San Juan 20:17 - Táurinakene máechejiriruwa’i ema Viya tikaijare

¹⁷ Ema Jesús máichapa: –Wa'i pikuemama'akanu, taicha wicha'a nápana'ini te mávi'a'i ema Tata. Piyana pimetakawaka ena apamuriana nímitureana eta nápanirayare maye'e ema Tata nukaiyakene, Ekaiyakene'iware eti apanawa.

Ignaciano

¹⁷ Tásiha, ema Jesús máichapa: —Vahi picuema­ma­hacanu, taicha vuíchaha nápanahini te mávihahi ema Tata. Piyana pimeta­cavaca ena apamuriana nímitureana eta nápani­rayare mayehe ema Tata, Ecaiya­que­ne­hivare éti apanava —máichapa.

San Juan 20:17 ပူးပေါင်းရင်းမြစ်များ

San Mateo 12:50

Taicha namutu nákani tikaemataneakana'i ema Tata tiávi'a'i te anuma, éna'i ena nuparapenaveana, esupa esu meme némunaruana'i.

San Mateo 25:40

Ema Rey tijikapa'enapa: ‘Nutupiruwa numetaka'e, nútira íjarakanu'i tamutu eta ejapanuraiwa'i, ímikatasirawaka'i ena echamuriana.’

San Mateo 28:7

Eyana púitinaichu, tási'a emétakawaka ena máimitureana: ‘Eta máechepusiraipa'i te máekari, tási'a tiyanayare te Galilea, ánaki makuchapia'eyare ema.’ Eta tímitekanu'i nuti numetapana'eyare'i.

Marcos 12:26

Tayanapane naechepuka ena naepenakeneana'i, ¿wá'ipuka échejiku'a'ini eti, eta libro májuchakeneana'i ema Moisés, te máechejikapa ema Viya? Ema Viya, eta maka'e'i: ‘Nútira maye'e Viya, ema Abraham, ema Isaac émapa ema Jacobo.’

Marcos 16:19

Taka'e, te títawapa tamutu eta mametarapiana'i ema Viákenu Jesús, tiyanapa tiyapa te anuma. Ema Viya makaejakapa te mawaure.

San Lucas 10:4

Eta epaisirayare, tájina iámaima'i eta tarera, wá'iware iámaima'i eta eplatane. Wá'iware iámaima'i eta eparupewa; eyayauchawayarepa'isera eta epaisirayarepa'i te achene.

San Juan 13:1

Tiuri, te jena sacheana'i tamira'upaipa'i eta Pascua, ema Jesús máechaipa eta táitekapauchayarepa eta majunijisirayare'i eta juka apake'e. Tiyanayarepa maye'e ema Maiya. Tétavikawa'i eta máemunasirawaka'i ena máimitureana.

San Juan 13:3

Émasera ema Jesús, máechaipa eta machavirayarepa maye'e ema Maiya, taicha eta másine'i. Émaichu'i ema Maiya tíjaraka'i eta tamutuirayare'i máituruekene'a.

San Juan 14:2

Te mapena ema Tata, kamuri eta tiávirawakare, iávi'ayare eti, taicha íkuchi'i eti. Taka'e, tatuparaka'i nuyanayare nétupirikayare eta iávi'ayare.

San Juan 14:28

Tiuri esamanuipa eta nukayemakene eta nuyanirayare, tási'a, étapa eta nuchavirayare eta eye'e. Eta taka'e, te yátupina émunakanu, ewapinawayare'i eta echira'i eta nuyanirayare maye'e ema Tata, taicha ema kachuriakanu'i eta máitupajijiasirawa.

San Juan 14:6

Ema Jesús májikapawarepa: –Nútira né'ikakare'i, núti'ichuwa yátupikenenu'i. Nútiware nukaitarera'i, nájina apanaina ákasiñaima'i eta ítekapirayare me Tata.

San Juan 16:28

Nuti, eta nási'a'i maye'e ema Tata eta nítesira'i te juka apake'e, puítisera nujunijikainawarepa eta apake'e, nuchawainawarepa maye'e ema Tata.”

