San Lucas 12:37 - Táurinakene máechejiriruwa’i ema Viya tikaijare

³⁷ Tétavikawasera eta náurikakarewa'i ena músuana, eta machimapira'i ema nákenu eta nakuchapira'i, wa'i náimakaekene'a'ini. Nutupiruwa numetaka'e: Yátupinasarepa eta máurisamurewayare ema nákenu, makaejakawakainapa te mamesara, máenikawakainapa.

Ignaciano

^37-38 Tayanapane enumu­hupuca yati, tijara­ra­hipuca eta machavi­ra­yarehi ema náquenu. Tétavi­ca­vasera eta náurica­ca­revahi ena músuana eta machima­pirahi ema náquenu eta nacucha­pirahi, te vahi náimacae­que­ne­hahini. Nutupiruva numetacahe: Yátupi­na­sarepa eta máurisa­mu­re­vayare ema náquenu, macaeja­ca­va­cainapa te mamesara, máenica­va­cainapa. Émaja­ca­ru­vainapa máechapa­ji­ri­ca­va­cayare.

San Lucas 12:37 ပူးပေါင်းရင်းမြစ်များ

San Mateo 24:42

“Eta taka'e, etsekawa'i ekuneuchawa eti, taicha wa'i echa taja'apuka sachewayare titekapayare ema Tata Viakenu.

San Lucas 12:36

“Ákuti'i nákani achaneana músuana titsekawana'i te tapaja, navejiekenéraya ema nákenu eta machaviraipa'i mási'aira'i maye'e ema arayena. Te máe'a'amekapa eta tapaja, enewaneyarepa ena navejiekene'ayare'i.

San Lucas 12:43

Tétavikawa eta máurikakarewaya ema maka tikatupara'a'i, te tamutu'i máitaucha'i jákani machimapirana ema mákenu.

San Lucas 17:8

Matátáuchayarechucha mawaneka ema musu émaina máepiyaka eta tinikakare, máenikayare ema mákenu, tási'a, máichainapuka: ‘Tiuri, nítanesipa. Pítipawapa pinika.’

San Lucas 21:36

Etsekawaicha yátupina. Eyujarauchawa'i támutu sacheana, apaesa tume'énapa eta ekamichiraina tamutu eta juka táichararakawayare, apaesa takuija ekuichirawaina eta ítekapauchiranuya te numira'u nuti Manerejirunu'i ema Viya.”

San Lucas 22:27

Taka'e ¿Naja'apuka tikapika'upana, émapapuka ema tejaka'i te mesa tinika'i, wa'i emapuka ema wanairukana téchapajirikana'i eta mesa? ¿Emara ema tejaka'i te mesa? Puítisera, nímituka'eyare eta juka Arairu nuwanairipi. Puiti íma'anuipa eta nítatira'e'i, nuwara'a ekutinuya, ítatikakayare eti.

San Juan 12:26

Éneichuware mákani tiwara'ayare tikaemataneakanu, yátupiyare eta máe'isiranu, tási'a, nuti nukaejakayare ema te néjasi'ayare nuti, ema maka, tétavikawayare eta makunachirayare ema Tata.

1 Corintios 2:9

Taicha, taka'e'i eta Takapika'ukene Ajureka: “Tétavikawaya eta náurikakarewaya ena nani témunakana'i ema Viya máijarakawakaya eta náikuchi'i ena, etapa eta máima'asiricha'a.”

Filipenses 1:21

Taicha, eta nítaresira'i puiti, ema técha'i ema Cristo, te népenapuka, tiápajukawainapa eta núrikakarewaya.

Filipenses 1:23

Nuwara'aipanéni níja'uchawa'ini népena'ini apaesa nunarakapaini te machakaya ema Cristo, eta juka tiúripana'i eta nímaira'i, wá'isera nímatiekene'a tája'apuka eta né'iruyare.

2 Pedro 1:11

Tási'a, tétavikawaya eta iúrikakarewaya eta machimapira'eya ema Viákenu Jesucristo te makuchuku'a'epa eta te juka apake'e, mámira'eya eta te máwakureya. Máitawakakaya eta makachanera'aviya vimutu.

2 Pedro 3:14

Eta taka'e, némunarukeneana nuparapenaveana, puiti eta ekuchapirayare eta juka takaitsiwairaya tamutu, étumechawachucha eta ekasiñaira'i ema Viákenu, apaesa tauri eta machimapira'eyare, takuija etapirawaina'i.

Apocalipsis 14:13

Taka'e, nusamawarepa ema téchejikanu'i te anuma, ánipa maichanu: “Piájuchayare eta juka: Tétavikawa eta náurikakarewaya ena táimikaparuanayare puiti juka vikaiju'eyare eta náe'isira'i ema Viákenu.’ ” “Éneichuware– ema Machanewa Viya–, máichanupa jé'eware, najakapainapa eta náikuchi'i taicha eta nakaemataneasira'i ema Viákenu, tájinapa nákamunuima'i, tinarakanainapa.”

Apocalipsis 16:15

“Nuti, tíja'uchawaya eta nítekapauchira'eyare eti. Wá'isera tánekapakarema'i eta nítesira, eta taka'e, tétavikawa eta iúrikakarewaya te ekunewa'i, machu ímakariana eta nuchimapira'eyare, etsiri'akareipa.”

Apocalipsis 3:21

Emutu eti ekamichana'i, ímiyanawa'iware eta é'isiranu'i, nuti nukaejaka'ewakayare te néjasi'ayare, takutiyare eta néjasira'i maye'e ema Tata, taicha eta nétumechirawa'i nukamichira'i tamutu.

Apocalipsis 7:17

Taicha ema Cordero, ema tiávi'a'i te enumu'u eta trono, émainapa ema eye'eyare pastor tási'a emainapa tiama'eyare, eta te une tiuriama tikaitarera'i, tási'a ema Viya makamitiasinayare eta náiyaira.”