San Juan 7:13 - Táurinakene máechejiriruwa’i ema Viya tikaijare

¹³ Wa'isera nakuchujipika'ini eta nakayemakeneana'i taicha tipikakarakawanaichucha naye'e ena tuparairukana.

Ignaciano

¹³ Váhisera nacuchu­ji­pi­cahini eta nacaye­ma­que­neanahi taicha tipica­ca­ra­ca­va­na­richucha nayehe ena tuparai­rucana.

San Juan 7:13 ပူးပေါင်းရင်းမြစ်များ

San Juan 19:38

Te tamutupa eta juka, ema José tikawasa'i te Arimatea, émaichu'i máimiture'i ema Jesús. Wá'isera máimerekawa'ini, mapisirawaka'i ena machamuriana akenukara'ana. Tiyanapa ema, mayaseapana'i ema Pilato eta máke'e ema Jesús. Taka'e ema Pilato máisapapa, tási'a tiyanapa ema José makukupaipanapa eta máke'e ema Jesús.

San Juan 20:19

Étaichu te jena sachekene'i luminkukene, te yátipa, tiúrujikawana'i ena máimitureana ema Jesús te taju'e eta peti, térataekene'awana'i taicha eta napisira'i ena tuparairukana juriyuana. Tiáramikarepa titupi'a'i ema Jesús te namuri, maéchejikapa ánipa maka'e'i: –¡Ícharakawa, eti nuchichanaveana!

San Juan 3:2

Taka'e, eta jena yátikene'i, ema Nicodemo tiyanapa mapaipiuchapanapa'i ema Jesús. Taka'e, eta náechejirisirawa'i, maka'epa ema Nicodemo: –Tata maestro, vécha'i eta wanairukavi'i me Viya eta juka pítesira'i pímitusira'avipana'i. Taicha nájina apanaina achane títuruekene'aima'i eta juka tiáramikareana píchakeneana'i píti.

San Juan 7:1

Taka'e, ema Jesús tímiyanawapaipa'i tipaikapaipa'i eta awasareana te tinapaika eta Galilea. Wa'i mawara'a'ini machawa'ini taye'e eta awasareana tinapaika eta Judea, taicha ena tuparairukana'i te Jerusalén napanerechaipa'i nakapakayare'i ema.

San Juan 7:11

Énasera ena tuparairukana natanukaipa ema, te jena piéstakene'i. Tási'a, naka'epa: –¿Makañari'ipuka ema mákani achane?

San Juan 7:15

Ichape eta náramira'i ena tuparairukana, eta náimaira'i eta máitusira'i yátupi. Tási'a, ánipa naka'e'i: –¿Távi'apuka maviya'i eta ichapemurikene máitukakene'i ema maka?

San Juan 9:22

Taka'e'i eta najikapira'i taicha tipikana'i ena nakaikuña'ini, nakakiji'iwaréni te peti náurujisirarewa ena juriyuana taicha ena tikatianakana'i ema Jesús nakuchukapa, taka'e nakawanairipirapa nakuija nasuapa ema Jesús émaira'i ema Cristo.

San Juan 9:34

Taka'e, tisemanapa ena eta máichirawaka'i. Naka'epa: –Píti pétaviurekene'i eta pikapekaturaiwa'i, eta tiviuchavi'i Puiti pisapi'apa piwara'aya pímituka'avi víti. Tási'a, nakuchukapa ema taye'e eta peti naurujisirarewa ena juriyuana.

Apocalipsis 2:13

Nuti nímati tamutu eta píchakeneana'i, eta piavi'aira'i te mawasa ema Wínaraji, wá'isera ínajikawa'ini, étumechawaichucha eta é'isiranu'i nuti. Étaipa te íma'apa eta nakapasira'i ema nuchaneraini Antipas, yátupikene'i eta masuapiranu'i ema, ena machanerana'i ema Wínaraji nakapaka'i ema te jena iávi'a'i eti.