San Lucas 11:29 - Táurinakene máechejiriruwa’i ema Viya tikaijare

²⁹ Ena kamurikeneana achaneana timiyanawanaichucha titekaparakana te machakaya ema Jesús, tási'a ema tepanawapa máichawakapa: “Ena achaneana puiti juka sacheana náetaviucha'i eta nawínarajiwana, tiyaseakanuana'i nicha eta tiáramikareana, wáipasera nijarakaima'i eta tiáramikareana, takarine'i eta máichakene'i ema Jonás.

Ignaciano

²⁹ Tacahe, títeca­pa­ra­ca­na­paichucha te machacaya ema Jesús ena camuri­queneana achaneana. Tásiha, eta máimitu­si­ra­vacahi, máichavacapa: —Nararihi ena achaneana puiti juca náetaviuchahi eta navaina­ra­jivana taicha vahi návara­hahini nasuapa eta yátupirahi mavane­runuhi ema Viya. Tiyasea­ca­nuanahi nímecha­yarehi eta tiáramicare táicutiarahi eta mavane­si­ranuhi ema Viya. Váhisera nímechaimahi. Tacarichu náimahayare eta níchara­ra­cavaya tacuti eta máichara­ra­cavahi ema profetaini Jonás.

San Lucas 11:29 ပူးပေါင်းရင်းမြစ်များ

San Mateo 3:7

Taka'e te maima'apa ema Juan ena fariséuana énapa ena saduceoana. Nayanaucha'i, nawaraira'i tikaikachasiana, máichawakapa: “¡Tachichanaveana eta kichare! ¿Nája'a ticha'e'i eta iúchuku'airaya taye'e eta maikuñaraki ema Viya?

Marcos 8:38

Énaipa nákani timitsiri'anuana'ipuka eta náe'isiranu'i, étapa eta nímiturapiana, te namira'u ena achaneana tikapekaturara'iana, eneichuware ema Machicha ema Ajaira titsiri'ayarewa. Te jena sácheyare, námainapaipa eta nujaraiwa, étapa eta majaraiwa ema Tata. Nukachanénapaipa ena Santuana ángeleana.

San Lucas 11:16

Ena apamuriana nawara'apa naimiakipaikaya'i, nayaseakapa máimereka'ni eta tiáramikareana, tiasi'a te anuma.

San Lucas 11:50

Eti achaneana etiari'ikeneana'i puiti, ekaikuñayare taicha timuriaka'e'i eta naviurewa'i ena iáchukanaveanaini, taicha eta nakapapajisirawaka'i ena profetanaini akane te tépanawainapa eta apake'e,

San Lucas 12:1

Taka'e, te jena sácheana'i, títekaparakanapaichucha ena kamurikeneana achaneana. Tiyututukawanapa, tupiajirikakanapa. Ema Jesús natiwapa maechejika ena maimitureana maichawaka: “Échapawa taye'e eta lewadura eta tasisijisira'i eta masa. Takuti'ichu eta tapareasira'i eta apimirairana'i ena fariséuana.

San Lucas 9:41

Ema Jesús majikapapa: –¡Tétavikawa emasuapajiraiwa eti achaneana! ¡Kúverarekapa eta nukamichira'ena'ini! Piama ani ema pichicha.

San Juan 2:18

Ena juriyuana nayaserekapa: –¿Taja'apuka eta pitsamarajiya, te yátupi'ipuka Akenukavi eta pichira'i eta juka?

San Juan 6:30

Taka'e, ena nayaserekawarepa: –¿Tája'asika eta tiáramikare pímecha'aviyare apaesa visuapavipa? ¿Taja'apuka eta pemataneana?

San Juan 8:44

Ema tikachicha'e eti, ema Wínaraji; ema técha'e'i, taicha ewara'a'i íchayare eta máichakeneana ema. Taicha ema, tikapa'i eta máitaresira'i te tépanawainapa. Étachucha maurika tiwayuarereka. Ema, naiya'i ena tépiya'ira'iana.

1 Corintios 1:22

Ena israelítana, nawara'a náima'a eta tiáramikareana tiási'ana me Viya. Ena griegoana natanuka'i eta tápajusirawaya eta náechemaraiwaya.