San Lucas 11:4 - Táurinakene máechejiriruwa’i ema Viya tikaijare

⁴ Pájapanu'avi eta viviurewana piye'e, takuti eta vijapanuirawaka'i viti, ena tiviucha'avina'i Wa'i pikuisapa'avi vicha eta tamaurikene.’

Ignaciano

⁴ Pájapa­nu­ha­vivare piperdo­na­chahavi eta viviurevana piyehe. Víti apanava viperdo­na­cha­va­caripa namutu ena ticaviu­re­vanahi viyehe. Vahi picuisa­pahavi vicha eta tamauriquene. Picatiu­chahavi mayehe ema Váinaraji. Tacaheya eta eyuja­rau­chi­ravaina.

San Lucas 11:4 ပူးပေါင်းရင်းမြစ်များ

San Mateo 18:35

Ema Jesús maka'epa: –Ene máicha'eyare ema Tata Nukaiyakene eti apanaware, te wa'i ekuituka ajapanu nákani eparapenaveana.

San Mateo 26:41

Éjamiuchawa, eyujarauchawa apaesa eyaseaka ema Viya eta etumewaina wa'i makuituruka'e ema Wínaraji. Yátupi'ineni eta iáchanewana tarata'a'i tikaratakawa, étasera eta eche, wa'i tarata'aima'i tikaratakawa.

San Lucas 11:5

Taka'e máichaware ema Jesús: –Nímikutichina'eya. Matiari'i ema achane, máitekapaucha'i ema máitunakasare, te enumu'u yati, máichainapapuka: ‘Pikatajikanu, nukapukavi mapanaina pan,

San Lucas 13:4

Némecha'e, ena nani dieciochokeneana takaparuana'i eta táewajaisirawa'i eta torre te Siloé. ¿Ímijachapapuka táichapewa'i eta naviurewa, imijachapapuka ena kapekatura'ipanana'i naye'e ena apamuriana tikawasana'i te Jerusalén?

San Lucas 22:46

Máichawakapa: –¿Tája'a takayema ímakaichucha eti? Échepuka, eyujarauchawa apaesa, eyaseaka ema Viya eta etúmewaina.

San Lucas 8:13

Natiari'iware ena apamuriana achaneana, nakuti'i eta máteji máripa'i, te nasamararaka eta echéjirirukawa, natupiruwane'i nasuapa, wá'isera nárata'a'ini yatupina'íni, wa'i nakuti'íni eta ewaraki tiúpare, ánipichu eta náe'isira'i, tínajikawanawane taicha eta natajiwaira'i.

San Juan 17:15

Wa'i nuyaseakavi eta pivirawakaina'ini te juka apake'e. Nuyaseakavi nuti eta pikatiuchirawakaina'ini maye'e ema wínaraji.

1 Corintios 10:13

Puiti juka eta vítaresira, jarari'i eta tawara'a témejekapawacha'avi, wa'isera ekuarami'ini, taicha eta taka'e'i eta maichararakawa'i namutu ena achaneana te juka apake'e. Ekasiñawayaresera muraka maye'e ema Viya, taicha yátupi eta makasiñakarewa'i ema, waipa máisapaima'i táwayuchawa'ichaini eta tapamisira'e. Jé'esare ema, tíjaraka'enapa eta etumewayare, ekamichirayare tamutu.

Colosenses 3:13

Te tatiari'inapuka eta náejekapirawaina ena echamuriana eta eye'e, wa'i ekukaticha, ekamicha. Ejapanuyare, ekutiyare ema Cristo eta majapanuira'e'i eti.

2 Tesalonicenses 3:3

Wá'isera táeñamawakare'ini eta máuriwa'i ema Viya eta viye'e, yátupi'i eta máitauchira'i tamutu. Tétumecha'eyare ema, eta ímiyanawairaya. Tijaneaka'eyarewa maye'e ema Wínaraji.

2 Timoteo 4:18

Ene taka'eyare eta máimiyanirawayare tikatiuchanu ema Viákenu taye'e eta táiñe'ikeneana, tiámanuyare'i taye'e eta máwasa anuma. ¡Ichape eta majaraiwa'i Máichekuarakireyare'i eta vijirauchiraya ema! Amén.

Santiago 2:13

Taicha nákani majapanuraira'ana'i naye'e nákani apamuriana, tájinaware najapanukarewaima'i te nakayasesere'ipa. Nákanisera tijapanura'iana'i, ichape eta najakapakarewanaya me Viya te jena sácheyare.

Apocalipsis 2:10

Wa'i ekupika eta ekatajiwairaya, numetaka'e, ema wínaraji tímisiapa'eya te cárcel eta máitsamaresira'eya te tíminajika'eyarepuka, ekamichachuchasera, taicha diez sache eta ekatajiwairayare, nutuparaka'echa. Ejikapaikayare tayanapanepuka nakapaka'e nuti níjaraka'eyare eta táitsiwayare, tiúriyare eta ítaresiraya.

Apocalipsis 3:10

Piti, pítaucha'i eta nuwanairipi eta pikamichiraya tamutu, eta taka'e, nujaneakaviya nuti apaesa wa'i takuimive'avi te táitekapapa eta natajiwanayare namutu ena achaneana táwapa'iana'i te juka apake'e.