San Lucas 11:36 - Táurinakene máechejiriruwa’i ema Viya tikaijare

³⁶ Té'esera támutu jara'i eta iake'e, tétavikawaya eta tamikauchira'eya eta ítaresirana'i, takutiyare eta lámparina eta tajaraiwa.

Ignaciano

³⁶ Téhesera yátupina esuapa eta nímitu­rapiana, tétavi­cavaya eta tamicau­chi­raheya tayehe eta ítare­si­ranahi. Tásiha, vahi eyasea­ca­nuimahi nímechahe eta tiárami­careana —macahepa. ­

San Lucas 11:36 ပူးပေါင်းရင်းမြစ်များ

San Mateo 13:52

Taka'e, ema Jesús máichapa: –Ena escriwánu te naimatiekene'apa eta takayemakene'i eta mawasa ema Viya Akénuka te anuma, makuti'i mákani achane tikaye'e jakani peti, maveku'apana eta makaye'ekeneana, arairu etapa eta ichasi.

San Mateo 5:15

Waipaine'i nayustakaima'i eta yukupi, tási'a nanakapapukaini te taju'e eta chapamaju'e, étasera nanakayare'i te anuke'e, apaesa tamikauchasarepa namutu ena tiávi'ana'i te peti.

San Lucas 11:35

Eta taka'e, échapawa; machu ísapa taema'a eta emíka'u eta ítaresira.

San Lucas 11:37

Te títapirikapa ema Jesús eta máechejisira'i, témeña'awapa ema émana fariseo, makumpirachapa tinipanayare'i te mapena. Tiyanapa te mapena, te tiúripa eta tinikakare, téjakapa ema Jesús te mesa.

2 Corintios 4:6

Ema Viya, te máepiyakainapa eta juka apake'e, makawanairipipa tatiari'iyare'i eta tijara'i, témitiakayarepa eta timapikukenéni'i, ene maka'e'i eta viye'e, tímimaticha'avi'i eta majaraiwa ema Machicha. Tétavikawa'i eta tajaraiwa'i te visamureana, ema, tímimaticha'avipaipa'i eta máetaviuchakene'i máuriwa'i ema Viya.

Efesios 4:14

Mawara'a'iware vimutuyare vímatiekene'a, waipa wákutima'i ena amuyana, témunanasirikawanaicha'a ena, tísapajirikawanaicha'a nawayuaka taye'e eta apana náimiturapiana ena títuruekene'ana tiwayuarekana, napamisirawaka'i namutu náe'ika eta tamaurikeneana.

Colosenses 3:16

Étaviucha'ini eta iúnasiraina te esamureana eta máechejiriruwana ema Cristo. Étumechakaka'ini eta ímitusirakakaya eta échemaraiwayare, ewapinawa'ini te esamureana eta ejiraira te iúrujisirawana, ejirayare eta majiria'uana ema Viya, eta e'asulupayachirayare'i ema.

Hebreo 5:14

Énasera ena yátupi'i eta nakarawa'uira'i, ena nakuti'i ena íchanaruana'i. Téchawanaipa, náitukaipa tinerejiuchawana eta táurikeneana, náepurupa eta tamaurikeneana.

Santiago 1:25

Étisera ekutiyare ena natupiruwana'i eta nasamira'i táuriwa eta yátupikeneana vímiturapiana tási'akeneana'i me Viákenu, wa'i ekuemitisika, tási'a, ítukayare enerejika eta táurikeneana, esuapayarewa eta ímitukasikeneana'i, tási'a, tétavikawaya eta iúriwaya táicha.

2 Pedro 3:18

Tajurukapaichuchaini eta ímatiraina, eta máemunasira'e'i ema tikatiucha'avi'i ema Viákenu Jesucristo. Tétavikawa'ini eta vijirauchira, te vinarasirana, te véjamisirana ¡vímiyanawayare! ¡Amén!