San Juan 8:58 - Táurinakene máechejiriruwa’i ema Viya tikaijare

⁵⁸ Ema Jesús majikapaware: –Nutupiruwa numetaka'e: Májinaicha'a'i ema Abraham, nunasikeneipa'i nuti.

Ignaciano

⁵⁸ Ema Jesús majica­pavare: —Nutupiruva numetacahe: Májinai­chahahi ema Abraham, nunasi­que­ne­ripahi núti —máichavacapa.

San Juan 8:58 ပူးပေါင်းရင်းမြစ်များ

San Juan 10:25

Ema Jesús majikapawakapa: –Kápachi numetaka'eipa'i, wícha'akaru esuapanu. Eta juka níchakeneana'i íma'akeneana'i tási'akeneana'i me Tata, etaipara tímereuchanu'i;

San Juan 17:24

“Tata, píti píjarakanu'i, nuwara'a nakachanenu nuti te navi'ayare, apaesa naima'a eta nujaraiwa eta pijarararunu'i, taicha piti pemunakanu'i akaneipa eta takaepiyairayare eta apake'e.

San Juan 17:5

Puítisera nuchawainawarepa eta piye'e. Píjarakanuyare eta nukunachakarewaya piye'e, takutiyare akane tasinekene, eta návine'i te tépanawainapa eta apake'e.

San Juan 8:24

Eta taka'e, numetaka'enuma'i eta tanasinapa eta epekaturana te épenapa. Taicha te wa'i esuapanu'ini eta nútikenera'i ema ekuchapakene'i, tanasiyare eta epekaturana te épena.

San Juan 8:28

Tási'a, máichawarepa: –Jé'ewaresera te ekatupi'anupa te anuke'e, tapaenumawainapa ímatinuyare eta nútikenera'i ema Cristo ekuchapakene'i, ekaikutiarayarewa yátupi'i nímituka'e eta máimiturapiana ema Tata. Taicha wa'i étaina nuviya'ini te nuchuti nútijiriruwaina'ini.

San Juan 8:34

Ema Jesús máichawarepa: –Nutupiruwa numetaka'e, namutu nákani tíchana'i eta pekatu. Nakuti'i ena wanarakana taicha tétavikawa eta tawayuasirawaka'i.

San Juan 8:51

Nutupiruwa numetaka'e: Nákani tisuapanayare eta numetarapiana, máepenakakanayare ena.

Colosenses 1:17

Ema Cristo manasikenepa akane te tamira'uicha'a eta táepanirawayare'i tamutu, puíticha ema técha'i tamutu.

Hebreo 13:8

Ema Jesucristo, wa'i máitsiwacha eta máuriwa'i eta viye'e. Manasi'i puíticha, étapa eta apajara'iyare.

Apocalipsis 1:11

Ánipa maka'e'i: Piájuchaya tamutu eta juka píma'akeneanaya te ajumeruka, pímiamarekapa eta piajure naye'e ena siétemurikeneana pichamuriana tikawasana'i te Asia: ena tiávi'ana'i te Éfeso, ena tiávi'ana'i te Esmirna, ena tiávi'ana'i te Pérgamo, ena tiávi'ana'i te Tiatira, ena tiávi'ana'i te Sardis, ena tiávi'ana'i te Filadelfia, énapa ena tiávi'ana'i te Laodicea.”

Apocalipsis 1:8

“Nútira nunakucha'i eta táepanirawa'i eta apake'e, núti'ichuware nécha eta táimiyanirawaya tiuri, néchayarewa eta táitavirayare tamutu,” maka'e'i ema Viya, tétavikawa eta máitupajijiasirawa, máituruekene'a'i tamutu, ema, matiari'ikene'i te tépanawainapa, puiti manasi'ichu'i eta viye'e, émarichuwa manasiyare te táitawapa tamutu.

Apocalipsis 2:8

“Pikajureware eta juka numetarapiana'i naye'e ena pichamuriana tikawasana'i te awasare Esmirna: ‘Nuti nunakucha'i eta táepanirawa'i, núti'ichuware nécha'i eta táitavirayare tamutu. Nuti nakaparu'i, nuchawa'isera nítareka: