San Lucas 12:15 - Táurinakene máechejiriruwa’i ema Viya tikaijare

¹⁵ Éneichu máichawakaware: –Échapawaware eti, machu émuna'irikawa, ejamurara'i taye'e eta tíma'akareana. Taicha eta tíma'akareana te juka apake'e, wa'i étaina tikaitareka'eyare, wa'i táeñamakare'ini.

Ignaciano

¹⁵ Énerichu máichava­cavare ena apamuriana achaneana: —Échapa­vavare éti apanavare, machu émuna­hi­ricava, ejamu­rarahi tayehe eta tímaha­careana. Taicha eta tímaha­careana te juca apaquehe, vahi étaina ticaita­re­ca­heyare. Vahi táeñama­ca­rehini.

San Lucas 12:15 ပူးပေါင်းရင်းမြစ်များ

Marcos 7:22

mákani mave'a esu apana esena, ena kapinarurua'iana, tiwayuemana, techeji'iana. Nákani tipanerechana'i eta apaye'eana, ena tikapinarura'iana, ena mapikauraira'ana, kamuri'i eta napanereruana'i ena máecharaireana.

San Lucas 12:16

Taka'e, máimikutiarachinaware: “Matiari'i ema achane riku, tiúrina eta máewaru.

San Lucas 16:14

Ena fariséuana, nasamaraka'i eta juka máimiturapiana'i ema Jesús. Tási'a, nakaeka'ipa eta nasamira'i ema. Taicha tétavikawa'i eta tawayuasirawaka'i ena eta plata.

San Lucas 21:34

“Échapawa, machu tachimaraka'e eta jena sache, wa'i ekukuti ena tawayuaruana eta térakare. Wa'i ekueñamawa eta ítaresira, machu ta'apapika'e eta é'isiranu'i.

San Lucas 8:14

Eta ewaraki takaewakene'i te tatarakukuji eta itapekiji, nakuti ena tisamararakana'i eta echéjirirukawa. Ta'apapirikawaka'i eta nawaraira'i tirrikuchawana. Wá'iware náinajika'ini eta náichira'i eta tamaurikeneana.

1 Corintios 6:10

énapa ena tiamera'iana, yawa'iana, kawa'arasiana, énapa ena tewajiriara'iana, énapa ena wayuarerekana, namutu ena waipaine'i tisiapanaima'i te mawasa ema Viya.

Colosenses 3:5

Tási'a puiti, ínajikainapa eta eye'erepianaini tamaurikeneana'i: nakuijapa nakuve'a esu apana esena, waipa ekupanerecha eta panererukana tamaurikeneana, waipa ti'apapirika'ema'i eta ekaima'akeneraina, taicha ena titanukana'i eta juka, nakuti'i nákani tikasiñarajiana.

2 Timoteo 3:2

Taicha tiwayuchawainapa eta náichirayare eta najamuraraiwana. Tawayuakainapa eta plata. Tipanarara'ianayare. Éneichuware, masuápajiraira'anainapa naye'e ena tikachichana. Wáipaware napikauchaima'i ema Viya, nasapi'ayarechucha nakaeka'iyare ema.

Hebreo 13:5

Wá'isera takuwayuaka'e eta plata. Tarataichu takurisamurecha'e jákani íturewa'i ekaye'ekene'i, taicha ema Viya ani maka'e'i eta máechejiriruwa'i: “Wa'i nujunijikavima'i, wá'iware némitisikavima'i.”

2 Pedro 2:14

Namutuchucha najamuracha nákani esenana. Tájina náipuina eta náesenamarewana, náechema'a eta náiturusiraya súkani esena máejerare'i. Náimitukaware ena ajairana tájina náituruekene'a, nakutiyare ena eta náesenamarewana'i. Tájina tivechuki'aima'i eta nakapekaturaira'i. Ekuñarakisera eta náikuchi'i ena.

2 Pedro 2:3

Ena nani, tímituka'eanaya eta náimiturapiana náepiya'iraiwana'i, taicha nawara'a'i títukawana tivereaka'eanainapa eti, taicha tétavikawa'i eta najamurarasira'i eta plata, tájinasera náipuinayare, wa'i táevejuakaima'i eta náikuñayare, taicha akanewakaipa eta takaecheraira'i eta náikuñayare.