San Juan 20:19 - Táurinakene máechejiriruwa’i ema Viya tikaijare

¹⁹ Étaichu te jena sachekene'i luminkukene, te yátipa, tiúrujikawana'i ena máimitureana ema Jesús te taju'e eta peti, térataekene'awana'i taicha eta napisira'i ena tuparairukana juriyuana. Tiáramikarepa titupi'a'i ema Jesús te namuri, maéchejikapa ánipa maka'e'i: –¡Ícharakawa, eti nuchichanaveana!

Ignaciano

¹⁹ Étarichu te jena sáchequenehi lumincuquene, yátiripahi, viúruji­cavahi viti máimitureana ema Jesús te tajuhe eta peti. Vératae­que­ne­re­cavahi taicha eta vipisirahi ena tuparai­rucana. Tiárami­carepa titupihahi ema Jesús te vimuri. Téchaji­ca­havipa: —¿Ícharacava, nuchicha­naveana? —máichahavipa.

San Juan 20:19 ပူးပေါင်းရင်းမြစ်များ

San Mateo 10:13

Te tiúriana'i ena achaneana tikapenana'i eta peti, ímiyanawa eyaseuchayare eta náurikakarewaina. Té'esera te wa'i nakuri, wa'i eyaseuchaima'i.

San Mateo 18:20

Taicha nákani te tikurujikakana, apinana, mapananapuka te níjare, nuti nutiari'iya te nataraku ena.”

Marcos 16:14

Tiuri, te táekenepa, tiúrujikawana'i eta nanisira'i ena únsekeneana maimitureana. Taka'e, tíja'uchawapa tímerekawa ema Jesús eta naye'e. Makajachamuripa eta namasuapira'i eta nametarapiana'i, ena tíma'ana'i ema eta máechepusiraipa'i.

San Juan 14:27

“Nunakika eta iúriwaya. Nijaraka'e nuti eta iúriwaya, wá'isera nákutinu'ini ena apamuriana achaneana eta nujunijisira'eya. Wa'i ekuwayuchawa eta éñamawairaina. Wá'iware ekupika.

San Juan 16:22

Ene eka'eya eti, ekatisamure'i puiti, ánipichusera. Té'esera te viápechawa víma'akakaya, tétavikawa eta iúrisamurewaya. Nájinainawarepa ti'apapika'ema'i eta iúrisamurewa.

San Juan 16:33

Numetaka'eware tamutu eta juka apaesa etupiaka eta iuriwaina nuye'e apaesa takuija ekuichirawaina. Tayanapane ekatajiwayare muraka te juka apake'e, étumechawasera eta nuye'e, taicha nuti máijararunu'i ema Tata eta nukapakemuri'airayare namutu ena nánarana'i.

San Juan 20:21

Tási'a, máicha'avipa: –¡Icharakawa eti! Takuti'i eta mawanesiranu'i ema Tata núkupaikayare te juka apake'e, nímituka'eyare'i eti. Puiti nuwaneka'eyare nuti ímitukawakayare'i ena achaneana, apaesa náe'ikanu'ini ena apanawa.

San Juan 20:26

Te uchupa sache eta táetavisirawa'i, tiúrujikawanaipaware te viúrujisirarewa. Matiari'ipa'i ema Tomás te namuri. Tási'a, tiáramikarewarepa tímerekawa'i ema Jesús. Titupi'a'i te namuri. Maechejikawarepa. –¡Ícharakawa, nuchichanaveana!

San Juan 21:1

Te taekenepa eta juka, ema Jesús tiapechawaware timerekawapa naye'e ena maimitureana, te tachausi eta Kákiure te Tiberias. Tasi'a ánipa taka'e:

San Juan 21:14

Eta juka, mapa'ekenepa eta máimeresirawa'i ema Jesús eta naye'e ena máimitureana eta máechepusira'i te máekari.

San Juan 7:13

Wa'isera nakuchujipika'ini eta nakayemakeneana'i taicha tipikakarakawanaichucha naye'e ena tuparairukana.

Hechos 1:3

Tási'a te táekenepa eta máepenira'i, téchepukapa te máekari, tiápechawaware títareka'i, kuarentakene'i sache eta makáchanerawakaicha'a ena máimitureana. Máimitukawaka'i ena eta mawasa ema Viya akenuka te anuma.

Romanos 15:33

Ema Tata Vikaiyakene, tétavikawa eta makanarasira'i tamutu eta vipanereruana. Nuwara'a puiti yátupina esamawa eta makanarasira'e'i eti. Amén.

1 Corintios 15:5

Tímerekawa'i maye'e ema vichamuri Pedro, énerichuware ena apamuriana apústuleana.

Efesios 2:14

Éneichuware, étavene'i eta viúrujiasira'i ema, ti'étamuricha'avipa'i vimutu, eti apawasana, vítipa israelítana. Waipa víputsimuriawawaka'ini. Tímikutijirikawaipa'i étanaine'i eta viúchusine. Makaepa'aipa'i eta vikatianajirisirakakaini'i.

Efesios 6:23

Nuyaseaka'i ema Vikaiyakene'i émapa ema Viákenu Jesucristo, náijaraka'e'ini eti nuchamuriana eta enarasira'i te esamureana tamutu eta epanereruana, tajuruka'iwaréni eta ekasiñawaira'i eta naye'e, étapa eta émunasirakaka'i;

Filipenses 1:2

Ema Tata Vikaiyakene, émapa ema Viákenu Jesucristo; náijaraka'e'ini táuriwaina eta epanereruana eti.

2 Tesalonicenses 3:16

Ema Tata Viakenu, ema tiúricha'avira'i, máimiyanawa'ini máijaraka'eni eta iúriwaya tamutu jukana sácheana te epanereruana, taicha mawara'a'i eta iúriwaya. Ámutu'ini máwa'aka'e'ini.

Hebreo 7:2

taka'e, ema Abraham títsirijikawapa. Máijarakapa ema Melquisedec eta diésmuri'i eta maiturewa'i naye'e ena mánarana. Eta takayemakene'i eta maijare ema Melquisedec, te vechejiriruwa “Ema Rey máurikene'i”, akenuka'iware ema te awasare tikaijare Salem, te vechejiriruwa taka'e'i “rey táuriwa tamutu eta máwasa.”

3 Juan 1:14

Nútijapainapasera eta ara piye'e apaesa níma'avi. Tási'a, véchejirikawainapa eta vímanasirakakayare.

Apocalipsis 1:4

Nuti Juan nukajure'e eti siétemuriana nuchamuriana'i éjanereruana'i taye'e eta tinapaika te Asia. Nuwara'a makatajika'e'ini ichape ema Tata Vikaiyakene, émapa ema Jesucristo. Táuri'iwareni eta epanereruana. Te tamira'u eta máejasi'a'i trono, natiari'i ena siétekeneana maye'eana arcángeleana,