San Juan 7:28 - Táurinakene máechejiriruwa’i ema Viya tikaijare

²⁸ Te masamapa eta juka ema Jesús, máimatine'i eta napanereruana. Tási'a, murakapanapa eta máechejisira'i te templo eta máimituresira'i: –¡Eti ímijachawa ímatinu'i, etapa eta núchusine'i! ¡Wá'isera ímati eta tímitekanu'i! ¡Wá'iware ímati ema Eternokene'i, ema tiwanekanu'i! Nuti, wa'i nútijiriruwaina'ini eta nítesira'i.

Ignaciano

²⁸ Émasera ema Jesús máimatihi eta napane­reruana. Tásiha, muraca­panapa eta máechaji­sirahi eta te Templo máimitu­re­sirahi. Ánipa macahe: —¡Éti ímijachava ímatinuhi, étapa eta núchusinehi! ¡Váhisera ímati eta tímite­canuhi! ¡Váhivare ímati ema Eterno­quenehi, ema tivane­canuhi! Núti, vahi nútiji­ri­ru­vai­nahini eta nítesirahi.

San Juan 7:28 ပူးပေါင်းရင်းမြစ်များ

San Mateo 11:27

“Ema Tata Nukaiyakene, ema tíjarakanu'i eta nútiraya néchaya tamutu. Nájina timatina ema machicha emachucha ema Vikaiyakene, nájinawa timatina ema Vikaiyakene emachucha ema machicha manerejiru.

San Mateo 2:23

Te títekapanapa ánaki, tiyananapa tikapenana'i te Nasaret. Taka'e titauchawapa eta náechejiriruwana'i ena profetanaini: Ema Jesús eta makaijarerayare'i Nazareno.

San Mateo 26:55

Te jena ura'i ema Jesús máichawakapa ena achaneana: –¿Tája'a takayema ekasiña eta espada, ekaepuchirikiwaka, eta ekaratasiranu, tímikutijirikawapa námera'i'ini? Étayapasika kape juka tamutu sácheana nukachane'e'i nímituka'e'i te mapena ema Viya, wá'iware epatsikawa'ini ekaratakanu'ini.

San Lucas 10:22

“Ema Tata Nukaiyakene, ema tíjarakanu'i eta nútiraya néchaya tamutu. Nájina timatina ema machicha emachucha ema Vikaiyakene, nájinawa timatina ema Vikaiyakene emachucha ema machicha manerejiru.”

San Lucas 2:11

Puiti te jena awasare Belén, máwasaini ema rey David, tiúchukaipa ema Tikatiura'iyare eye'e emutu eti. Ema, tikaijare Cristo Tataya.

San Lucas 2:39

Tiuri, náitauchapa tamutu eta mawanairipiana ema Viya eta te takapika'ukene. Taka'e, tichawanapa eta te Nazaret te Galilea, te náwasaichu'i ena.

San Lucas 2:4

Taka'e, tiyanapa ema José. Tiúchukapa ena taye'e eta awasare tikaijare Nazaret te Galilea, nakaiju'epa eta awasare tikaijare Belén, te Judea, eta máwasaini'i ema akenukaini rey David, eneichuware máwasa'i ema José, taicha ema José mámariekene'i ema David. Tiyananapa tikatupanayare'i.

San Lucas 2:51

Taka'e, tiyananapasera tichawana te náwasa'i Nazaret. Ema Jesús, tisuapajira'i'i naye'e ena tikachichana. Esu maena María tamutu'i supanerekene'a'i te susamure eta juka susamakeneana'i.

San Juan 1:46

Maka'epa ema Natanael: –Wáipaine'i tiuchukaima'i, tiuri taye'e eta Nazaret. Ema Felipe májikapawarepa: –Yare apaesa pitsamareka.

San Juan 10:36

Nútipa puiti, nuvetijipa nímijarechakare Viya taicha émarichu ema Viya tinerejikanu'i, tiwanekanu'i eta núkupaisiraya te juka apake'e, ¿Taja'a takayema eka'e eta nepuru'i ema Tata, eta nuka'era'i nuti machichanu ema Viya?

San Juan 12:49

Taicha taicha nuti wa'i nútijiriruwaina'ini eta nímituresira'i; ema'i ema Tata tiwanekanu'i, tíjarakanu'i eta nímiturapianayare'i.

San Juan 14:10

¿Wá'ipuka pisuapanu'i eta máwa'asiranu'i ema Tata, tási'a, étapa eta náwa'asira'iware nuti apanawa? Eta juka nukayemakeneana'i, wa'i nutijirikawaina'ini. Étara eta máwa'asiranu'i ema Tata, títauchawa'i eta mawara'akeneana'i.

San Juan 14:31

Nuwara'asera náimatiya ena achaneana eta némunasira'i yátupi ema Tata, tási'a, nítauchaparaka'i tamutu eta mawanairipiana. “Échepuka. Viyana viyejekawa eta te juka.

San Juan 16:3

Ena, náichayare eta juka táichavene eta namáimatira'i ema Tata, wá'iware náimatinu'ini nuti.

San Juan 17:25

Tata, yátupikenevi'i eta piuriwa'i, ena achaneana te juka apake'e wa'i náimativi'ini, nútisera nímativi'i, etajuka naecha'i eta piwanesiranu'i

San Juan 17:3

Níjarakayare eta náitaresirayare máichekuarakireyare, ena píjararunuanayare apaesa náimativi, piti Tata pikarichu yátupikenevi'i Viya, nútipa nuti Jesucristo, nuti piwanerunu'i te juka apake'e.

San Juan 3:2

Taka'e, eta jena yátikene'i, ema Nicodemo tiyanapa mapaipiuchapanapa'i ema Jesús. Taka'e, eta náechejirisirawa'i, maka'epa ema Nicodemo: –Tata maestro, vécha'i eta wanairukavi'i me Viya eta juka pítesira'i pímitusira'avipana'i. Taicha nájina apanaina achane títuruekene'aima'i eta juka tiáramikareana píchakeneana'i píti.

San Juan 3:33

Vítisera viti visuapana'i eta mametarapiana, vímati'i eta yátupi'i eta máechajiriruwana ema Viya mámakeneana'i ema maka Jesús;

San Juan 5:32

Wá'isera nukarichuima'i, taicha matiari'i ema apana títametasinanu'i, émaipa ema Juan Tíkachasirikara'i. Nímati'i nuti eta matupiruwa'i eta máichakeneana'i eta tímereuchanu'i.

San Juan 5:43

Nuti nuwanekasiwaichu'i me Tata eta nítesira'i. Étisera wa'i esuapanu'ini, wá'iware ejakapanu'ini; té'esera te máiteka'ini mákani apana achane, tímijachawapuka ema ekuchapakene'i, masapi'apukaini ema tisuapakare'ini eta eye'e.

San Juan 6:42

Tási'a naka'epa: –¿Wa'i émaina ema maka ema Jesús, machicha ema José? Éneichuware vímati'iware esu máena emapa ema maiya. ¿Taja'a takayema eta maka'echejiriruwa'i eta mási'aira'i te anuma?

San Juan 7:14

Te enumu'ukenepa eta piesta, mapaenumawapa tímerekawa ema Jesús. Tiyanapa tisiapa'i taye'e eta templo. Tina'akawapa tímitureka'i.

San Juan 8:14

Ema Jesús majikapawarepa: –Tisuapakare eta juka néchejiriruwana, tayanapane nútijiwa'i néchejisiawa, taicha nímati'i nutupara'aichu'i eta nímeresirawayare. Nímati'iware eta nukaiju'eyare. Étisera wa'i ímati'ini távi'apuka eta násine'i, wá'iware ímati eta nukaiju'eyare.

San Juan 8:16

je'ewaresera, te jákani, népuru'epapuka táichavene'i eta emasuapira'i, taicha wa'i nákarichuima'i népuru'e nuti, matiari'i ema Tata tiwanekanu'i. Ema apana máima'a'i eta emasuapajiraiwa'i, tépuru'eyare'iware ema.

