San Juan 6:40 - Táurinakene máechejiriruwa’i ema Viya tikaijare

⁴⁰ Taicha eta mawara'akene ema Tata, nákaini tima'ana'i ema Machicha ema Viya, tási'a nasuapa'i ema, máichekuarakirenapa eta naitaresira, tási'a nuti nukaechepukainapa te táitekapapa eta sache népanirawakayare nuti.

San Juan 6:40 ပူးပေါင်းရင်းမြစ်များ

San Mateo 10:15

Nutupiruwa numetaka'e, te táitekapa eta juicio, tiápajupanaya eta náikuñayare, takachurikayare eta nakaikuñaira'i ena achaneana wínarajikeneana tikawasanaini te Sodoma étapa eta Gomorra.

San Mateo 25:46

Ena naniana tiyananayare taye'e eta ekuñaraki máitawakaka. Tási'a ena matapirawareana'i, máitawakakayare eta náitaresira.”

Marcos 16:16

Nukuchuku'awakayare namutu ena tisuapajira'ianaya ena tikaikachasianaya. Énasera ena wa'i tisuapana, tikaikuñanayare.

San Lucas 2:30

Nímatipa ema tikatiura'ikeneyare'i,

San Juan 1:14

Émaichu'ineni ema Echéjirirukawa, tépiyakawapa ajaira'i, tási'ia tikachane'avipa viye'e viti, tási'a vima'a'i eta majaraiwa, majachapakene'i me Maiya, táicha makarichu'i machicha, tetavikawa'i eta yátupikenera'i maemunaraiwa'i.

San Juan 10:28

Níjarakawakayaresera nuti eta máichekuarakireyare eta naitaresira. Wá'ikene náima'a'ini eta náikuñayareni. Nájinaware tiverejikanuanaima'i ena nujanearuana'i.

San Juan 11:24

Esu Marta suíchawarepa: –Yátupi, Tata, nécha'i eta ñichavirayare títareka te táitekapapa eta sácheyare náechepusiraya ena náepenakeneana.

San Juan 11:25

Taka'e ema Jesús máichawarepa: –Jé'eware nuti, nukaitarera'i nákani nukaechepureanaya. Táitusiawa numetakavi, nákani tisuapanuanayare, tayanapanepuka náepena, nukaitarekayaresera núti;

San Juan 12:45

Takutikene nákani tímatinuana'i nuti eta nímiturapiana, náimatipa'iware eta mapanereruana ema Tata ema tiwanekanu'i.

San Juan 12:50

Taicha necha'i eta mawanairipi ema Tata maichekuarakirenapa eta naitaresira. Wa'i nu'apapikaima'i eta maechejiriruwa, nutupiruwa'i numetaka'e eta mametarunu'i ema Tata.”

San Juan 14:17

Ema tímituka'eyare, máitametakayare tamutu eta yátupikeneana'i, tási'akeneana eta me Tata. Énasera ena achaneana, wa'i tikaijarakasianaima'i, taicha wa'i náwara'a'ini najakapa'ini ema. Étisera ímatiyare ema, taicha máitawakakayare eta máwa'asira'eyare.

San Juan 14:19

Puiti juka sacheanayare, ena achaneana waipa tíma'anuanaima'i. Étisera íma'anuparakaya, taicha nuchawayare'i nítareka. Eti apanaware ítarekayarewa nícha nuti.

San Juan 17:2

Yátupi'i eta píjarasiranu'i eta akenukairanuyare, te namira'u namutu ena achaneana. Nukaitaresirayare'iware namutu ena píchu'akeneana'i píjararunuana'i.

San Juan 3:36

Eta taka'e, nákani tikasiñanayare ema Machicha, maichekuarakireya eta náitaresira. Namutusera ena makasiñara'ana'i ema Machicha ema Viya, wa'i títarekanaima'i, taicha tanasi'i eta naviurewana táichavene'i eta napekaturana'i, tikaikuñanayare'i máitawakakayare.”

San Juan 4:14

Nákanisera téranayare eta une níjararuyare'i nuti, waipa tiápechawanaima'i timauneana. Máichekuarakirenapa eta náitaresira.

