San Juan 17:25 - Táurinakene máechejiriruwa’i ema Viya tikaijare

²⁵ Tata, yátupikenevi'i eta piuriwa'i, ena achaneana te juka apake'e wa'i náimativi'ini, nútisera nímativi'i, etajuka naecha'i eta piwanesiranu'i

Ignaciano

²⁵ Tata Nucaiyaquene, píti yátupi­que­névihi eta pisantuvahi. Ena achaneana te juca apaquehe vahi náimati­vihini. Nútisera nímativihi.

San Juan 17:25 ပူးပေါင်းရင်းမြစ်များ

San Mateo 11:27

“Ema Tata Nukaiyakene, ema tíjarakanu'i eta nútiraya néchaya tamutu. Nájina timatina ema machicha emachucha ema Vikaiyakene, nájinawa timatina ema Vikaiyakene emachucha ema machicha manerejiru.

San Mateo 16:16

Ema Simón Pedro majikapapa: –Pítira ema Cristo, Machichakenevi'i ema Viya, ema tijaraka'avi eta vitaresira.

San Lucas 10:22

“Ema Tata Nukaiyakene, ema tíjarakanu'i eta nútiraya néchaya tamutu. Nájina timatina ema machicha emachucha ema Vikaiyakene, nájinawa timatina ema Vikaiyakene emachucha ema machicha manerejiru.”

San Juan 1:18

Yátupikene, nájina náimati'ini eta máima'i ema Viya, makarichukene ema Machicha, émaichu'ineni ema Viya kachanekakana'i ema Maiya, éma'i tímimaticha'avi'i ema Maiya.

San Juan 10:15

Éneichuware taka'e'i eta nímatirawaka'i ena nuchanerana. Ena tímatinuana'iware. Eta néñamairawaka'i, nuti nímijararekawa'i eta nítaresira náichavene'i ena.

San Juan 15:21

Eta é'isiranu'i, étaipa tiviucha'eyare tamutu eta juka nakatianasira'enapa, táichavene'i eta wa'i náimati'ini ema tiwanekanu'i.

San Juan 16:27

taicha émaipa ema Tata témunaka'e'i eti. Táichavene'i eta émunasiranu'iware nuti, eti esuapaipa eta yátupira'i eta mawanesiranu'i ema Tata.

San Juan 16:3

Ena, náichayare eta juka táichavene eta namáimatira'i ema Tata, wá'iware náimatinu'ini nuti.

San Juan 16:30

Vímatiwarepa eta yátupira'i pímatiekene'a tamutu eta vipanereruana, étaipa eta juka viwaraira'i viyaserekaviyare. Je'ewarepa visuapapa puiti eta yátupikeneravi'i Machichavi ema Viya.

San Juan 17:11

“Nuti nujunijikawakainapa ena píjararunuana. Énasera nanasiyarecha'a te juka apake'e. Nútisera nútijapainapa eta piye'e. Tata Nukaiyakene, piti yátupikenevi'i eta pisantuwa'i. Nuyaseakavi pijaneasinanuwakachucha ena, apaesa náimiyanawa'i eta náurujiasirakakaina, náwa'asirakakayare nákuti'ini eta viáwa'asirakaka'i víti.

San Juan 17:18

Píti piwanekanu'i nímiturekayare'i eta péchejiriruwana naye'e ena achaneana te juka apake'e, tási'a, nuti nuwanekawakayarewa ena nímitureana, náimituka ena apamuriana achaneana.

San Juan 17:21

Nuyaseakaviware wá'ini takuitawa'ini eta náurujiasirakakayare ena. Pakutini piti, Tata eta piawa'asiranu'i nuti, tási'a nuti eta piye'e, eneichuware ena nakachane'avi'ini viti, apaesa ena achaneana te juka apake'e náimati'ini yátupina eta piwanesiranu'i.

San Juan 17:23

piti piáwa'akanu'i nuti, tási'a, nuti náwa'akawaka'i ena apaesa yátupina'ini ena etanainaichuyare eta napanereruana, apaesa ena apamuriana achaneana te juka apake'e étaina'ini náimatiaraina'ini eta piwanesiranu'i, étapa eta pémunasirawaka'i takuti'i eta pémunasiranu'i nuti.

