San Lucas 11:39 - Táurinakene máechejiriruwa’i ema Viya tikaijare

³⁹ Émasera ema Viya máichapa: –Eti fariséuoana, esipasikaichucha te aneka eta wasu, étapa platu, eti iápajupanawa'i eta tachipejiwa'i eta iáchanewana, táichavene eta ewínarajiwa.

Ignaciano

³⁹ Émasera ema Viáquenu Jesús máichapa: —Eti fariséoana, eta eyehe­repiana, ecaeña­ma­ra­cavahi esipa­canuma eta enisi­rareana étapa eta érirareana, emava­rairahi táetsera­rui­nahini tasiapahini eta pecatu te iáquehe. Étisera iápaju­pa­navahi eta tachipe­jivahi eta iáchanevana táichavene eta evaina­ra­jivana, étapa eta tavayua­si­rahehi eta ejamu­ra­chirahi tamutu.

San Lucas 11:39 ပူးပေါင်းရင်းမြစ်များ

San Mateo 15:19

Taicha eta táiñema'ikeneana panérerukana, tási'akeneana'i te ama'e eta nasamureana ena achaneana. Mákani achane mapanerecha'i makaesenara esu apana esena apayena. Nákaniware, tipanerechana'i eta tikaparekana, tiámerekana, tiwayuarekana, técheji'iana.

San Mateo 7:15

“Échapawayare taye'e eta náimiturapiana ena tépiya'ira'iana tímijachawana machanerana ema Viya. Tépiyakawanapa'i tiúriana takuti'i eta tamansuwa eta uvesa. Té'esera te nasamureana, tétavikawa'i eta nawínarajiwa, nakuti'i eta ichini.

San Lucas 16:15

Ema Jesús máichawakapa: “Eti epiyakawa'i iúri'i eta ímairawa'i naye'e ena achaneana. Émasera ema Viya máimati'i eta esamureana. Makatianaka'i ichape ema eta apimira'era'i.

San Lucas 7:13

Eta máimaira'i ema Viákenu, majapanuine'i esu esena. Tási'a, máichapa: –Wa'i pikuiya'a.

San Lucas 7:19

tási'a, máewatakapa nayaserepanayare'i ema Viya, nayaserepanayare'i te yátupi'ipuka émaipa'i ema nakuchapakene'i, té'eserapuka tímiyanawayarepuka nakuchapaya ema apana.

San Juan 12:6

Ema maka Júlasi, wa'i étaina'ini eta majapanuiraina'ini ena páureana. Étachuchaneni mawaraira'i mayumuruka eta plata, taicha ema tiámera'i'i. Títekapa émaichu'iware tiúnarekara'i eta plata.

San Juan 13:2

Jé'esare ema Júlasi, máimipanerechaipa ema Wínaraji eta máijararesirayare'i ema Jesús.

Hechos 5:3

Ema Pedro máichapa: –Ananías, ¿tája'a takayema písapawa'i tikaetemavi ema Wínaraji? Pipanerechaipa piwayuarakayare ema Machanewa ema Viya, eta piyumurusira'i eta tawacha'i eta piye'e apake'e.

Gálatas 1:14

Nuti, eta nujurusira'i, níma'a'i eta takapika'uira'i eta viye'erepiana. Ichape'i eta némurakachirawa'i, nukachurikawaka'i ena nuparajuruana'i. Nímikapikaucha'i muraka, numawaraira'i táemitiekene'ini eta viye'erepiana'i nanakipairuana'i ena náchukanaveanaini.

2 Timoteo 3:5

Narari'iyare ena tímijachawanaya yátupina'ini nakaiju'e ema Viya, wá'isera náunakaima'i eta máechejiriruwana, naepuruyarechucha eta taitupajijiasirawa eta maechejiriruwa. Pérajikawa eta naye'e ena nani, wa'i pikuimisiapawa naye'e.

Tito 1:15

Ena tipachinana'i te napanereruana tamutu tiuri eta nasamararasira eta tiurikeneana, énasera ena masuapajiraira'ana wínarajipanereruana, ena wa'i táuri'ini nasamira eta tiúriana echéjirirukawa yátupikeneana, taicha tachipejikene'i tamutu eta napanereruana, murakasamureanapa táicha, tájina nasama'ini eta tamauriwa'i eta náichira'i.

Santiago 4:8

Puiti, yátupina eta epauchira'i ema Viya. Tási'a, ema apanaware tipaucha'eyare. ¡Ínajikapa puiti eta íchira eta tamaurikeneana epekaturana! Émitisikainapa eta ejamurachira eta tájiparakana te esamureana, eti ewara'ana e'ikana émunaka ema Viya, waipa ekupanerecha eta naye'erepiana ena achaneana masuapajiraira'ana te juka apake'e.