San Juan 5:24

“Yátupikeneware numetaka'e. Nákani tikakiñanayare tisuapanayare eta néchejiriruwana, nasuapaware eta nukawana'ira'i maye'e ema Tata, ena máichekuarakirenapa eta naitaresira; waipa tikaikuñanaima'i. Taicha ena, tiúchuku'anaipa taye'e eta náikuñayareni.

San Juan 6:27

Wa'isera ekukaeñamarakawa eta etánusira eta enikakenerepi taicha títawayare'i, tatuparaka'isera etanukayare eta tinikakare tikaitareka'eyare'i, máichekuarakiraya eta naitaresira. Etara eta juka níjararu'eyare'i nuti Manerejirunu'i ema Viya, ema Tata manaka'i eta tímereuchanu'i eta yátupira'i nuwanekasiwa'i eta maye'e ema.

San Juan 6:39

Eta mawara'akene'i ema Tata, eta mawanesiranu'i, nukaitarekayare'i nákani máijararunuanayare'i ema. Nukaechepukayare ena te náekariana te jena sache táitekapapa eta népanirawakayare.

San Juan 6:44

Nájina tipauchanuima'i nuti, nakarichu nákani máichu'akeneana'i ema Tata, eta taka'e, ena máichu'akeneanayare'i ema, nukaechepukawakayare nuti te táitekapapa eta sache népanirawakayare nuti.

San Juan 6:54

Nákani tinikanayare eta neche, téranayarewa eta nítine, ena máichekuarakireyare eta náitaresira. Tási'a, nuti nukaechepukawakayare te náekariana.

San Juan 8:56

Ema Abraham ema iáchukaini, tétavikawa eta máurisamurewa'i eta máimatiranu'i nuti.

Romanos 5:21

Taka'e, eta pekatu, ichape eta támaparauchira'avi'i taye'e eta vépenira. Étasera eta majapanuira'avi ema Viya tiámaparaucha'avipa'iware eta vijakapakarewa'i maye'e. Tási'a, píjaraka'avinawarepa eta vítaresiraya máichekuarakireyare máichavene'i ema Viákenu Jesucristo.

Romanos 6:23

Eta tawacha eta vichira'i eta pekatu etachucha vijachapa eta ekuñaraki, emasera ema Viya mawara'a tijarakasicha'aviyare eta vitaresirayare maichekuarakirenapa taichavene eta visuapira ema Viákenu Jesucristo.

2 Corintios 4:6

Ema Viya, te máepiyakainapa eta juka apake'e, makawanairipipa tatiari'iyare'i eta tijara'i, témitiakayarepa eta timapikukenéni'i, ene maka'e'i eta viye'e, tímimaticha'avi'i eta majaraiwa ema Machicha. Tétavikawa'i eta tajaraiwa'i te visamureana, ema, tímimaticha'avipaipa'i eta máetaviuchakene'i máuriwa'i ema Viya.

Hebreo 11:1

Te yátupi visuapa eta máechejiriruwa ema Viya, vikasiñayare ema, vikasiñawaware eta maye'e eta máitauchirayare tamutu eta máijararuwana'i, tayanapane wicha'a víkuima'a'i.

Hebreo 11:27

Eta makasiñawaira'i me Viya, ema Moisés tiyanapa manakikapa eta awasare Egito, wa'i mapika'ini eta masemanewa ema rey. Tetumechawaichucha eta mawara'akene'i maitaucha, takutipa maima'a'ini ema Viya.

1 Pedro 1:8

Eti, wicha'a ímati'ini eta mamira ema Viákenu. Émunaka'isera ema. Ichape'iware eta ekasiñawaira'i eta maye'e. Tási'a, ichapeyare'iwa eta iúrisamurewaya, tájina eviyaima'i ákayema'ini,

1 Juan 2:25

Eta'i eta juka máikure'avi'i ema Viakenu Jesucristo, tíjaraka'aviya máichekuarakirenapa eta vítaresira.

San Judas 1:21

Tauri eta ítaresira, wa'i ekuemitisikawa'ini eta táetaviuchirawa'i eta máemunasira'e'i ema Viya, tási'a ekuchapa eta jena sácheyare táepanirawaya eta vítaresira, máitawakakayare eta vítaresiraya, taicha eta majapanuira'avi'i ema Viákenu Jesucristo.