San Juan 18:37 - Táurinakene máechejiriruwa’i ema Viya tikaijare

³⁷ Taka'e, ema Pilato mayaserekapa: –Taka'e, ¿yátupi'i eta pirrey-wa'i? Ema Jesús majikapapa: –Pitupiruwa'i eta piyaseresiranu'i: nuti rey-nu'i. Eta núkupaisira'i, te juka apake'e, nímitureka'i eta yátupikeneana, nákani tisuapajira'iana, nasamararakayare eta yátupikeneana'i.

Ignaciano

³⁷ Tacahe, ema Pilato mápecha­varepa mayasereca: —Tacahe, ¿yátupihi eta pirreyvahi? —máichapa. Ema Jesús majicapapa: —Yátupi réynuhi núti. Eta núcupai­sirahi, núchucahi te juca apaquehe, nímitu­re­ca­yarehi eta yátupi­queneana. Nácani tisuapa­ji­ra­hia­nayare, nasama­ra­ra­cayare eta yátupi­queneana —macahepa.

San Juan 18:37 ပူးပေါင်းရင်းမြစ်များ

San Mateo 26:64

Ema Jesús majikapapa: –Petupika'i eta píchira'i, tási'a nuti eneichuware, numetaka'eyare eti, eta íma'ayare ema Machicha ema Ajaira eta maéjasirayare te mawaure ema Máitupajijiaruwakene'i, tási'a eta maúkupaisirayare mási'ayare te anuma, támirayarepa'i eta úkajiana.

San Mateo 27:11

Ema Jesús námapa te mamira'u ema akenuka, ema mayaserekapa: –¿Jé'esareji Rey-vi'i píti naye'e ena juriyuana? –Pitupiruwa'i eta piyaseresiranu'i, –Majikapapa ema Jesús.

Marcos 14:62

Ema Jesús máichapa: –Nuti'ichu'i. Tási'a eti íma'ayare ema Machicha ema Ajaira eta maéjasirayare te mawaure ema Máitupajijiaruwakene'i, tási'a eta maúkupaisirayare mási'ayare te anuma, támirayarepa'i eta úkajiana.

Marcos 15:2

Ema Pilato mayaserekapa: –¿Jé'esareji Rey-vi'i píti naye'e ena juriyuana? –Pitupiruwa'i eta piyaseresiranu'i, –Majikapapa ema Jesús.

San Lucas 22:70

Tási'a namutupa nayasereka'i: –¿Taka'e pitikene'i Machicha ema Viya? Ema Jesús majikapapa: –Etupiruwa eta eka'eira'i.

San Lucas 23:3

Ema Pilato mayaserekapa: –¿Jé'esareji Rey-vi'i píti naye'e ena juriyuana? –Pitupiruwa'i eta piyaseresiranu'i, –Majikapapa ema Jesús.

San Juan 1:14

Émaichu'ineni ema Echéjirirukawa, tépiyakawapa ajaira'i, tási'ia tikachane'avipa viye'e viti, tási'a vima'a'i eta majaraiwa, majachapakene'i me Maiya, táicha makarichu'i machicha, tetavikawa'i eta yátupikenera'i maemunaraiwa'i.

San Juan 1:17

taicha eta wanairipi émara tinaka'i ema Moisés. Yátupikenera'i maemunaraiwa'i ema Jesucristo.

San Juan 14:6

Ema Jesús májikapawarepa: –Nútira né'ikakare'i, núti'ichuwa yátupikenenu'i. Nútiware nukaitarera'i, nájina apanaina ákasiñaima'i eta ítekapirayare me Tata.

San Juan 3:32

tási'a eta, tímiteka'i eta mametasira'avi'i tamutu eta máima'akeneana'i étapa eta masamakeneana te anuma. Nájinayarenisera nasuapa'ini eta makayemakeneana'i.

San Juan 7:17

Te etiari'inapuka eti ewara'a'i ítaucha eta mawanairipiana ema Viya, ímatiakawaneyare eta juka nímiturapiana'i étaira'i tiási'a'i eta me Viya. Wa'i nútijiriruwaina'ini eta nímitusira'i.

