San Juan 6:27 - Táurinakene máechejiriruwa’i ema Viya tikaijare

²⁷ Wa'isera ekukaeñamarakawa eta etánusira eta enikakenerepi taicha títawayare'i, tatuparaka'isera etanukayare eta tinikakare tikaitareka'eyare'i, máichekuarakiraya eta naitaresira. Etara eta juka níjararu'eyare'i nuti Manerejirunu'i ema Viya, ema Tata manaka'i eta tímereuchanu'i eta yátupira'i nuwanekasiwa'i eta maye'e ema.

Ignaciano

²⁷ Eti tamapu­rujipa eta ecaña­ma­ra­si­ravahi etanuca eta enica­que­nerepi taicha títava­yarehi. Tatupa­ra­ca­hisera etanu­cayare eta tinicacare ticaita­re­ca­he­yarehi, máitava­cacahi éta. Étara eta juca níjara­ru­he­yarehi nuti Manere­ji­ru­nuhi ema Viya. Éta tímereu­chanuhi eta yátupirahi nuvane­ca­sivahi eta mayehe ema Tata —máichavacapa.

San Juan 6:27 ပူးပေါင်းရင်းမြစ်များ

San Mateo 17:5

Tási'a, téchejikaicha'a ema Pedro, tiáramikarepa eta úkaji táepakumuri'a'i ena, tétavikawa'i eta tajanunusira'i, tási'a nasamawarepa eta ma'u ema Viya, taye'e eta úkaji ani maka'e'i: “Ema maka, ema Nuchicha némunarukene'i. Ema nunerejiru'i: esamayare.”

San Mateo 25:46

Ena naniana tiyananayare taye'e eta ekuñaraki máitawakaka. Tási'a ena matapirawareana'i, máitawakakayare eta náitaresira.”

San Mateo 3:17

Taka'e, nasamapa eta ma'u ema Viya tási'akene'i te anuma. Ani maka'e'i: “Pítira nuchicha némunarukene, núrisamurecha piye'e.”

San Mateo 6:19

“Wa'i takuawasamurereka'e eta íma'akeneana te juka apake'e. Eta juka tikamitiekene'akareana, taicha eta kachusiri tajarareka, tási'a natiari'iware ena tiámera'iana tisiapana.

San Mateo 8:20

Ema Jesús, majikapawarepa: –Eta chuye tikapenajuereka, eta káyureana éneichuwa tikamakajiana, émasera ema Machicha ema Ajaira tájina maviya'ini manarasi'a'ini.

Marcos 1:11

Taka'e, nasamapa eta ma'u ema Viya tási'akene'i te anuma. Ani maka'e'i: “Pítira nuchicha némunarukene, núrisamurecha piye'e.”

Marcos 9:7

Temuna'irikawapa tiuchuka'i eta úkaji táepakumuri'a'i ena. Tási'a nasamawarepa eta ma'u ema Viya, taye'e eta úkaji ani maka'e'i: “Ema maka, ema Nuchicha némunarukene'i: ema esamayare.”

San Lucas 3:22

Taka'e, nasamapa eta ma'u ema Viya tási'akene'i te anuma. Ani maka'e'i: –Pítira nuchicha némunarukene, núrisamurecha piye'e.

San Lucas 9:35

Taka'e nasamawarepa eta ma'u ema Viya, taye'e eta úkaji, ani maka'e'i: –“Ema maka, ema Nuchicha nunerejiru'i némunarukene'i: ema esamayare.”

San Juan 10:28

Níjarakawakayaresera nuti eta máichekuarakireyare eta naitaresira. Wá'ikene náima'a'ini eta náikuñayareni. Nájinaware tiverejikanuanaima'i ena nujanearuana'i.

San Juan 11:42

Wá'ikene péñauchanu eta jákani nuyasearuviana. Puiti nuyaseakavi eta pítupaijiásirawa, apaesa náima'a ena nani achaneana natiari'ikeneana'i, apaesa nakunachavi. Náechaware eta pítira'i piwanekanu.

San Juan 14:6

Ema Jesús májikapawarepa: –Nútira né'ikakare'i, núti'ichuwa yátupikenenu'i. Nútiware nukaitarera'i, nájina apanaina ákasiñaima'i eta ítekapirayare me Tata.

San Juan 15:24

Éneichu'iware, takuija'ini taviuchawaka'ini te wa'i nukuimereka'ini eta níchakeneana'i, marata'akene'i máicha'ini mákani apana achane. Étasera náima'aipa'i, wá'ikenesera nasuapa'ini, nanasikene tikatianakanuana'i, nakatianaka'iware ema Tata.

San Juan 17:2

Yátupi'i eta píjarasiranu'i eta akenukairanuyare, te namira'u namutu ena achaneana. Nukaitaresirayare'iware namutu ena píchu'akeneana'i píjararunuana'i.

