i ema máicha'i eta juka, taicha ema Viya máimikatakapa'i.

Hechos 13:27

Taicha ena tikawasana'i tejena awasare Jerusalén, énapa ena nakenumuriana, wa'i naimati'ini ema Jesús wa'iware nakaikutiara'ini eta naechejiriruwana ena profetanaini, eta nakáyemakene'i te jena peti naurujisirarewa ena juriyuana tamutu eta sawaruana; enaipa wa'i nakaikutiara'ini, taka'e nakapakapa ema Jesús, titauchawapa eta nametarapi'i.