San Juan 5:23 - Táurinakene máechejiriruwa’i ema Viya tikaijare

²³ taicha mawara'a'i epikauchanu nuti Machicha, tákuti'ichu eta epikauchira'i ema Tata. Nákanisera wa'i tipikauchanuana'i nuti, wá'iware napikauchaima'i ema Tata.

Ignaciano

²³ Taicha mavarahahi epicauchanu nuti Machicha, tácutirichu eta epicau­chirahi ema Tata. Nácanisera vahi tipicau­cha­nuanahi núti, váhivare napicau­chaimahi ema Tata.

San Juan 5:23 ပူးပေါင်းရင်းမြစ်များ

San Mateo 10:37

“Ena temunakapanana ena naiyana, esupuka esu naena, wáipa tatuparaka'ini nuchaneranaina'ini, enaipa nákani tínajikawana eta náe'isiranu'i, éneichuware waipa tatuparaka'ini nuchaneranaina'ini,

San Mateo 11:27

“Ema Tata Nukaiyakene, ema tíjarakanu'i eta nútiraya néchaya tamutu. Nájina timatina ema machicha emachucha ema Vikaiyakene, nájinawa timatina ema Vikaiyakene emachucha ema machicha manerejiru.

San Mateo 12:21

Namutu ena achaneana te apake'e tikunewanayare eta maye'e, nawarairayare máurichayare ema.”

San Mateo 15:8

‘Eta juka awasare, tétserajikanuana'i te najakachuchasera, wá'isera taetupikawa'ini eta nasamureana, tiyere'inuanaichucha nuye'e.

San Mateo 28:19

Eyanayare puiti, epaikayare tamutu eta awasareana. Tási'a ímitukayare ena achaneana, nuchaneranaina ena apanaware, íkachasikawakaya te máijare ema Tata, ema Machicha, tási'a émapa ema Machanewa Viya,

San Lucas 10:16

“Nákani tisama'eanayare eti, nuti'i tisamanuana'i, tási'a nákani tépuru'eanayare eti, nuti'i tépurunuana'i, tási'a nákani tépurununa'i nuti, náepuru'iraware ema Tata.”

San Juan 14:1

“Wa'i ekueñamawa eti. Ákasiñawa eta me Viya, éneichuware ákasiñawaware eta nuye'e.

San Juan 16:14

Ema timerekayare eta nukunachakarewa, taicha majachapayare tamutu eta nuye'eana, tási'a maimereuchainapa eta eye'e eti.

San Juan 17:10

Tamutu eta nukaye'ekeneana'i, piye'eraware piti. Eta piye'eana piti, nuye'eware nuti; tási'a tikunachanuana'i ichape ena.

Romanos 1:7

Emutu eti ekawasana te Roma, maemunarukene ema Viya manerejiru'ekene'i machaneranayare'i santuana: Nu'asulupayacha ema Tata vikaiyakene eta iuriwaina eta itaresira te maijare ema Viakenu Jesucristo.

Romanos 15:12

Ema Isaías éneichuware tikajure'iware: “Tiuchukainapa ema Cristo, ema akenukayare naye'e ena apawasana, makarichuyare nakuneraya maye'e ema.”

Romanos 6:22

Puíti iuchurepa taye'e eta tapamisira'e'i eta pekatu, iáwaku'aipa eta ekaemataneasiraya ema Viya. Jé'eware eta iúritaresirayare me Viya, máichekuarakirenapa eta ítaresiraya.

Romanos 8:9

Puítisera eti, eta máwa'asira'eipa'i ema Machanewa Viya, waipa étaima'i epanerecha eta tawara'akeneana'i eta iáke'e. Étapa epanerechaya eta mawara'akeneana'i ema. Nákani wa'i máwa'aruanaina'ini ema Machanewa ema Viya, wá'iware machaneranaina'ini ema Cristo.

1 Corintios 1:3

Nuwara'a makatajika'e'ini ichape ema Tata Vikaiyakene, émapa ema Viákenu Jesucristo; náijaraka'e'ini táuriwaina eta epanereruana.

