San Lucas 13:24 - Táurinakene máechejiriruwa’i ema Viya tikaijare

²⁴ –Ámeta esiapa, taye'e eta tapaja ánikuchichapana, taicha numetaka'e kamurianayare ena tiwara'anaya tisiapana, tási'a wá'isera títujikawanaima'i.

Ignaciano

²⁴ —Vahi táechacare te ánimu­ri­hea­na­ya­rei­chupuca eti esiapanaya eta mávasa ema Viya. Étisera tacamunu epamicava esiapaya puiti. Vahi ecuyacuji. Taicha camuria­nayare ena apaesa­chi­charichu eta navarairahi tisiapanaya, váhisera títuji­ca­va­naimahi.

San Lucas 13:24 ပူးပေါင်းရင်းမြစ်များ

San Mateo 11:12

“Te máitekapineichu'i ema Juan Tikachasirikara'i, puiticha, eta mawasa akenuka te anuma ema Viya, wa'i náurika'ini nasamararaka'ini, tanasi'i nakaticha'i ema,

San Lucas 13:23

Matiari'i'i ema tiyasesereka'i ema, ánipa maicha: –Tata Viákenu, ¿wá'ipuka kamuri'avianainaya viti viúchuku'anaya?. Tási'a, ema majikapapa:

San Lucas 21:36

Etsekawaicha yátupina. Eyujarauchawa'i támutu sacheana, apaesa tume'énapa eta ekamichiraina tamutu eta juka táichararakawayare, apaesa takuija ekuichirawaina eta ítekapauchiranuya te numira'u nuti Manerejirunu'i ema Viya.”

San Juan 13:33

Nuchichanavechichana, ánipine eta juka ekachaneranuyare, nuyanainapa. Eti, etanukanuinapa. Étaichu'i eta numetarapi'i naye'e ena tikatianakanuana, eta níchirawaka'i, wa'i ítujikawaima'i e'ikanu te nukaiju'eyare nuti.

San Juan 5:4

Namutu ena, tikuchapana'i eta makayamurisira eta une ema ángele. Tási'a, namutu tiyanana téchipapaikawana te une, taicha tímijachawana mákani tínapuka téchipaikawa, takanarakayare'i eta jákani majuma.

San Juan 6:27

Wa'isera ekukaeñamarakawa eta etánusira eta enikakenerepi taicha títawayare'i, tatuparaka'isera etanukayare eta tinikakare tikaitareka'eyare'i, máichekuarakiraya eta naitaresira. Etara eta juka níjararu'eyare'i nuti Manerejirunu'i ema Viya, ema Tata manaka'i eta tímereuchanu'i eta yátupira'i nuwanekasiwa'i eta maye'e ema.

San Juan 7:34

Eti etanukanuinapa, wá'isera íchimawanuima'i, taicha wa'i ítujikawaima'i ekapayakanu te návi'ayare nuti.

San Juan 8:21

Ema Jesús tiápechawaware mametakawaka: –Puiti tiáne'ipa eta nuyanirayare, eti etanukanuinapa, wá'isera íchimawanuima'i. Émepenainapa eta epekaturana, tímikuñaka'eyare te ekuñaraki taicha wa'i ekamapurawa'ini eta nutiari'ira'i, esuapanu'ini, taicha wa'i ítujikawaima'i ítekapa te návi'aya nuti.

Romanos 10:3

Vuícha'asera náimati'ini eta táichararakawayare'i eta najakapakarewa eta nakasiñawairaya me Viya.

Colosenses 1:29

Eta taka'e, nupamikawa'i nuti eta nukaemataneasira'i ema Viákenu. Émakene'i tétumechanu'i eta nurata'aira'i tamutu eta nímitusira'e'i emutu eti nuchamuriana'i.

Hebreo 4:11

Eta taka'e, tawara'a'i vétumechawayare'i taye'e eta visuapiraina ema, apaesa vítujikawa visiapa taye'e eta vinarasi'aya, machu vémepurureka eta víkuchi'i, machu wákuti ena masuapajiraira'ana'i.

2 Pedro 1:10

Étisera, eti nuparapenaveana, nuwara'a échawa'ini eta máichuira'e'i ema Viya, manerejisira'e'i, epamikawa'ini eta ímeresira'i yátupi eta machicha'era'i, eta ímiyanirawa'i eta ekarawa'uira eta juka néchejisi'akeneana'i, jé'esare, tájinapa tímiakipaika'ema'i.