San Juan 6:70 - Táurinakene máechejiriruwa’i ema Viya tikaijare

⁷⁰ Ema Jesús majikapapa: –Dóse'e'ineni eti nunerejiruana'i, marari'isera ema émana te etaraku, ema máwa'aru'i ema wínaraji.

Ignaciano

⁷⁰ Ema Jesús majicapapa: —Dócehe­hinéni eti nunere­ji­ruanahi. Marari­hisera ema émana te etaracu, ema mávaháruhi ema Váinaraji —máichahavipa.

San Juan 6:70 ပူးပေါင်းရင်းမြစ်များ

San Juan 13:18

“Nécha'ineni nuti wa'i ámutu'ini esuapanu. Nímati'e'iware eti yátupikeneana nunerejiruana'i. Títauchawayare'isera eta táechejiriruwa'i eta Takapika'ukene Ajureka, ani taka'e'i: ‘Ema néniruasa'i, masapi'a'i tikatianakanu'i.’

San Juan 13:2

Jé'esare ema Júlasi, máimipanerechaipa ema Wínaraji eta máijararesirayare'i ema Jesús.

San Juan 13:21

Te taekenepa eta juka máichirawaka'i, ema Jesús téñamawaine'i te masamure, tási'a matupiruwapa máichawaka'i: –Nutupiruwa numetaka'e, marari'i ani te etaraku ema tíjararekanuyare.

San Juan 13:27

Jé'esareine'i, ema Julasi te majakapapa eta pan, ema wínaraji enewanepa máwasamurecha'i. Tási'a, ema Jesús máichawanepa: –Eta juka pipanereru'i, táitauchawawanepa puítinaichu picha.

San Juan 15:16

Wa'i étina'ini enerejikanu'ini eta é'isiranu'i, nuti nunerejika'e'i eti, puiti nutuparaka'e, eyanayare ichapemuriyare eta ekaemataneasiranuyare. Eta taka'e ema Tata tíjaraka'eyare tamutu eta eyasearuanayare te níjare.

San Juan 15:19

Te etainaicha'ini iáwaku'a'ini eta taye'erepiana eta apake'e, ena achaneana témunaka'eanaipa'ini, takuti'ini eta náemunajirisirakaka'i ena. Étasera eta nunerejisira'e'i te nataraku ena achaneana, étapa tiviucha'e'i eta nakatianasira'e'i, taicha ínajikaipa eta máeperajikene taye'e eta apake'e.

San Juan 17:12

Te nukachanemuricha'a nuti te juka apake'e. Ichapemuri'i eta nujaneasirawaka'i ena eta nukachanerawakaicha'a. Eta taka'e'i, wa'i náinajikawa'ini eta náe'isira'avi'i. Émanaichu'i ema téjekapawa'i, ema tijararekanuyare, étasera taka'eyare'i eta táitauchirawayare'i eta Takapika'ukene Ajureka.

San Juan 2:2

Tási'a, ema Jesús tikaichu'asi'iware ema, enapa ena máimitureana.

San Juan 20:24

Te jena sache eta máimeresirawa'i ema Jesús eta viye'e, májina'i ema vichamuri Tomás.

San Juan 6:64

Natiari'icha'asera eye'e eti nákani wícha'a nasuapa'ini. Eta juka makayemakeneana'i ema Jesús, matupiruwa'i eta máichirawaka'i, taicha máimatipa'i eta napanereruana ena tijunijiakanayare'i, émapa ema tíjararekayare'i.

San Juan 6:67

Ema Jesús mayaserekawakapa ena dósekeneana máimitureana'i: –¿Éneichuware eti ewara'awa eyana?

San Juan 6:71

Ema Jesús, máechejisi'a'i ema Júlasi, machicha ema Simón Iscariote. Taicha ema Jesús máimati'i eta émairayare'i tíjararekayare'i, émaichu'ineni ema naumuriwa'i ena máimitureana.

San Juan 8:44

Ema tikachicha'e eti, ema Wínaraji; ema técha'e'i, taicha ewara'a'i íchayare eta máichakeneana ema. Taicha ema, tikapa'i eta máitaresira'i te tépanawainapa. Étachucha maurika tiwayuarereka. Ema, naiya'i ena tépiya'ira'iana.

Hechos 1:17

Taicha ema Júlasi, émainichu'i vichamurini taye'e eta juka vématanerepi'i.

Hechos 13:10

Taka'e, máichapa: –¡Tiwayuara'i matsiriaraira'a, piti machicha ema Wínaraji. Piti pikatianaka tamutu eta táurikeneana! Píti píchejimirauchawaka'i ena tiwara'ana té'ikana ema Viákenu.

1 Timoteo 3:11

Énerichuware, ena esenana, takamunu'i tikapika'uanaya, wa'i nakuecheji'i, súkani tijaneakawa'i eta suítaresira, tájina náichirawaima'i, títaura'ianayare.

Tito 2:3

Énerichuware ena vénara'ana ichanaruana, pímitukayarewa ena tauri eta náitaresiraina taicha ena, tuparairukana'iware maye'e ema Viya, waipa técheji'ianaima'i, wá'iware takuwayuaka eta térakare. Naimereka yatupina eta náuriwaina naye'e ena amaperuanacha'a esenachichana

1 Juan 3:8

Ema ticha'i eta tamaurikeneana tímereuchawaka'i eta machichairawaka'i ema wínaraji. Taicha ema winaraji, ema tinakucha'i, tákenu'i eta pekatu. Eta taka'e, eta maitesira'i ema Machicha ema Viya, makaepa'airayare eta majarareruana'i ema wínaraji.