San Lucas 1:20 - Táurinakene máechejiriruwa’i ema Viya tikaijare

²⁰ Puítisera úpaviyare. Eta ekutiarareyare piye'e, taicha eta pimasuapiranu'i. Tiámainukawa te táitauchawapa eta juka numetaruvi'i, péchejikainawarepa.

Ignaciano

²⁰ Puítisera úpaviyare. Eta ecutia­ra­reyare piyehe taicha eta pimasua­pi­ranuhi. Tiámáinucava te táitauchavapa eta juca numeta­ruvihi, péchaji­cai­na­varepa —máichapa ema ángele.

San Lucas 1:20 ပူးပေါင်းရင်းမြစ်များ

Marcos 16:14

Tiuri, te táekenepa, tiúrujikawana'i eta nanisira'i ena únsekeneana maimitureana. Taka'e, tíja'uchawapa tímerekawa ema Jesús eta naye'e. Makajachamuripa eta namasuapira'i eta nametarapiana'i, ena tíma'ana'i ema eta máechepusiraipa'i.

Marcos 9:19

Ema Jesús majikapapa: –¡Tétavikawa eti achaneana emasuapajiraiwa, wa'ikene akasiñawa'ini me Viya! ¡Kúverarekapa eta nukamichira'ena'ini! Iáma ani ema amaperu.

San Lucas 1:19

Émasera ema ángele majikapawarepa: –Nuti nukaijare Gabriel. Nuti mawanerunu'i ema Viya. Nutuparakasiwaichu'i eta numetasiraviyare eta juka Arairu techakare.

San Lucas 1:21

Taka'e, ena achaneana nanasikeneana'i te aneka nakuchaparairikaipa'i ema Zacarías, náramipa eta mayerewaipa'i te taju'e te templo.

San Lucas 1:22

Jé'esareine'i, te tiúchukapa ema Zacarías, waipa máechejika'ini. Náimatiakapasera ena, eta máechejisira'i ema Viya te taju'e. Tisuveverekapaipa'i ema eta mawaraira'i máimikutiarachawaka ena achaneana, eta yátupira'i masamakene'i. Úpapaipa'i ema.

San Lucas 1:45

¡Tétavikawa eta piúrikakarewaya píti taicha eta pisuapajiraiwa'i ñiye'e eñi Viya. Títauchawainapa tamutu eta ñimetarapi'i eñi Viákenu eta piye'e!

San Lucas 1:64

Tási'a, tíja'uchawapa tichawapa eta máechejisira ema Zacarías. Makunachapa ema Viya eta máurisamurewa'i.

Romanos 3:3

¿Taja'a takayema eta juka? ¿Masapi'apapukaini manakika'ini eta mauriwa etapa eta maichira eta tiurikakareana taichavenena'ini ena achaneana tichana eta tamaurikeneana masuapajiraira'ana?

2 Timoteo 2:13

Te vínajikawa'ipuka eta vé'isira'i ema, émasera wa'i máinajika'avi'ini, Manasi'ichucha tikuchapa'avi'i te viápechawayarepuka vichawayare maye'e.

Tito 1:2

etara eta juka vikuchapakene'i taicha eta vitaresira maichekuarakirenapa. Taicha ema Viya wa'i maepiya'ira'ini.

Hebreo 6:18

Tímatikare'i eta máuriwa'i ema Viya waipaina'i maitsiwachaima'i eta maijarasirawa'i eta maitauchirayare'i eta maechejiriruwa wa'iware tiwayuaraka'avima'i, taicha tijaraka'avi'i eta vitumewayare'i etapa eta makurisamurechira'aviyara'i viti vitanukana eta makatiuchira'aviyare'i ema Viya etapa eta vikasiñawaira vikuchapirayare eta maichakene'i.

Apocalipsis 3:19

Nuti netupirikaya eta napanereruana namutu ena némunaruana te náejekapawa. Éñauchawaware, apaesa takuija ekuichirawaina.