San Lucas 1:76 - Táurinakene máechejiriruwa’i ema Viya tikaijare

⁷⁶ Píitisera nuchicha, píchuarekasiwa'i maye'eviyare profeta ema Ichape Vikaiyakene, taicha piti pinapumirauchaya ema Viya petupirikaya eta achene,

Ignaciano

⁷⁶ Pítiripa, piti nuchicha, píchuare­ca­si­vaichuhi mayehe­viyare profeta ema Tata Vicaiyaquene taicha píti pínapu­mi­rau­cha­ya­repahi ema Viáquenu Cristo.

San Lucas 1:76 ပူးပေါင်းရင်းမြစ်များ

San Mateo 14:5

Taka'e ema Aluresi, mawara'a'i makapaka ema Juan, tipika'isera ema nasema'ini ena achaneana, taicha ema Juan, tétavikawa'i eta nasuapira'i, náimati'i ema eta émaira'i profeta.

San Mateo 21:26

Taicha, wa'i taurika'ini vémuna'akawa'ini vicha: Émajiwaichucha eta máitesira'i, taicha vipika'i ena achaneana nasema, taicha namutu'i nasuapa'i ema Juan, eta émaira'i profeta.”

San Mateo 3:11

Yátupi nuti, níkachasika'e'i te une, apaesa éñauchawa maye'e ema Viya, marajapainapasera ema tíkachasika'eyare, ema Machanewa Viya. Ema tiápajupanawa'i nuye'e nuti, wáipaine'i nákutinasima'i eta máitupaijiasirawa'i. Wáipaine'iware nákaemuñawaima'i nuvejuchupewacha eta maeparupewa.

San Mateo 3:3

Ema Juan, ema'i ema maechejisi'akene'i ema Viya, maichakene'i ema profeta Isaías: “Matiari'i ema émana tipiaraka te mawapa'ikene wama'i: ‘Etserereaka eta mache'u ema Viya, petupinacha eta achene.’ ”

Marcos 11:32

Taicha, wa'i taurika'ini vémuna'akawa vícha émajiwaichucha eta máitesira'i...” Ena napika'i ena achaneana, taicha namutu'i nasuapa'i ema Juan eta émaira'i profeta.

San Lucas 1:32

Tétavikawaya eta napikauchirayare ena achaneana taicha Machichayare'i ema Viya. Ichapekeneyare eta akenukairayare ema taicha ema Viya manakayarewa eta máwakureyare akenukayare. Makutiyare'i eta akenukaira'i ema máchukaini David,

San Lucas 1:35

Émasera ema ángele máichawarepa: –Pikachichayare taicha eta máitupajijiasirawa'i ema Viya. Timikáuchaviyare eta majaraiwa, tási'a, tisiapa'akavinapa ema Machanewa Viya. Eta taka'e, ema amuya pínaruyare, santuyare ema, taicha machichayare'i ema Viya. Náimatiyare namutu eta machichaira'i ema Viya.

San Lucas 6:35

Étisera émunakayare ena tikatianaka'eana'i, tási'a íchayarewa eta táurikeneana, tási'a íjarakaware eta nakamukeneana nákani tikapuka'eana. Wa'i ekukuchapa eta náitsirijirapiyare. Eta taka'e'i eta ímereuchirawa eta machicha'eira ema Tata Vikaiyakene. Taicha ema, tétavikawa'i eta máuriwa naye'e namutu, énaipa ena wínarajikeneana máechawara'ana'i.

San Juan 1:23

Ema Juan májikapawarepa: –Nuti nupiaraka'i te mawapa'ikene wama'i: ‘Etserereaka eta mache'u ema Viya’, taicha taka'e'i eta maechejisi'akene'i ema profeta Isaías.

San Juan 1:27

tási'a ema títekapaya te nekene nuye'e núti. Nuti wáipaine'i nákaemuñawaima'i nuvejuchupewacha eta maeparupewa.

San Juan 3:28

Eti échaichi'i eta numetasira'e'i eta wa'i nútina'ini ema Cristo. Yátupisera nukawana'i'i eta nínapumirauchirayarepa'i ema, numetakawaka ena achaneana natsekawa'i.

Hechos 16:17

Esu suka amaperu tépanawapa te'ika'avipa'i, tipiarakapa'i te vékene: –¡Ena nani ajairana ñiwanarana eñi Viya Viákenu ichapekene, tási'a náechejisi'aware eta achene tikaiju'e ñe Viya ena nauchukureanayare!