San Juan 18:33 - Táurinakene máechejiriruwa’i ema Viya tikaijare

³³ Ema Pilato tichawawarepa tisiapa'i te taju'e eta palacio, máichu'apa ema Jesús, tási'a mayaserekapa: –¿Jé'esareji Rey-vi'i píti naye'e ena juriyuana?

Ignaciano

³³ Tisiapa­varepa ema Pilato te tajuhe. Máichuhapa ema Jesús. Tacahe, mayase­recapa: —¿Yátupi­sareji réyvihi píti nayehe ena pijaneanana israelítana? —macahepa.

San Juan 18:33 ပူးပေါင်းရင်းမြစ်များ

San Mateo 27:11

Ema Jesús námapa te mamira'u ema akenuka, ema mayaserekapa: –¿Jé'esareji Rey-vi'i píti naye'e ena juriyuana? –Pitupiruwa'i eta piyaseresiranu'i, –Majikapapa ema Jesús.

San Mateo 27:27

Ena masuntarurana ema akenuka námapa ema Jesús te palacio, tási'a nakurujikapa namutu ena suntaruana, nachayakapa ema.

Marcos 15:2

Ema Pilato mayaserekapa: –¿Jé'esareji Rey-vi'i píti naye'e ena juriyuana? –Pitupiruwa'i eta piyaseresiranu'i, –Majikapapa ema Jesús.

San Lucas 23:2

Te mamira'u náepiyaekene'apa, naka'emuripa: –Viámapa'i ema maka achane te pimira'u. Mawara'a'i ma'apapirikawakayare'i ena vichanerana. Éneichuware maka'e'i wá'iji táurika'ini viwachacha'ini eta viyase'ana maye'e ema emperador. Éneichuware maka'e'i, eta émaira'iji ema Cristo, ema rey-yare'í.

San Juan 1:49

Ema Natanael máichapa: –Maestro, ¡píti'ipa yátupikene Machicha ema Viya, pítira yátupikene Rey-vi'i viye'e viti israelítana!

San Juan 12:13

Tiúrisamureanaine'i. Eta náurisamurewa'i, nave'apa eta tajuru eta káchipaka. Tiyananapa nákapa'i ema. Eta napiarasirapa'i, ánipa naka'e: –¡Pikatiucha'avi Tata! ¡Pikatiucha'avi Tata! ¡Asulupaya piti wanáirukakenevi'i me Viya, pítira Rey-vi'i taye'e eta Israel!

San Juan 12:15

“Eti ekawasana'i te Jerusalén, waipa ekupika, taicha márajapa ema eye'eyare Rey; tímatikareyare'i ema, tikaperayare eta burrikuchicha; mámapa'i eta iúritaresirayare taka'e'i eta Takapika'ukene Ajureka.”

San Juan 18:34

Ema Jesús máichapa: –¿Eta juka piyaseresiranu'i tasi'akene te pichuti, apananapuka ena timetakaviana'i, eta pechira'i eta nichararakawaya?

San Juan 18:37

Taka'e, ema Pilato mayaserekapa: –Taka'e, ¿yátupi'i eta pirrey-wa'i? Ema Jesús majikapapa: –Pitupiruwa'i eta piyaseresiranu'i: nuti rey-nu'i. Eta núkupaisira'i, te juka apake'e, nímitureka'i eta yátupikeneana, nákani tisuapajira'iana, nasamararakayare eta yátupikeneana'i.

San Juan 18:38

Taka'e, ema Pilato maka'ewarepa: –¿Taja'asika takayema eta yátupikeneana? Te titapirikapa eta mayaseresira'i, ema pilato tiuchukawarepa te navi'a'i ena juriyuana, maichawakapa: –Nuti wa'i nichimawa eta matapirawaina ema maka achane.

San Juan 19:12

Taka'e ema Pilato mawara'ainipa makuchuku'ayare'ini ema Jesús. Énasera ena juriyuana tipiarakanawarepa: –¡Te pikaitika ema maka, wa'i pemunakasarena ema emperador! ¡Ema maka makatianaru'i ema emperador, taicha tímijachawa'i rey!

San Juan 19:3

Taka'e nakachakayapa ema. Ánipa naka'e: –¡Píti naye'evi'iji Rey ena juriyuana! Tási'a náe'amira'aware te mamira.

San Juan 19:4

Ema Pilato tiápechawarepa tiúchuka'i. Tási'a, máichawakapa: –Nímereka'e te emira'u, ema maka achane, nuwara'asera ákaikutiaraini eta tamajinaira'i maviurewaina'ini eta nímaira'i nuti.

San Juan 19:9

Tisiapawarepa eta te maye'e palacio, mayáserekapa ema Jesús: –¿Nája'avisika píti, tavi'asika eta piásine'i? Émasera ema Jesús, wá'ikene majikapa'ini.

1 Timoteo 6:13

Puiti, tímararakavi'i ema Viya eta nutuparasiraviya, ema, tikaitareka'i tamutu eta víma'akeneana'i eta te juka apake'e, tímararakavi'iware ema Viákenu Jesucristo. Pécharichu'iware eta matupiruwaira'i eta máimereuchirawa'i ema te mamira'u ema Poncio Pilato,