San Juan 6:37 - Táurinakene máechejiriruwa’i ema Viya tikaijare

³⁷ Namutu nákani tipauchanuanayare, nuti wa'i néwatajikawakaima'i, taicha tási'akeneichu'i me Tata eta máijarasiranu'i.

Ignaciano

³⁷ Nuvaraha ácaicu­tia­ra­quenéna yátupina. Namutu nácani tipaucha­nua­nayare, núti vahi névata­ji­ca­va­cáimahi taicha tásiha­que­néichuhi me Tata eta máijara­si­ranuhi éna.

San Juan 6:37 ပူးပေါင်းရင်းမြစ်များ

San Mateo 11:28

Yare, ekasiñanu emutu eti evitajiruana'i taicha eta émataneana tási'a etipa éyarekara'iana eta iámakeneana, núti nukanaraka'eyare.

San Mateo 24:24

Taicha titekapanaya ena tímikutichawanayare profetana, tási'a tímikutichawanayarewa ema Cristo. Naichaya eta ichapeana tiáramikareana, tási'a étapa eta ekutiarareanayare. Kamurianayaré ena nawayuaruanayare, enaipa ena manerejiruana'i ema Viya, nawayuakayarewa.

San Juan 17:11

“Nuti nujunijikawakainapa ena píjararunuana. Énasera nanasiyarecha'a te juka apake'e. Nútisera nútijapainapa eta piye'e. Tata Nukaiyakene, piti yátupikenevi'i eta pisantuwa'i. Nuyaseakavi pijaneasinanuwakachucha ena, apaesa náimiyanawa'i eta náurujiasirakakaina, náwa'asirakakayare nákuti'ini eta viáwa'asirakaka'i víti.

San Juan 17:2

Yátupi'i eta píjarasiranu'i eta akenukairanuyare, te namira'u namutu ena achaneana. Nukaitaresirayare'iware namutu ena píchu'akeneana'i píjararunuana'i.

San Juan 17:24

“Tata, píti píjarakanu'i, nuwara'a nakachanenu nuti te navi'ayare, apaesa naima'a eta nujaraiwa eta pijarararunu'i, taicha piti pemunakanu'i akaneipa eta takaepiyairayare eta apake'e.

San Juan 17:6

“Nítamuturukaipa'i eta nímitusirawaka'i ena píchu'akeneana'i píjararunuana'i píti, nímimatichawaka'iware eta piúriwa'i píti. Yátupi'isera eta pichichanaveana'i ena, taicha nasuapa'i eta nímiturapiana píjararunuana'i nuti.

San Juan 6:39

Eta mawara'akene'i ema Tata, eta mawanesiranu'i, nukaitarekayare'i nákani máijararunuanayare'i ema. Nukaechepukayare ena te náekariana te jena sache táitekapapa eta népanirawakayare.

San Juan 6:65

Tási'a, máichawakapa: –Nutupiruwa eta nichira'e'i, nájina narata'aima'i titekana nuye'e, te wa'i émaina tichu'a'e ema Tata.

San Juan 9:34

Taka'e, tisemanapa ena eta máichirawaka'i. Naka'epa: –Píti pétaviurekene'i eta pikapekaturaiwa'i, eta tiviuchavi'i Puiti pisapi'apa piwara'aya pímituka'avi víti. Tási'a, nakuchukapa ema taye'e eta peti naurujisirarewa ena juriyuana.

Romanos 5:20

Te táekenepa eta máejekapira'i ema Adán, ema Viya manakika'i eta wanairipi. Puíticha tiápajukawapaipaicha eta pekatu, émasera ema Viya tiápajukawaichucha eta majapanuira'avi.

Filipenses 1:29

Eti, iúrikakare'i maicha ema Viya eta ejákapakarewa'i maye'e, táichavene'i eta ekasiñawaira'i me Cristo, takamunu'isera eta ekatajiwairayare táichavene'i eta é'isira'i ema.

1 Timoteo 1:16

Émasera ema Viákenu Jesucristo tijapanunu'i, táitusiawa tíchu'anu'i nuti. Taicha mawara'a'i máimerekayare ichape eta majapanuiranu'i eta nuye'e. Nuwayurewakenéni'i eta nukapekaturaráiwaini'i, eta taka'e, nukaikutiarapa eta majakapirayarewa namutu ena tisuapanayare, máichekuarakirenapa eta náitaresiraya máicha.

2 Timoteo 2:19

Vitiari'isera viti vímiyanawa'i vé'ika'i ema Viya. Taicha muraka eta vikasiñawaira'i, ema tímati'avi'i eta machaneraira'avi'i. Yátupiware visuapa eta juka máechejiriruwa, ani taka'e'i: “Náinajikayare'i eta tamaurikeneana namutu ena tiámana'i eta máijare ema Nuchicha Jesucristo.”

Hebreo 4:15

Ema, yátupi'i tiyaseura'ikene'i eta viye'e, taicha tímati'avi eta vimatumewa'i. Tijapanu'avisera, taicha ema éneichuware tikatajiwa'i tamutu'i makaitsamaraji ema winaraji, takuti eta makaitsamarajira'avi'i víti. Emasera wa'i makapekatura'ini ema Jesús.

Hebreo 7:25

Tási'a puiti, makarichu ema marata'a'i tikatiucha'avi'i viti vikasiñana'i ema. Ema, tikaitekapa'avi'iware me Viya. Máitawakakayare'i eta máechejiuchira'avi'i.

1 Juan 2:19

Ena tikatianakana ema Cristo náuchure'i eta viye'e. Wá'isera viúmuriwaina'ini ena, taicha te viúmuriwaina'ini, nanasi'ichu'ini eta viye'e, náerajiruwaipa'isera eta viye'e. Tási'a, vímatipa eta wa'i viúmuriwaina'ini.

Apocalipsis 22:17

Ema Machanewa Viya énapa ena té'ikana'i ema Cordero, tíchuarekana, naka'e'i: “¡Yare!” Tási'a nákani tisamanaya naka'e: “¡Yare!” Énapa nákani timauneanayare, náiteka apaesa náera eta une tikaitarera'i, tájina wa'i nawacharekaima'i.