1 Corintios 10:31

Tamutu eta enisirana étapa eta erirana, étapa eta ekaematanerana, tiúriyare tamutu eta íchirayare te mamira'u ema Viya.

1 Corintios 16:22

Nákanisera máesachara'ana'i ema Viákenu náimainawapainepa ena eta náikuñayare te machawapa. ¡Tata Viákenu, pítekawaneni!

1 Corintios 6:19

¿Échaichu'iware eti eta máwa'asira'eipa ema Machanewa Viya eta te iáke'eana, taicha mawaneruichu'i ema Viya eta máwa'asira'eyare'i ema Machanewa Viya? Waipa étina'ini echa eta iáke'eana.

2 Corintios 1:9

Vikuti'ipa nákani nakaparuasana te nawa'u na'akenukana. Ema Viya máisapapa eta juka, mawaraira'i waipa vítijiwaima'i vikasiñawa, mawara'apa yátupina eta vikasiñairayare'i eta maye'e, taicha ema, makarichu marata'a'i máimichawa tikaitareka'avi te vépenapapuka.

2 Corintios 5:14

Eta maemunasira'avi ema Viya tichuruka'avi eta vitaresira, taicha vecha'i eta maepenina'avi'i viti achaneana eta taka'e vimutu'iware vepena'i.

2 Corintios 5:19

Tási'a, ema Viya mawaneka ema Machicha Jesucristo, apaesa makaepa'ayare'i eta vipekaturana vimutu viti vikasiñawana eta maye'e. Tási'a, tájina eta vipikakarasirawaima'i eta víkuñaina'ini.

Efesios 6:24

nuyaseucha'eware táetaviucha'ini eta iúrikakarewaya emutu eti yátupi'i eta émunasira'i ema Viákenu Jesucristo.

2 Timoteo 1:12

Eta tímikaviuchanu'i eta juka, puíticha nukatajiwa'i ichape, taicha eta nítauchira'i eta nutuparakasiwa'i. Wá'isera nutsiri'a eta né'isira'i, taicha nímati'i nuti eta yátupira'i eta makasiñakaréwa'i ema nukasiñakene'i. Nécha'iware eta majakapira'i tamutu eta nématanerepiana. Nukunewainapa eta jena sácheyare eta máijarasiranuyare eta níkuchi'i maye'e.

Hebreo 1:6

Taka'e, te makukupaikapa ema makarichukene Machicha te juka apake'e, makawanairipipa: Eta natsiusirayare namutu ena maye'eana ángeleana ema Viya.

2 Pedro 1:1

Nuti Simón Pedro, mawanaranu'i ema Jesucristo. Maye'enu'i apústule. Nukajure'e eti nuchamuriana, taicha tétavikawa'i eta ewapinairawa'i eta juka vé'iru'i. Puiti eti apanawa ejakapakare'iware me Viya, ekaikuchipaware eta iúchukuiraya maicha ema Viákenu Jesucristo.

2 Pedro 3:18

Tajurukapaichuchaini eta ímatiraina, eta máemunasira'e'i ema tikatiucha'avi'i ema Viákenu Jesucristo. Tétavikawa'ini eta vijirauchira, te vinarasirana, te véjamisirana ¡vímiyanawayare! ¡Amén!

1 Juan 2:23

Nájina tiáwa'akanaima'i ema Tata, ena wa'i nasuapa'ini ema Jesús eta machichaira'i ema Tata Vikaiyakene. Viáwa'aka'isera víti ema Tata Vikaiyakene vimutu viti visuapana'i ema Jesucristo eta machichaira'i ema Viya.

2 Juan 1:9

Viti visuapa'i eta máimiturapiana ema Cristo, viti viáwa'aka'i ema Tata Vikaiyakene émapa ema Machicha, wá'isera náwa'akaima'i ema Viya nákani wa'i náwara'a'ini nasuapa eta máimiturapiana ema Cristo. Tasapi'apa, náimituka'i eta naye'echirawaihu eta napanereruana.