San Juan 3:15

Eta níchararakawayare apaesa nukuchuku'apa'i namutu ena nákani tikasiñanuanayarepa'i. Tási'a, máichekuarakirenapa eta náitaresira.

San Juan 3:33

Vítisera viti visuapana'i eta mametarapiana, vímati'i eta yátupi'i eta máechajiriruwana ema Viya mámakeneana'i ema maka Jesús;

San Juan 6:40

Taicha eta mawara'akene ema Tata, nákaini tima'ana'i ema Machicha ema Viya, tási'a nasuapa'i ema, máichekuarakirenapa eta naitaresira, tási'a nuti nukaechepukainapa te táitekapapa eta sache népanirawakayare nuti.

San Juan 6:47

Nutupiruwa'i numetaka'e, nákani tisuapajira'iana, najachapayare eta máichekuarakirayare eta naitaresira.

San Juan 6:51

Nutira eta pan tikaitarekara'i, taukupairu'i te anuma, nákani tinikanayare eta neche, máichekuarakireyare eta náitaresiraya, eta juka pan nijararu'eyare eta'i eta neche, taicha nuwara'a takaitarekawaka'ini namutu ena achaneana.”

San Juan 6:53

Ema Jesús máichawarepa: –Nutupiruwa numetaka'e, te épuru'ipuka enika eta neche ema Machicha ema Ajaira, tási'a te épuru'iwarepuka era eta nítine, wa'i maichekuarakirema'i eta ítaresira.

San Juan 6:54

Nákani tinikanayare eta neche, téranayarewa eta nítine, ena máichekuarakireyare eta náitaresira. Tási'a, nuti nukaechepukawakayare te náekariana.

San Juan 6:58

Necheji'a'i eta pan eta taukupairu'i te anuma. Eta juka pan wa'i takuti'ini eta maná eta nanikakene'i ena iáchukanaveanaini eti, eta nanisira'i tepenanaichucha, nákaini tinikana eta juka pan máichekuarakireyare eta náitaresiraya.

San Juan 6:62

Taja'apuka ícharakawa'ini, eta ímairaina'ini ema Machicha ema Ajaira, eta mayanapaini ánaki te mawasa tainapure.

San Juan 6:68

Ema Simón Pedro majikapapa: –Tata maestro, távi'apuka wakaiju'e'ini, eta péchejiriruwana tétavikawa'i eta máichekuarakire eta vitaresira.

San Juan 8:18

Ene nuka'e'i nuti. Yátupi'i eta numetarapiana. Émapa ema Tikachichanu'i, ema títametaka'e'i eta yátupira'i eta numetarapiana.

Hechos 10:38

Máukupauchapa eta Machanewa ema Viya ema Jesús Nasareno máijararu'i ema Viya. Máwa'akapa ema, máijarakapa eta máitupajijiasirawaya. Taka'e, tépanawapa tikametarairu naye'e ena achaneana. Te mapaisi'apa'i, makanarakawakapa'i ena nakatajiwakeneana máwa'aruana'i ema wínaraji. Marata'a'i ema máicha'i eta juka, taicha ema Viya máimikatakapa'i.

Hechos 2:22

“Esamacha'a puiti, eti israelitana, eta juka nukayemaya: Emutu eti écha'i eta taichararakawa'i, ema Viya maimereucha'i te emira'u eti, eta émaira'i técha'e ema Jesús Nazareno, máitauchiraya eta maye'e ema eta taurinakene étapa eta tiaramikareana ekutiarareana.

Romanos 4:11

Taicha te taekenepa ema Abraham, majachapapa eta maikutiarayare'i te make'e Étapa táikutiarayare'i eta majakapiraipa ema Viya táichavene'i eta makasiñawaira'i, taka'e ema Viya majachapapa eta mauriwa'i taichavene'i eta makasiñawaira'i me Viya. Taka'e ema Abraham emapa naiyakara'i namutu ena tikasiñawana me Viya tayanapa tajina naikutiaraina éneichuwasera majachapa'i ema Viya ichape'i eta nauriwa te mamira'u.

Romanos 6:23

Eta tawacha eta vichira'i eta pekatu etachucha vijachapa eta ekuñaraki, emasera ema Viya mawara'a tijarakasicha'aviyare eta vitaresirayare maichekuarakirenapa taichavene eta visuapira ema Viákenu Jesucristo.

1 Corintios 6:13

Eta taka'e eneichuware: “Eta nikakare taye'eichu'i eta viju'e, eta viju'e taikuchichu'i eta nikakare.” Yatupi ene taka'e, emasera ema Viya makaepa'ayare tamutu eta juka apinakene. Etasera eta viake'e wa'i etaina'ini taikuchina'ini vicha eta tamaurikeneana, vechipejika'ini eta viake'e vianeka'ini esu esena apayena, apaimapuka.

