San Juan 5:39 - Táurinakene máechejiriruwa’i ema Viya tikaijare

³⁹ Eti, tamapuruji eta ekarawa'uira'i eta Taka'ukene Ajureka. Ímijachaipapuka eta tikaitareka'eyare'i. Wá'isera ímatiekene'a'ini, wá'iware ákaikutiara'ini eta nútira'i táechejisi'a'i máichekuarakirenapa eta naitaresira.

Ignaciano

³⁹ Éti, tamapuruji eta ecara­va­huirahi eta Sagrada Escritura. Ímija­cha­ri­papuca eta ticaita­re­ca­he­yarehi. Váhisera ímatie­que­ne­hahini, váhivare ácaicu­tia­rahini eta nútirahi táechaji­sihahi núti nucaita­re­ca­yarehi.

San Juan 5:39 ပူးပေါင်းရင်းမြစ်များ

San Mateo 22:29

Ema Jesús majikapawakapa: –¡Tetavikawa eta éjekapirawa'i eti wa'i ímati'ini eta táimiturapi eta Ajureka, eta tamutuira'iware marata'a ema Viya!

Marcos 10:3

Ema Jesús majikapawarepa: –¿Tája'asika eta mawanairipi ema víyara'aini Moisés?

Marcos 12:10

“¿Wa'i échejiku'a'ini eti eta Takapika'ukene Ajureka? Ani taka'e'i: ‘Ena tépiyarekara'iana eta peti, tasapi'apa náepuru'i eta mari táikuchi'i tatumearayare, taicha wa'i náimati'ini.

San Lucas 16:29

Ema Abraham máichapa: ‘Ena, nakaye'epa eta majure'i ema Moisés, etapa eta najure'i ena apamuriana profetana: ¡narata'a téchejikurekana, nasuapaware!’

San Lucas 16:31

Émasera ema Abraham máichawarepa: ‘Te wá'ipuka nakusuapa'ini eta Takapika'ukene Ajureka, taka'eyare'i eta namasuapirayare mákani máechepure'i máepenakene'i.’ ”

San Lucas 24:25

Taka'e ema Jesús máichawakapa: –¡Tétavikawapa tájinaira ekaikutiarakenena eti. Wá'iware ákaikutiara'ini eta náechejiriruwana'i ena profetanaini!

San Lucas 24:27

Tási'a, mametakawakapa tamutu eta táechejiriruwana'i eta Takapika'ukene Ajureka, eta táechejisi'aira'i ema. Tépanawapa te májureana'i ema víyara'aini Moisés, étapa eta nájureana'i ena apamuriana profetanaini.

San Lucas 24:44

Tási'a, maichawakapa: –Eta juka níchawakenewa'i, étara eta numetaru'e'i kape juka nukachanera'éicha'a. Eta taka'eyare'i eta táitauchirawayare'i eta májuchakeneana'i ema víyara'aini Moisés nuti táechejisi'akene'i. Étapa eta nájuchakeneana'iware ena profetanaini, étapa eta Salmo.

San Juan 1:45

Ema Felipe tiyanapa matanupana'i ema Natanael, tási'a te máetupiakapa, máichapa: –Víma'aipa ema májuekeneru'i ema Moisés, émaichuware ema táechejisi'akene'i eta libro nájureana'i ena profetanaini. Ema tikaijare'i Jesús, machicha ema José, tikawasa'i te Nazaret.

San Juan 5:32

Wá'isera nukarichuima'i, taicha matiari'i ema apana títametasinanu'i, émaipa ema Juan Tíkachasirikara'i. Nímati'i nuti eta matupiruwa'i eta máichakeneana'i eta tímereuchanu'i.

San Juan 5:36

Wá'isera mákarichu eta máimikaecherachiranu'i ema Juan. Jarari'i eta apana táimikaecherachiranu'i, tiápajupanawa'i eta táramikarewa. Taicha nuti nicha eta nématanerepiana máijararunu'i ema Tata.