San Juan 17:11

“Nuti nujunijikawakainapa ena píjararunuana. Énasera nanasiyarecha'a te juka apake'e. Nútisera nútijapainapa eta piye'e. Tata Nukaiyakene, piti yátupikenevi'i eta pisantuwa'i. Nuyaseakavi pijaneasinanuwakachucha ena, apaesa náimiyanawa'i eta náurujiasirakakaina, náwa'asirakakayare nákuti'ini eta viáwa'asirakaka'i víti.

San Juan 17:25

Tata, yátupikenevi'i eta piuriwa'i, ena achaneana te juka apake'e wa'i náimativi'ini, nútisera nímativi'i, etajuka naecha'i eta piwanesiranu'i

San Juan 17:5

Puítisera nuchawainawarepa eta piye'e. Píjarakanuyare eta nukunachakarewaya piye'e, takutiyare akane tasinekene, eta návine'i te tépanawainapa eta apake'e.

San Juan 20:27

Tási'a, máichu'apa ema Tomás: –Yare, píma'a eta nujarana te nuwa'uana, pímisiapa eta piwauki eta te juka nuchene, wa'i pikukuti ena maecharaireana ¡yatupina pisuapanu!

San Juan 7:33

Taka'e, ema Jesús máichawakapa: –Wícha'a tituparaka'e eta ekaratakanu'ini. Yátupisera ánipine eta nuka'eyare eta eye'e, tási'a nuchawainapa maye'e ema tiwanekanu'i.

Romanos 8:29

Akaneipa'i eta máimatira'avi'i, tinerejika'avipa machicha'aviyare'i. Mawara'a'i ema vikutiyare ema Machicha Jesucristo eta máuriwa'i. Tímikutijirikawayare'i viparapeya ema, véchavimuri'i eta makachichaira'avi'i.

2 Corintios 6:18

Nuti yátupikenenuyare'i Ekaiyakenenu'i eti. Nuchichanaveana'i, ema Viya máitupajiji'akene'i.”

Gálatas 3:26

Puiti, eta ekasiñairapa ema Jesucristo, machicha'eipa ema Viya.

Hebreo 11:16

natanuka'isera eta arairu apake'e tiúripana'i, eta tiávi'a'i te anuma. Eta taka'e, tétavikawa'i eta máurisamurewa'i ema Viya eta naye'e, táichavene'i eta nakasiñawaira'i eta maye'e ema, taicha máikuchawaka'i eta arairu náwasayare'i, émaira'i nakaiyakene'i ema.

Hebreo 8:10

Eta nukaejasiraya eta nechejiriruwa naye'e ena israelítana te jena sácheyare, etayare eta juka, maka'epa ema Viya: nunakachutichayare te nachutiana eta nuwanairipiana najirikainapa te nasamureana. Je'ewarenapa nuti nakaiyakeneyare tási'a ena, je'ewarenapa nuchichanavekeneanainapa.

1 Pedro 1:3

Tétavikawa'i eta vikunachira'i ema Viya, Makaiyakene ema Viákenu Jesucristo, tétavikawa'i eta majapanuira'avi'i, tepanawa'i maicha eta vitaresira eta machavira'i titareka ema Viákenu Jesucristo. Eta juka yátupikenepa eta viuchukuiraipa,

1 Juan 3:2

Nuparapenaveana némunarukeneana, machicha'avipa ema Viya. Vuícha'asera tímecha'avi ema eta viúriwayare. Véchaipasare eta vikutirayare ema Jesucristo eta te machawa. Taicha víma'ayare eta máima'ikene ema.

Apocalipsis 21:3

Nusamawarepa muraka eta ma'u ema ángele, tiási'a'i te anuma. Ánipa maka'e: “Puiti, ema Viya makukupaikapa eta mapena te juka apake'e, áninapa mavi'ayare viye'e viti achaneana. Tiáwa'aka'enapa eti achaneana, yátupikenenapa Ekaiyakeneya ema.

Apocalipsis 21:7

Takutikene, eti ekamichana'i, ímiyanawa'i eta é'isiranu'i, níjaraka'eyare tamutu eta júkana íkuchianayare'i, nuti ekaiyakeneya, tási'a eti nuchicha'enapa.