San Juan 9:16 - Táurinakene máechejiriruwa’i ema Viya tikaijare

¹⁶ Narari'isera ena fariséuona naka'epa: –Ema mákara wa'i machaneraina ema Viya, taicha wa'i mapikaucha'ini eta sáwarumu'uana. Ena apamuriana, ániwarepa naka'e'i: –¿Wáipaine'isera máituruekene'aima'i máicha eta tiáramikareana te yátupina'ini makapekaturara'i'íni? Taka'e, apánapanenejipa eta napanereruana, tiakapaemajirikakanapa ena,

Ignaciano

¹⁶ Nararihi ena nacahepa: —¡Ema mácara achane vahi machaneraina ema Viya, taicha vahi mapicau­chahini eta sávaru­muhuana tacapi­ca­huquene! Ena apamuriana, ánivare nacahe: —Váipari­ne­hisera máiturue­que­ne­haimahi maicha eta tiárami­careana te yátupi­nahini macape­ca­tu­ra­ra­hihíni —nacahepa. Tacahe, apana­pa­ne­nejiana eta napane­reruana.

San Juan 9:16 ပူးပေါင်းရင်းမြစ်များ

San Mateo 12:10

Matiari'i'i ema émana achane tépenawa'u'i eta mawa'u, tási'a natanunuirika'i eta tiviuchayare'i ema Jesús, nayaserekapa: –¿Táurikapuka pikanaraka ema makajumakene te sáwarumu'u?

San Mateo 12:2

Ena fariséuana te náima'apa, naichapa ema Jesús: –Píma'a ena pímitureana naicha'i eta jakani, puiti jena sache sáwarumu'u wa'i tísapakare naicha.

San Lucas 13:14

Matiari'i'iware ema tákenuru'a'i eta peti náurujisirarewa ena juriyuana. Eta máimaira'i eta juka, tisemaine'i taicha eta makanarasira'i ema Jesús esu sukajumakene te jena sache sáwaru takapika'ukene'i. Tási'a, máichawakapa ena achaneana: –Saisi sache tatupara'a eta vikaemataneraya, énerichuware eta ekaipuirayarewa eti ekajumakeneana wa'isera ekuiteka te sawarumu'u.

San Juan 10:19

Eta nasamira'i ena achaneana eta juka máechejiriruwana'i ema Jesús, típutsimuriawawakawarepa.

San Juan 14:11

Esuapanu eta náwa'asira'i nuti ema Tata, étapa eta máwa'asiranu'iware ema. Te vuícha'apuka esuapanu'ini eta numetarapi, étawanerekainasera esuapa eta tiáramikareana'i níchakeneana'i.

San Juan 15:24

Éneichu'iware, takuija'ini taviuchawaka'ini te wa'i nukuimereka'ini eta níchakeneana'i, marata'akene'i máicha'ini mákani apana achane. Étasera náima'aipa'i, wá'ikenesera nasuapa'ini, nanasikene tikatianakanuana'i, nakatianaka'iware ema Tata.

San Juan 2:11

Eta juka táinapuiru'i tiáramikare máimereka'i ema Jesús, taye'e eta awasare Caná. Ichapeine'i eta náramira'i ena tinekapana'i eta juka máimeresira'i eta máitupajijiasirawa'i. Taka'e, ichapeine'i eta nasuapira'i ena máimitureana'i.

San Juan 3:2

Taka'e, eta jena yátikene'i, ema Nicodemo tiyanapa mapaipiuchapanapa'i ema Jesús. Taka'e, eta náechejirisirawa'i, maka'epa ema Nicodemo: –Tata maestro, vécha'i eta wanairukavi'i me Viya eta juka pítesira'i pímitusira'avipana'i. Taicha nájina apanaina achane títuruekene'aima'i eta juka tiáramikareana píchakeneana'i píti.

San Juan 5:10

tikapika'u'i eta jena sache naye'e ena israelítana. Taka'epa, te náima'apa ena tuparairukana, nakajachapa ema. Náichapa: –¿Tája'a takayema wa'i pipikaucha puiti juka sache takapika'ukene'i? Wa'i vísapa piáma'ini eta pímakaraji puiti juka.

San Juan 5:36

Wá'isera mákarichu eta máimikaecherachiranu'i ema Juan. Jarari'i eta apana táimikaecherachiranu'i, tiápajupanawa'i eta táramikarewa. Taicha nuti nicha eta nématanerepiana máijararunu'i ema Tata.

San Juan 6:52

Ena juriyuana tiákapaemajirikakanapa: –¿Tája'a takayema ema maka eta máijarasira'aviya eta vinika'ini eta maeche?

San Juan 7:12

Énerichuware ena achaneana natiari'ikeneana'i te piesta, náechejisi'a'i ema. Ánipa naka'e'i: “Wa'i tiuri ema maena achane. Makaetemawaka ena achaneana.” Ena apamuriana ániware naka'e: “Tiúri'i ema maka. Vémeteaka tétavikawa eta máuriwa'i.”

San Juan 7:23

Tiúri'i puiti, eta emáwaraira'i émetavika eta mawanairipi ema Moisés, eti enakayare'i eta íkutiara te make'e ema amuya alauchu tayanapaneneni sawarumu'uina, ¿tási'asera taja'a takayema esema nuye'e eta nukanarasira'i ema achane te sawarumu'u?

San Juan 7:43

Taka'e ena achaneana tiputsimuri'akakanapa maichavene ema Jesús.

San Juan 9:24

Taka'e, ena tuparairukana nápechaware náicha ema achane puchukini. Ánipa naka'epa: –Pátupiruwa pimetaka'avi te máijare ema Viya eta pinárasira'i, vítisera vímati'i ema maena achane tisipekaturara'i.

Hechos 14:4

Tási'a, típutsimuri'awanapa ena achaneana tikawasana'i taye'e, ena apamuriana náe'ikapa ena israelítana masuapajiraira'ana, ena apamuriana náe'ikapa ena apústuleana.