San Juan 8:14

Ema Jesús majikapawarepa: –Tisuapakare eta juka néchejiriruwana, tayanapane nútijiwa'i néchejisiawa, taicha nímati'i nutupara'aichu'i eta nímeresirawayare. Nímati'iware eta nukaiju'eyare. Étisera wa'i ímati'ini távi'apuka eta násine'i, wá'iware ímati eta nukaiju'eyare.

San Juan 8:45

Nutisera numetaka'e eta yatupikeneana, eti wa'ikene esuapa eta juka nímiturapiana.

San Juan 8:46

Eti, ímijachanupuka jarari'i eta néjekapirawa'i. Nutupiruwa'i eta numetasira'e'i eta yátupikeneana. ¿Tája'a takayema wa'i esuapanu?

San Juan 8:47

Taicha nákani maye'eana'i ema Viya, náurikayare'i nasamararaka eta máechejiriruwana ema Viya. Étisera wa'i machicha'éna'ini ema Viya. Eta taka'e, wa'i iúrika'ini esamararaka'ini eta numetaru'eana'i.

1 Timoteo 6:13

Puiti, tímararakavi'i ema Viya eta nutuparasiraviya, ema, tikaitareka'i tamutu eta víma'akeneana'i eta te juka apake'e, tímararakavi'iware ema Viákenu Jesucristo. Pécharichu'iware eta matupiruwaira'i eta máimereuchirawa'i ema te mamira'u ema Poncio Pilato,

1 Pedro 1:22

Puiti tipachinaipa eta iáchanewana táichavene'i eta esuapira'i eta yátupikene máimiturapiana ema Jesucristo. Eta taka'e, ímerekawainapa puiti yátupina eta émunasirakaka'i naye'e ena echamuriana. Ewapinawaware eta te esamureana eta émunasirakakaira'i.

1 Juan 2:21

Nukajure'e'i táichavene'i eta ímatira'i eta yatupikeneana, écha'iware ena timatiana eta yatupikeneana waipaine'i tepiya'ira'ianaima'i.

1 Juan 3:14

Víti vécha'i, te táekeneraya eta vépeniraya. Vikaiju'enapa eta vítaresiraya máichekuarakireya. Vécha'i eta juka, táichavene'i eta vémunasira'i ena vichamuriana. Énasera ena wa'i náemunaka'ini ena nachamuriana, nanasi'ichu. Wa'i tiúchuku'anaima'i eta náepenira.

1 Juan 3:19

Je'ewarenapa vechainapa eta vichira'i eta taurikeneana, je'ewarenapa viurisamurenapa eta vikasiñawaira'i te mamira'u ema Viya;

1 Juan 4:6

Vítisera machicha'avi'i ema Viya. Tisamararaka'aviana ena tímatiana ema Viya, énasera ena apamuriana máimatira'ana ema Viya, wa'i tiúrima'i eta nasamira'avi. Etainapa, tímatikareanaya ena máwa'aruana ema Machanewa Viya, énerichuware tímatikareanaya ena máwa'aruana ema wínaraji.

1 Juan 5:20

Vítisera vécha'i eta máitesira'i eta te juka apake'e ema Machicha ema Viya, ema tímitupana'avi'i, émavene'i témesenika'avi'i maye'e ema Maiya ema yátupikene'i Viya. Máichavene ema Machicha Jesucristo, viáwa'akaipa víti ema yátupikene'i Viya, émara ema makarichukene'i yátupikene'i Viya, ema, tíjaraka'aviya eta vítaresiraya máichekuarakirenapa.

Apocalipsis 1:4

Nuti Juan nukajure'e eti siétemuriana nuchamuriana'i éjanereruana'i taye'e eta tinapaika te Asia. Nuwara'a makatajika'e'ini ichape ema Tata Vikaiyakene, émapa ema Jesucristo. Táuri'iwareni eta epanereruana. Te tamira'u eta máejasi'a'i trono, natiari'i ena siétekeneana maye'eana arcángeleana,

Apocalipsis 3:14

“Pikajureyare eta juka numetarapiana'i ema tikametarairura'i naye'e ena pichamuriana tikawasana'i te awasare Laodicea: ‘Ani taka'e eta Amén, taicha maye'e ema tamutu titauchawa eta maechejiriruwa ema Viya naye'e ena nachanerana, ema titametakara'i matupiruwa eta maitauraiwa, ema taepaninewa eta maepiyaruana vima'akeneana'i puiti.