San Lucas 12:17 - Táurinakene máechejiriruwa’i ema Viya tikaijare

¹⁷ Taka'e, ema riku mapanerechapa: ‘¿Taja'a nichaya? Ánike'epa eta juka néwaru, tájinapa núnasi'a.’

Ignaciano

¹⁷ Tacahe, ema ricu mapane­rechapa, ánipa tacahe eta mapanereru: “Ániquehepa eta juca névaru, tájinapa núnasiha. ¿Tájahapuca nícharacaya?

San Lucas 12:17 ပူးပေါင်းရင်းမြစ်များ

San Mateo 16:7

Ena máimitureana jajairikakanapa énajikakanapa: –¡Wa'i viámapa'ini eta viniriji pan!

San Mateo 5:42

Mákanipa tája'apuka tiyaseakavi, píjarakaya, tási'a wa'i ekueñamina, mákani tiyaseakavi eta pikapusiraina.

San Lucas 10:25

Matiari'i'i ema émana escriwánuana, mawara'a'i téchejirikawayare'i maye'e ema Jesús, eta mawaraira'i makaikutiarayare'i, mayaserekapa: –Tata maestro, ¿tája'apukaini nícharakawaini, eta nítujisiraini eta maichekuarakirena te apana vitaresira?

San Lucas 11:41

Tatuparaka'i eti, eta epáchi'airayare, ijarakayare eta ima'akeneana naye'e ena paureana tási'a epáchi'ainasarepa.

San Lucas 12:16

Taka'e, máimikutiarachinaware: “Matiari'i ema achane riku, tiúrina eta máewaru.

San Lucas 12:18

Tasi'a maka'epa: ‘Nechapa eta nicharakawaya, tiúripanapuka nuvetata'a eta núnawara'i nujanejuecha. Ichapepanainapa nicha eta táitsiwaya. Tiúripanainapa, apaesa táirijika tamutu eta néchatijiru étapa eta apamuriana nukaye'ekeneana.

San Lucas 12:22

Te taekenepa, ema Jesús máichawakapa ena máimitureana: “Eta juka nicha'e: Wa'i ekukaeñamarakawa eta enikakenerepi étapa eta emuiri'arapi puiti juka sacheana.

San Lucas 12:29

Eta taka'e, wa'i ekupanererereka eta enikakenerepiana, étaipa te échuriakapuka eta une érayare.

San Lucas 12:33

Íjararekayare eta íma'akeneana, íjarakayare nákani tikamunuwana'i. Máima'ainepa ema Viya, tíjaraka'eyare eta táitsiwayare ánaki te anuma, máitawakakainapa eta ekaima'akeneraya. Wá'iware táeñamawakare, taicha nájinapa tiámeyecha'ema'i, tajinaware kachusirina.

San Lucas 16:3

Taka'e, ema nákenumuri ena músuana ichapeine'i eta mapanereresira'i: ‘¿Tája'ainapapuka nícharakawayare puiti? Ema nákenu tikuchukanuinapa taye'e eta juka nématanerepi'i. Ichape eta nutsiri'akarewayare. Titsiri'akare'iware nuyasesereka'ini eta nunikakene.

San Lucas 16:9

“Puiti numetaka'eyare, eti ekaima'akene'ipuka, ekajiyare te napaucha'epuka ena tikamunuwana'i. Taka'e, te ítekapapa te máwasa ema Viya, tiúriyare eta ítekapiraya, ánaki ejákapainapa eta táitsiwayare.

San Lucas 18:22

Te masamapa eta juka ema Jesús májikapapa: –Jukari'icha'a eta pítauchakeneyare: piyana píjararekaya tamutu eta píma'akeneana, tási'a píjarakawakapa ena páureana. Jé'eware eta pijakapayare eta píma'akeneyare te anuma. Tási'a pitekapa pé'ikanu.

San Lucas 19:17

Ema rey majikapapa: ‘Tiuri tájina táichawa, tétavikawa eta piúriwa piti numusura. Puiti wa'i támapurujima'i eta juka ánichichakene'i níjararuvi'i, puiti níjarakaviyare tákenuviyare eta diéskene awasareana.’

San Lucas 3:11

Ema Juan majikapapa: –Ekajira'iyare. Mákani tatiari'i apina eta makamisa, máijarakasichayare'i étana mákani tájina makamisaina. Énaipa nákani tikaniruana'i, nakajiyarewa nákani tájina naviya'ini eta nanikakene.

Hechos 16:30

Taka'e máichu'awakapa ena, tási'a mayaserekawakapa: –Tátanaveana, ¿tája'apukaini nícharakawaini eta núchukuirayare?

Hechos 2:37

Taka'e, eta nasamira'i eta juka ena achaneana, ichapeine'i eta náeñamirawa'i te nasamureana. Tási'a, nayaserekapa ema Pedro énapa ena apamuriana apústuleana: –Viparapenaveana, ¿tája'apuka vícharakawaya víti?

Romanos 12:13

Ímikatajirikaka ena echamuriana, taye'e eta nakamunuirawana. Tiúriyare eta ejakapirakaka te epaipiuchakaka.

1 Timoteo 6:17

Énerichuware ena vichamuriana'i tikaima'akeneana'i ríkuana'i, pímitukawakayare eta wa'i nakukajamurawa, wá'isera nakukasiñawa eta nakaima'akenéra'i, taicha tijurikati títawa eta náima'akeneana'i, témitiekene'apa tamutu. Nákasiñawasera maye'e ema Viya, jé'ewarekene ema tikasiñakare, ema tíjaraka'avi'i tamutu eta vikamunukeneana, viúrisamurereka'i máicha.

1 Juan 3:16

Ema Jesucristo tímecha'avi'i eta máemunasira'avi'i, taicha tíjarakawa'i tépena vítivene'i, tási'a víti, te jákani táichararakawa, tituparaka'avi víjarakawayare vépena énavene ena vichamuriana, vímechiraya eta vémunasirakaka'i.