San Juan 8:29 - Táurinakene máechejiriruwa’i ema Viya tikaijare

²⁹ Puíticha, ema Tata tikachanenu'i, wa'i majunijiakanu'ini, wá'iware nákarichu'ini taicha nítauchaipa'isera nuti eta mawara'akeneana'i ema.

Ignaciano

²⁹ Puíticha, ema Tata ticacha­nenuhi, vahi majuni­jia­ca­nuhini, váhivare nácari­chuhini taicha nítauchai­pa­hisera núti eta mavara­ha­que­neanahi éma —máichavacapa éna.

San Juan 8:29 ပူးပေါင်းရင်းမြစ်များ

San Mateo 17:5

Tási'a, téchejikaicha'a ema Pedro, tiáramikarepa eta úkaji táepakumuri'a'i ena, tétavikawa'i eta tajanunusira'i, tási'a nasamawarepa eta ma'u ema Viya, taye'e eta úkaji ani maka'e'i: “Ema maka, ema Nuchicha némunarukene'i. Ema nunerejiru'i: esamayare.”

San Mateo 3:15

Émasera ema Jesús majikapapa: –Tájinachucha táichawa, tikamunukare'i nítauchayare eta mawara'akene'i ema Nukaiyakene Tata Viya. Tási'a, ema Juan tísapawapa.

San Mateo 3:17

Taka'e, nasamapa eta ma'u ema Viya tási'akene'i te anuma. Ani maka'e'i: “Pítira nuchicha némunarukene, núrisamurecha piye'e.”

San Juan 14:31

Nuwara'asera náimatiya ena achaneana eta némunasira'i yátupi ema Tata, tási'a, nítauchaparaka'i tamutu eta mawanairipiana. “Échepuka. Viyana viyejekawa eta te juka.

San Juan 15:10

Eta ímiyanirawa esuapira'i eta nuwanairipiana, tijurukapaipa eta ímatira'i eta némunasira'e'i. Takuti eta nítauchira'i nuti eta mawanairipiana ema Tata, nímatipaipa eta máemunasiranu'i ema.

San Juan 16:32

Puíti títekapainapa eta ura, eta éjanerepaisirayare eti, ejunijikanuinapa, nukarichuinapa. Wá'isera nakarichuima'i matiari'iyaresera ema Tata, ema tikachanenu'i.

San Juan 17:4

Nuti nímereka'i ena achaneana eta pikunachakarewa'i. Nítauchaipa'i tamutu eta piwanairipiana'i piwara'akene'i níchayare'i.

San Juan 4:34

Ema Jesús máichawakapa: –Eta tikaitarekanu'i nuti, eta nítauchira'i eta mawanairipiana ema Nukaiyakene, taicha nuwara'a nítauchaya tamutu eta nuwana'i'i maye'e.

San Juan 5:30

“Nuti wa'i nútijirikawaima'i níkuñareka. Nukuchapayare'i eta mawanairipi ema Tata, ema tiwanekanu'i. Taka'e, te níkuñareka, wa'i numapachichijikaima'i, tatupiruwayare'i nícha. Taicha taka'e'i eta mawara'akene'i ema Tata.

San Juan 6:38

Taicha nuti eta núkupaisira'i te anuma, wa'i nutijiriruwaina'ini nícha'ini eta nuwara'akeneana nuti, eta tímitekanu'i nítauchayare'i eta mawanairipiana ema Tata, eta mawánesiranu'i.

San Juan 8:16

je'ewaresera, te jákani, népuru'epapuka táichavene'i eta emasuapira'i, taicha wa'i nákarichuima'i népuru'e nuti, matiari'i ema Tata tiwanekanu'i. Ema apana máima'a'i eta emasuapajiraiwa'i, tépuru'eyare'iware ema.

2 Timoteo 4:17

Émasera ema Viákenu tijaneakanu'i, tímikatakanu'i, wa'i máisapanu'ini nanakanu'ini te tapena eta sárareana tinikara'iana. Nítujikawa'i núchuka nuyana taye'e eta apanakeneana awasareana, nukametarairu'i naye'e ena apawasakeneana.

2 Timoteo 4:22

Nuti nuyaseuchaviparaka me Viákenu Jesucristo majaneakavi'ini tamutu sacheana, táetaviuchawareni eta iúrikakarewaya emutu eti máicha.

Hebreo 4:15

Ema, yátupi'i tiyaseura'ikene'i eta viye'e, taicha tímati'avi eta vimatumewa'i. Tijapanu'avisera, taicha ema éneichuware tikatajiwa'i tamutu'i makaitsamaraji ema winaraji, takuti eta makaitsamarajira'avi'i víti. Emasera wa'i makapekatura'ini ema Jesús.

Hebreo 7:26

Taka'e'i puiti eta makatupara'aira'i ema Jesús téchejiucha'aviyare. Tétavikawa'i eta vikamunuira'i ema, taicha yátupikene'i santu, matapiraware'i ema. Tájinaware máimatiya'ini makapekatura'ini. Wá'ikene mákuti'ini ena pekatumareana eta napanereruana. Puíticha ema mávi'a'i taye'e eta anuke'e anuma.

1 Juan 2:1

Nuchichachichana, nukajure'e'i eta júkana taicha nuwara'a wa'i ekukapekaturaini. Té'esera íchapuka eta pekatu, marari'i ema tikatajira'i viye'e te mamira'u ema Tata Vikaiyakene, tikaijare Jesucristo ema tikatajika'avira'i, ema, matapiraware; tétavikawa eta máuriwa.

1 Juan 3:22

Taka'e ema tijaraka'avinapa tamutu eta viyasearapiana, taichavene eta visuapira'i eta mawanairipiana etapa eta vichira eta mawara'akeneana.