San Lucas 11:22 - Táurinakene máechejiriruwa’i ema Viya tikaijare

²² Té'esera maka'epaipa mákani achane túmepana'i maye'e, maverejikayare eta matakirikini makasiñakene'i, mamechinayarepa tamutu eta maeñamakeneana. Tási'a, maijarakasichapa ena maemunakasareana.

Ignaciano

²² Téhesera macahepaipa mácani achane túmepanahi mayehe, mavere­ji­cayare eta mataqui­riquini macasi­ña­quenehi. Máitiacavane. Tásiha, émapa técha tamutu eta majanea­ruinihi ema achane. Ene nucahehi núti, túmepa­nanuhi mayehe ema maca Satanás.

San Lucas 11:22 ပူးပေါင်းရင်းမြစ်များ

San Lucas 11:21

“Takutikene mákani achane tumekene'i. Makarataka'i eta matakiriki eta majaneasira'i jákani makaye'ekeneana, nájina tiámeyechaima'i.

San Lucas 11:23

“Te wa'i ekusuapanu eta nichakeneana'i, je'eware ekatichanu'i, te wa'iware ekuimikatakanu eta naitesiraina nuye'e, tímikutijirikawa epanajirikawaka ena achaneana.

Efesios 6:11

Akasiñawa taye'e eta maitupajijasirawa ema Viya eta maijararu'e'i, apaesa árata'a te taitekapa'aka'e eta mawayuaraki ema wínaraji, mawaraira'i timiakipaika'e

Efesios 6:13

Eta taka'e, akasiñawa me Viya eta maitupajijiasirawa, eta maijararu'e'i apasea árata'a eta ekanarairaina te taitekapa eta sache tiñe'ikare, tási'a eta erata'airayare ekanara, enasinapa eta étumechirawayare.

Colosenses 2:15

Eta máepenira'i ema Jesús taye'e eta crusu, máita'akawakaipa ema wínaraji énapa ena machanerana éreanana, tájinane'i natumewaina'ini eta maye'e, puiti tákijikawaka'i ena, te vipiaraka te máijare ema Jesús, waipa tipaucha'avima'i.

1 Juan 3:8

Ema ticha'i eta tamaurikeneana tímereuchawaka'i eta machichairawaka'i ema wínaraji. Taicha ema winaraji, ema tinakucha'i, tákenu'i eta pekatu. Eta taka'e, eta maitesira'i ema Machicha ema Viya, makaepa'airayare eta majarareruana'i ema wínaraji.

1 Juan 4:4

Nuchichanavechichana, eti machicha'e ema Viya, eti ekapakechaipa ena naenana tepiya'ira'iana, taicha ena tawa'aka'e eti ema tapajupanawa'i titupajijiapanawa'i maye'e ema tiavi'a te juka apake'e.