San Juan 5:40

Eti wa'i áwara'a'ini epauchanu'ini, níjaraka'e'ini eta ítaresiraya máitawakakaina'ini.

San Juan 5:46

Te yátupina'ini esuapa'ini eta mametarapiana ema Moiséini, esuapanu'ipukaini nuti táechejisi'akene'i eta májureana'i ema Moiséini.

San Juan 7:52

Ena najikapapa: –¿Vémeteaka píti apanaware pijaneana'ipuka ema, píti'ichupuka galileuvi'i? Viwanekavi péchejiku'a eta Takapika'ukene Ajureka apaesa pecha wa'i étaima'i te Galilea máuchusi'ayare ema profeta Cristo vikuchapakene -naka'epa.

Hechos 13:27

Taicha ena tikawasana'i tejena awasare Jerusalén, énapa ena nakenumuriana, wa'i naimati'ini ema Jesús wa'iware nakaikutiara'ini eta naechejiriruwana ena profetanaini, eta nakáyemakene'i te jena peti naurujisirarewa ena juriyuana tamutu eta sawaruana; enaipa wa'i nakaikutiara'ini, taka'e nakapakapa ema Jesús, titauchawapa eta nametarapi'i.

Hechos 17:11

Ena israelítana tikawasana'i te Berea, tiúripanereruanapana naye'e ena tikawasana'i te Tesalónica. Nawapina ena, nasamararaka eta mametarairu'i ema Pablo. Tamutu sácheana nakarawa'u'i eta Takapika'ukene Ajureka. Nawara'a'i náechayare te yátupi'ipuka eta tametarapi'i eta Ajureka.

Hechos 26:27

¿Pisuapa'i piti rey Agripa eta nakayemakeneana'i ena profetanaini? Nuti németeaka'i pisuapa'i píti.

Romanos 1:2

Ema Viya, ánakiapaipa'i eta juka mametasirawaka'i ena víyara'anaini profetana eta mapanerechira'i eta makuchukuiraya ena achaneana, taye'e eta Santukene Ajureka.

Romanos 3:2

Jé'esare yatupikene, natiwa'i ena juriyuana maijarakawaka ema Viya eta maechejiriruwana, taichavene eta makunachirawaka'i matuparakawaka'i ena.

Colosenses 3:16

Étaviucha'ini eta iúnasiraina te esamureana eta máechejiriruwana ema Cristo. Étumechakaka'ini eta ímitusirakakaya eta échemaraiwayare, ewapinawa'ini te esamureana eta ejiraira te iúrujisirawana, ejirayare eta majiria'uana ema Viya, eta e'asulupayachirayare'i ema.

Hebreo 11:16

natanuka'isera eta arairu apake'e tiúripana'i, eta tiávi'a'i te anuma. Eta taka'e, tétavikawa'i eta máurisamurewa'i ema Viya eta naye'e, táichavene'i eta nakasiñawaira'i eta maye'e ema, taicha máikuchawaka'i eta arairu náwasayare'i, émaira'i nakaiyakene'i ema.

Hebreo 11:35

Natiari'iware ena esenana, eta nasuapajiraiwa'i, mápechawa máimichawa ema Viya títarekana ena najaneananaini náepenakeneana'i. Natiari'iware ena apamuriana náemepena'i eta nakatajiwairasami'i. Nakamicha'isera tamutu taicha eta nasuapajiraiwa'i, namawaraira'i náinajiaka'ini ema Viya, nawaraira'iware náima'ayare'i eta táurikakarekene eta náitaresirayare te náechepukapa.

Apocalipsis 19:10

Népuyukapa te máiwapechakaya ema ángele, nuwara'apa nutsiukayare'ini, émasera máichanupa: “Wa'i pikutsiukanu, taicha núti'ichu'i pikutikenenu'i mawanaranu'i ema Viya, énapa ena pichamuriana'i títauchana'i eta mawanairipiana ema Jesús. Ema Viya, ema tatuparakavi'i pitsiukayare.” Taicha éti'ichu'i vikutikeneana eta vikametarairuira eta máechejiriruwa ema Jesús.