San Juan 7:41 - Táurinakene máechejiriruwa’i ema Viya tikaijare

⁴¹ Ena apamuriana, ániware naka'e: –Émaipa ema maka ema Cristo. Énasera ena apamuriana, ánipa naka'e: –Galileo ema maka Jesús. Wáipaine'isera étaina'i máuchusi'a ema Cristo taye'e eta awasare Galilea.

San Juan 7:41 ပူးပေါင်းရင်းမြစ်များ

San Juan 1:41

Te tichawapa matiwa'i matanuka'i ema maparape Simón, taka'e máichapa: –Víma'aipa'i ema Mesías (eta taechejiriruwa eta juka taka'e'i ema Cristo).

San Juan 1:46

Maka'epa ema Natanael: –Wáipaine'i tiuchukaima'i, tiuri taye'e eta Nazaret. Ema Felipe májikapawarepa: –Yare apaesa pitsamareka.

San Juan 1:49

Ema Natanael máichapa: –Maestro, ¡píti'ipa yátupikene Machicha ema Viya, pítira yátupikene Rey-vi'i viye'e viti israelítana!

San Juan 4:25

Esu esena suíchapa: –Nuti necha'i eta ñítekapirayare'i eñi ñiwaneru eñi Viya (eñi naichakeneasa'i Cristo), techakare'iware eta ñimetasira'aviyare'i tamutu.

San Juan 4:29

–Yare, íma'aya eñi achane ñímati'i tamutu eta níchakeneana'i néjekapirawana'i. Tamutu'i ñikuchuchujisinánu'i. ¿Wa'ipuka éñina ñiwaneru'i eñi Viya, vikuchapakene'i tikaijare Cristo?

San Juan 4:42

Tási'a, náichawarepa esu esena: –Puiti émakenepa visama'i. Waipa tákarichu'ini visuapa'ini eta pimetarapi'i. Véchapa viti apanawa eta émakenera'i ema Cristo, ema vikuchapakene'i, ema tikuchuku'a'aviyare vimutu viti achaneana.

San Juan 6:69

Víti vitupiruwa'i eta visuapiravi'i. Vécha'iware eta yátupikeneravi'i Cristo, Machichakenévi'i ema yátupikene'i Viya.

San Juan 7:27

Vitisera vimati'i eta máuchusine'i ema maka. Te máitekapa ema yátupikene Cristo, nájina téchaima'i távi'apuka eta máuchusi'ayare.

San Juan 7:31

Kamuriana'isera ena tisuapana'i ema. Tási'a, naka'epa: –¡Taicha najina makuti eta máichira'i eta tiáramikareana ema maka achane!

San Juan 7:52

Ena najikapapa: –¿Vémeteaka píti apanaware pijaneana'ipuka ema, píti'ichupuka galileuvi'i? Viwanekavi péchejiku'a eta Takapika'ukene Ajureka apaesa pecha wa'i étaima'i te Galilea máuchusi'ayare ema profeta Cristo vikuchapakene -naka'epa.