San Juan 6:14 - Táurinakene máechejiriruwa’i ema Viya tikaijare

¹⁴ Eta náimaira'i ena achaneana eta juka máichakeneana'i ema Jesús, ichapeine'i nárami. Tási'a, naka'epa: –Emaipa ema maka profeta ema vikuchapakene'i máiteruyare'i te juka apake'e.

Ignaciano

¹⁴ Tacahe, eta náimairahi ena achaneana eta juca máichaque­neanahi ema Jesús, ichape­rinehi nárami. Tásiha, nacahepa: —Émaripa ema maca profeta ema vicucha­pa­quenehi máiteru­yarehi te juca apaquehe —nacahepa.

San Juan 6:14 ပူးပေါင်းရင်းမြစ်များ

San Mateo 11:3

nayaserepanayare'i te yátupi'ipuka émaipa'i ema nakuchapakene'i, té'eserapuka tímiyanawayarepuka nakuchapaya ema apana.

San Mateo 21:11

Tási'a ena achaneana najikapapa: –Émara ema profeta Jesús, tikawasa te Nazaret te Galilea.

San Lucas 24:19

Ema mayaserekawarepa: –¿Tája'asika eta téchakare'i? Ena náichapa: –Émara véchejisi'apa'i eta máichawakenewa'i ema Jesús Nazareno, ema profeta máurikeneni'i naye'e ena achaneana. Tamutuini'i tiuri eta máimiturapiana, tétavikawa'iware eta máitupaijiasirawa'i, taicha ema Viya, ema tíjaraka'i tamutu,

San Lucas 7:16

Te naima'apa ena achaneana tipikanaine'i, taka'e tepanawanapa najiraucha ema Viya. Ánipa naka'e: –Jé'eware ema maka achane yátupikene profeta, titekapa'i te vitarakumuri. Éneichuware naka'epa: –Ema Viya titeka'i maimikatakaya eta mawasa.

San Juan 1:21

Nápechawarepa nayasereka: –¿Nája'avisika píti? ¿Pítipuka ema Profeta Elías? Ema Juan majikapawarepa: –Wa'i nútina. Nápechawarepa nayasereka: –Tási'a ¿Pítipapuka ema apana profeta vikuchapakene'i? Émasera májikapawarepa: –Wa'i nútina.

San Juan 11:27

Esu sujikapapa: –Yatupi nusuapavi, Tata, pítira yátupikenevi'i Cristo, ñichichavi eñi Viya, pítiripa piti vikuchapakenévi'i píteruyare'i te juka apake'e.

San Juan 2:11

Eta juka táinapuiru'i tiáramikare máimereka'i ema Jesús, taye'e eta awasare Caná. Ichapeine'i eta náramira'i ena tinekapana'i eta juka máimeresira'i eta máitupajijiasirawa'i. Taka'e, ichapeine'i eta nasuapira'i ena máimitureana'i.

San Juan 4:19

Te susamapa eta juka, esu esena suíchapa: –Tata, németeakavi'i eta pítikeneravi'i profeta.

San Juan 4:25

Esu esena suíchapa: –Nuti necha'i eta ñítekapirayare'i eñi ñiwaneru eñi Viya (eñi naichakeneasa'i Cristo), techakare'iware eta ñimetasira'aviyare'i tamutu.

San Juan 4:42

Tási'a, náichawarepa esu esena: –Puiti émakenepa visama'i. Waipa tákarichu'ini visuapa'ini eta pimetarapi'i. Véchapa viti apanawa eta émakenera'i ema Cristo, ema vikuchapakene'i, ema tikuchuku'a'aviyare vimutu viti achaneana.

San Juan 6:2

Kamuriana ena achaneana té'ikanapa'i ema, taicha eta náimaira'i eta tiáramikareana máichakeneana'i eta makanarasirawaka'i ena nakajumakeneana.

San Juan 6:26

Ema Jesús maichawakapa: –Nutupiruwa numetaka'e: Eti etánukanupa'i táichavene'i eta nénisira'e'i, nésatu'echira'e'i. Wá'isera ákaikutiara'ini eta nímechira'e'i eta tiáramikareana.

San Juan 6:30

Taka'e, ena nayaserekawarepa: –¿Tája'asika eta tiáramikare pímecha'aviyare apaesa visuapavipa? ¿Taja'apuka eta pemataneana?

San Juan 7:40

Taka'e, ena achaneana apánapanepa eta napanereruana maye'e ema Jesús. Ena apamuriana achaneana, nakunachapa ema. Ánipa naka'e: –Yátupikene ema maka achane, émaipa ema profeta ema vikuchapakene'i máiteruyare'i.

Hechos 7:37

Émaichuwa ema Moisés tikaechejiriruwa'i naye'e ena majaneanana israelítana: ‘Ema Viya mákaechepukayare ema apanayare mawaneruyare ema Viya, takutiyare eta mawanesiranu'i nuti.