San Juan 8:19

Énasera nayaserekawarepa: –¿Távi'asika mávi'a'i ema tikachichavi'i? Ema Jesús majikapawarepa: –Eti wa'i ímatinu. Wá'iware ímatima'i ema Tikachichanu. Te ímatinu'ini, ímatipa'iwareini ema Tikachichanu.

San Juan 8:26

Tétavikawa'i eta tamurakawa'i eta esamureana, tawara'a muraka eta nukajachira'eya. Wícha'asera nicha, émasera ema tiwanekanu'i, tatupiruwa'i eta máechejiriruwana. Eta taka'e, eta néchejiriruwana nuti eye'e eti achaneana, étaichu'i eta nusamakeneana'i maye'e.

San Juan 8:42

Ema Jesús majikapawarepa: –Te yátupina'ini machicha'ena'ini ema Viya, etupiruwaipa'ini émunakanu. Taicha nuti étakene'i nási'a me Viya. Wa'i nútijiriruwaina'ini eta nítesira'i puiti. Nuwanekasiwa'i maye'e.

San Juan 9:29

Taicha vécha'i eta máechejisi'a'i ema Viya ema Moisés. Émasera ema máenatataji, wa'i vecha távi'apuka mási'a.

Hechos 17:23

Taicha te nítekapapa nuti eta ani eye'e, nupaika'i tamutu eta eyujarasirareana. Níma'apa eta eye'e tavirare eta iamawa'uasana tatiari'i'i eta ajureka ani taka'e'i: ‘Ema Viya vimaimatikene’. Tiuri, ema maka Viya eyujaraureasa emáimatikene'i eti, émara ema Viya néchejisi'akene'i nuti.

Romanos 1:28

Taichavene eta namawaraira'i naimati'ini ema Viya, taka'e ema mainajikapa naichapa eta tamaurikeneana napanereruana, apaesa naikutichawa naicha eta nawara'akeneana.

Romanos 3:4

¡Waipaine'i! Tayanapanepuka, natiari'i ena achaneana énaina náepiya'ira'i, émasera ema Viya máitauchayare tamutu maicha eta yatupikeneana, eta Takapika'ukene Ajureka, ani taka'e: “Namutuyare naimatiya eta piuriwa etapa eta pitauraiwa, piti pita'arekaya naye'e ena tikatichaviana'i.”

2 Corintios 1:18

Nuti nukasiñawa'i eta máimatiranu'i ema Viya. Wa'i nuwayuaka'ema'i eti.

2 Corintios 4:6

Ema Viya, te máepiyakainapa eta juka apake'e, makawanairipipa tatiari'iyare'i eta tijara'i, témitiakayarepa eta timapikukenéni'i, ene maka'e'i eta viye'e, tímimaticha'avi'i eta majaraiwa ema Machicha. Tétavikawa'i eta tajaraiwa'i te visamureana, ema, tímimaticha'avipaipa'i eta máetaviuchakene'i máuriwa'i ema Viya.

Tito 1:2

etara eta juka vikuchapakene'i taicha eta vitaresira maichekuarakirenapa. Taicha ema Viya wa'i maepiya'ira'ini.

Hebreo 6:18

Tímatikare'i eta máuriwa'i ema Viya waipaina'i maitsiwachaima'i eta maijarasirawa'i eta maitauchirayare'i eta maechejiriruwa wa'iware tiwayuaraka'avima'i, taicha tijaraka'avi'i eta vitumewayare'i etapa eta makurisamurechira'aviyara'i viti vitanukana eta makatiuchira'aviyare'i ema Viya etapa eta vikasiñawaira vikuchapirayare eta maichakene'i.

1 Juan 5:10

Tási'a, te vikasiña ema Machicha ema Viya, visuapawa vikasiñawa te visamure eta yátupira'i eta mametasira'i ema Viya. Ena apamuriana wa'i nasuapa'ini ema Viya, náimikutichapa máepiya'ira'i'íni ema Viya, taicha wa'i nasuapa'ini eta mametarapiana'i maye'e ema Machicha Jesucristo.