San Juan 7:31 - Táurinakene máechejiriruwa’i ema Viya tikaijare

³¹ Kamuriana'isera ena tisuapana'i ema. Tási'a, naka'epa: –¡Taicha najina makuti eta máichira'i eta tiáramikareana ema maka achane!

Ignaciano

³¹ Natiari­hisera camuriana ena tisuapanahi. Tásiha, nacahepa: —¡Víti vémeteaca émaripa ema Cristo ema maca! ¡Taicha nájina mácuti eta máichirahi eta tiárami­careana máichaque­neanahi ema maca! —nacahepa­­.­

San Juan 7:31 ပူးပေါင်းရင်းမြစ်များ

San Mateo 12:23

Namutupa ena, tiyaserejirikakanapa eta naramira'i: “¿Émapachupuka ema maka, Machicha ema David?”

San Lucas 8:13

Natiari'iware ena apamuriana achaneana, nakuti'i eta máteji máripa'i, te nasamararaka eta echéjirirukawa, natupiruwane'i nasuapa, wá'isera nárata'a'ini yatupina'íni, wa'i nakuti'íni eta ewaraki tiúpare, ánipichu eta náe'isira'i, tínajikawanawane taicha eta natajiwaira'i.

San Juan 11:45

Taka'e, ena suchimarana'i esu María, eta náimaira'i eta juka máichakene'i ema Jesús, kamurianaine'i ena tisuapana'i ema.

San Juan 12:11

taicha émavene'i tícha'i eta nasuapiraipa'i ema Jesús ena kamurikeneana achaneana. Waipa nasuapa'ini eta nawanairipiana ena tuparairukana.

San Juan 12:42

Narari'isera ena akenukara'ana tinerejikawanaipa'i ena tisuapana'i ema Jesús, wá'isera náwara'a'ini náimerekawa'ini eta náe'isira'i, napisira'i ena fariseona eta nakijikawaka'ini eta te peti naurujisirarewa.

San Juan 2:11

Eta juka táinapuiru'i tiáramikare máimereka'i ema Jesús, taye'e eta awasare Caná. Ichapeine'i eta náramira'i ena tinekapana'i eta juka máimeresira'i eta máitupajijiasirawa'i. Taka'e, ichapeine'i eta nasuapira'i ena máimitureana'i.

San Juan 3:2

Taka'e, eta jena yátikene'i, ema Nicodemo tiyanapa mapaipiuchapanapa'i ema Jesús. Taka'e, eta náechejirisirawa'i, maka'epa ema Nicodemo: –Tata maestro, vécha'i eta wanairukavi'i me Viya eta juka pítesira'i pímitusira'avipana'i. Taicha nájina apanaina achane títuruekene'aima'i eta juka tiáramikareana píchakeneana'i píti.

San Juan 4:29

–Yare, íma'aya eñi achane ñímati'i tamutu eta níchakeneana'i néjekapirawana'i. Tamutu'i ñikuchuchujisinánu'i. ¿Wa'ipuka éñina ñiwaneru'i eñi Viya, vikuchapakene'i tikaijare Cristo?

San Juan 4:39

Ena tikawasana'i te jena awasare Samaria, kamurikeneana'i ena tisuapana'i eta sumetasirawaka'i esu esena: “Eñi timereuchanu'i tamutu eta nichakeneana'i.”

San Juan 6:2

Kamuriana ena achaneana té'ikanapa'i ema, taicha eta náimaira'i eta tiáramikareana máichakeneana'i eta makanarasirawaka'i ena nakajumakeneana.

San Juan 7:26

Íma'asera, wa'i mapikakarakawa'ini eta makametarairuira'i te juka. Nájinaware ena tuparairukana, nájinaware nakamatinaka'ini. ¿Nasuapaipapuka puiti ena, eta émaira'i ema Cristo?

San Juan 9:16

Narari'isera ena fariséuona naka'epa: –Ema mákara wa'i machaneraina ema Viya, taicha wa'i mapikaucha'ini eta sáwarumu'uana. Ena apamuriana, ániwarepa naka'e'i: –¿Wáipaine'isera máituruekene'aima'i máicha eta tiáramikareana te yátupina'ini makapekaturara'i'íni? Taka'e, apánapanenejipa eta napanereruana, tiakapaemajirikakanapa ena,

Hechos 8:13

Émaipa ema iápemaréni Simón, masuapaware ema. Tikaikachasiwarepa, máe'ikapa makachanepaipa ema Felipe. Ichape máramipa'i eta tiáramikareana máichakeneanapa'i ema Felipe.

Santiago 2:26

Eta juka takuti'i eta viáke'e te tajunijika eta viáchanewa, enewanerine'i tésamirikawa eta viáke'e, tépenawaneyare'i, ene taka'e'i eta visiñawaira me Viya, eta taka'e eta te wa'i vikuimereka eta vichira eta taurikeneana.