San Juan 5:46 - Táurinakene máechejiriruwa’i ema Viya tikaijare

⁴⁶ Te yátupina'ini esuapa'ini eta mametarapiana ema Moiséini, esuapanu'ipukaini nuti táechejisi'akene'i eta májureana'i ema Moiséini.

Ignaciano

⁴⁶ Te yátupi­nahini esuapahini eta mameta­rapiana ema Moiséini, esuapa­nu­hi­va­re­pucaini núti táechaji­si­ha­quenehi eta májureanahi ema Moiséini.

San Juan 5:46 ပူးပေါင်းရင်းမြစ်များ

San Lucas 24:27

Tási'a, mametakawakapa tamutu eta táechejiriruwana'i eta Takapika'ukene Ajureka, eta táechejisi'aira'i ema. Tépanawapa te májureana'i ema víyara'aini Moisés, étapa eta nájureana'i ena apamuriana profetanaini.

San Juan 1:45

Ema Felipe tiyanapa matanupana'i ema Natanael, tási'a te máetupiakapa, máichapa: –Víma'aipa ema májuekeneru'i ema Moisés, émaichuware ema táechejisi'akene'i eta libro nájureana'i ena profetanaini. Ema tikaijare'i Jesús, machicha ema José, tikawasa'i te Nazaret.

San Juan 5:47

Wá'isera esuapa'ini eta májuchakeneana'i ema. Tavetijipa eta emasuapiranu'i eta juka numetarapiana eye'e.”

Hechos 26:22

Tasi'asera ema Viya tímikatakanu'i, puíticha. Tási'a, wa'i nucháwakuejechawa'ini nimiyanawa'i nukametarairu'i maye'e ema Viya, namutu ena achaneana. Tájinasera wa'i nu'apapika'ini eta táechejiriruwana'i eta Takapika'ukene Ajureka, eta táitauchirawayare'i:

Romanos 10:4

Taicha ema Cristo makaepa'aipa eta tasuapakarewa'i eta viye'e eta mawanairipiana ema Moisés. Takarichu eta vikasiñawaira'i maye'e ema, vijakapakareyare me Viya.

Gálatas 2:19

Puitisera timikutijikawaipa'i nepeneipa'i taye'e eta wanairipi taichavene eta waipa ne'ika'ini, taitsiwasera emapa ema Viya tikaitarekanu'i taicha emapa maepeninanu'i taye'e eta crusu,

Gálatas 3:10

Natiari'isera ena tímijachawana'i tijakapakareanayare me Viya táichavene'i eta nawaraira'i náitamuturuka eta wanairipiana étasera eta Ajureka ani taka'e: “Tamutu sacheana ítauchayare tamutu eta juka wanairipiana, te éjeki'a apaesachichaina, eta tímikuñaka'eyare.”

Gálatas 3:13

Ániware taka'e eta Takapika'ukene Ajureka: “Mákani achane ichape eta maviurewa, tikaetatakasiyare'i te yukuki, eta táikutiara'i eta máikuñasirayare ema Viya eta máchanewa.” Viti achaneana, ichape eta víkuñayare'ini taicha eta vimaitauchira'i tamutu eta wanairipiana, émasera ema Jesucristo, tépenina'avi'i te crusu, tamuriasira'i tamutu eta víkuñayare'ini víti.

Gálatas 3:24

Táitaurewakene eta mawanairipiana ema Moiséini eta típikarareka'avi'i taye'e eta táiñe'ikarewa'i eta vikapekaturairana, eta, tétupirika'avi'i takuti'i mákani timitura'i eta máetupirisirawaka'i eta napanereruana ena máimitureana, ene taka'e'i eta táechapajirisira'avi'i eta mawanairipiana ema Moiséini. Puítisera eta máitekapiraipa'i ema Jesucristo, émapa vé'ikayare, vijakapakarénapa me Viya taicha eta vikasiñaira'i ema Jesús.