1 Corintios 9:2

Tayanapane wa'i nakusuapanu eta apústulenuira'i ena apamuriana, étisera esuapanuyare'i, taicha etiari'i eti nímitureana'i, étira ímereuchanu'i eta yátupira'i apústulenuira'i maye'e ema Viákenu.

2 Corintios 4:18

Eta taka'e, wa'i vipikakarakawaima'i eta viátajiwana'i, taicha wa'i táunakakare'ini. Vikasiñawa'isera maye'e ema Viya eta máimisiapira'aviya te máwasa anuma. Tási'a, máichekuarakirenapa eta viúrikakarewaya eta viávi'airaya taye'e.

Gálatas 5:6

Eta máwa'asira'avi ema Jesucristo, wa'i étaparakaima'i eta vinaka'ini eta vikutiarana te viake'e. Takarichu tikamunukare'i eta vikasiñairayare yátupina ema, eta vikasiñawaira'i me Viya vémunakainapa namutu.

Filipenses 2:13

ema Viya, émaichu'i ema tinaka'i te esamureana eta ewarairayare ekurisamurechayare ema; tiáwa'aka'eware eta ítauchirayare tamutu. Takuija táemitiekene'a'ini eta tapachinawa'i eta iáchanewana.

Colosenses 1:29

Eta taka'e, nupamikawa'i nuti eta nukaemataneasira'i ema Viákenu. Émakene'i tétumechanu'i eta nurata'aira'i tamutu eta nímitusira'e'i emutu eti nuchamuriana'i.

Colosenses 2:22

Tamutu etajuka wanairipiana vima'akeneana naye'erepiana tamutu titawayare, taicha etachucha naye'erepi'i ena achaneana.

Colosenses 3:2

Epanerecha eta vichakeneanayare te anuma, waipa étaima'i ti'apasamureka'avima'i eta viye'erepianaini'i tamaurikeneana'i te juka apake'e.

1 Tesalonicenses 1:3

Taicha tamutu sácheana vécharairika'eparaka eta ímeresira'i eta esuapira'i é'isira'i ema Viákenu Jesucristo, étapa eta epamisirawa'i ekaemataneaka'i yátupi, táichavene eta émunasira'i ema, étapa eta ekamichira'i tamutu táichavene eta ekuchapirawa'i eta machaviraya. Ema Tata Vikaiyakene máima'a tamutu eta íchararakawana.

2 Timoteo 2:19

Vitiari'isera viti vímiyanawa'i vé'ika'i ema Viya. Taicha muraka eta vikasiñawaira'i, ema tímati'avi'i eta machaneraira'avi'i. Yátupiware visuapa eta juka máechejiriruwa, ani taka'e'i: “Náinajikayare'i eta tamaurikeneana namutu ena tiámana'i eta máijare ema Nuchicha Jesucristo.”

Hebreo 12:16

Nakuijaware te etaraku nakuve'a esu apana esena. Nakuija nakuepuru jákani tipikauchakareana'i. Wa'i ekukuti ema Esaú, eta mawaraira'i tinika, máijararekapa eta máikuchini'i maye'eni'i, taicha ema, máechavi'i ema maparape.

Hebreo 4:11

Eta taka'e, tawara'a'i vétumechawayare'i taye'e eta visuapiraina ema, apaesa vítujikawa visiapa taye'e eta vinarasi'aya, machu vémepurureka eta víkuchi'i, machu wákuti ena masuapajiraira'ana'i.

Santiago 1:11

Ánipichu eta táurinajiwa eta flureana; taicha te járajapapa eta murakana sache, takajiyujikapa, tamutu títawa eta táurinajiwaini'i, témirikaipaware eta taflurene, ene maka'e mákani riku, wa'i tánasima'i eta máima'akeneana, tayanapane wa'i makuwara'a táitawa tasi'asera titawayare'i eta mawacharapiana.

1 Pedro 1:24

Eta Takapika'ukene Ajureka, taka'e'i: “Eta vítaresira viti achaneana, vikuti'i eta muiji, eta vitumewaini'i, títawayare takuti'i eta taflurena eta muiji. Tépune'apa, tijiyupa, témirikapa,

2 Pedro 1:17

Taicha vima'a'i ema Tata Viya te maíjarakapa eta mapikauchararewayare'i étapa eta majaraiwayare'i, te mapiarakapa ema Viya te mametakapa eta majaraiwayare'i: “Ema maka ema yátupikene'i Nuchicha némunarukene'i. Tétavikawa'i eta núrisamurewa'i máicha”