San Juan 17:3

Níjarakayare eta náitaresirayare máichekuarakireyare, ena píjararunuanayare apaesa náimativi, piti Tata pikarichu yátupikenevi'i Viya, nútipa nuti Jesucristo, nuti piwanerunu'i te juka apake'e.

San Juan 17:8

Náechaipa'iware eta yátupikenéra'i eta piwanesiranu'i. Eta taka'e, natupiruwa'i najakapa eta nímitusirawaka'i eta péchejiriruwana.

San Juan 3:17

Taicha ema Viya, wa'i táka'e'ini eta mapanereru'i eta mawánesira'i ema Machicha máikuñaka'avi'ini viti achaneana. Étasera eta tímiteka'i ema, tikuchuku'a'aviyare vimutu.

San Juan 6:19

Sinku kilómetruipa'i eta naétupiesira'i, te naíma'apa ema Jesús. Mapaikaekapaipa'i eta une, tási'a ena tipikanapa eta naímaira'i.

San Juan 7:29

Nútisera nímati'i ema taicha étakene'i násine'i eta maye'e eta nítekapauchira'e'i.

San Juan 8:19

Énasera nayaserekawarepa: –¿Távi'asika mávi'a'i ema tikachichavi'i? Ema Jesús majikapawarepa: –Eti wa'i ímatinu. Wá'iware ímatima'i ema Tikachichanu. Te ímatinu'ini, ímatipa'iwareini ema Tikachichanu.

San Juan 8:55

Eti ímijachawa'i ímati ema. Wá'ineni ímati'ini. Jé'eware nuti nímati'i ema. Té'esera numetaka'e'ini eta numaimatira'i, népiya'ira'iripapukaini nákuti'e'ipaini eti. Étasera yátupikene'i eta nímatira'i ema, nusuapa'iware eta mawanairipiana.

Hechos 17:23

Taicha te nítekapapa nuti eta ani eye'e, nupaika'i tamutu eta eyujarasirareana. Níma'apa eta eye'e tavirare eta iamawa'uasana tatiari'i'i eta ajureka ani taka'e'i: ‘Ema Viya vimaimatikene’. Tiuri, ema maka Viya eyujaraureasa emáimatikene'i eti, émara ema Viya néchejisi'akene'i nuti.

Hechos 26:18

Puiti nuwanekavi pímitukawakayare eta mawanairipiana maye'e ema Viya. Nakaiju'e ema, apaesa náitujikawa náima'a eta majaraiwa, náinajikapa eta náichakeneasana te timapiku, waipa nakue'ika ema Wínaraji. Nae'ikapa ema Viya, apaesa majapanu'e eta epekaturana. Apaesa nasiapamuri'aya ena náinapureana'i manerejiruana'i.’

Romanos 1:28

Taichavene eta namawaraira'i naimati'ini ema Viya, taka'e ema mainajikapa naichapa eta tamaurikeneana napanereruana, apaesa naikutichawa naicha eta nawara'akeneana.

Romanos 3:11

Nájina emanaina'ini makaikutiara'ini; wá'iware nawara'a náesenika ema Viya.

Romanos 3:26

Taicha ema tetavikawa eta mauriwa. Ema mawara'a timecha'avi eta maemunasira'avi puiti juka sacheana taicha ema maepachinacha'i eta napekaturana maijaraka'i eta nauriwaya; taicha ema tetavikawa'i eta mauriwa'i, nákaini tisuapana ema Jesús maijarakayare'i eta nauriwayare'i

1 Corintios 1:21

Tamutusera eta mapanereruana'i ema Viya, tétavikawa'i eta tapachinawawaka'i. Narari'i ena tisuapanapa'i eta maechejiriruwa. Tayanapane ena apamuriana náimijacha'i súnsurupiana'i eta maechejiriruwa. Ena nani achaneana, tamapuruji eta náechemaraiwana'i, taicha wa'i táimimatichawaka'ini me Viya.

1 Corintios 15:34

Tátupiruwapa táuri eta ítaresiraina eti, wáipaware ekukicha eta pekatuana. Taicha narari'i ena wícha'a náimati'ini ema Viya te emuri. Titsiri'akareipa'i eta nakasirikira'e'i eti machanerakeneana'i ema Viya.

2 Corintios 4:4

Taicha ena wa'i nasuapa'ini eta maechejiriruwa ema Viya, émapasera ema tasiñaraji te juka apake'e, emapa tepaka'aukicha'i, waipasare nákaikutiara, waipaware nakuima'a eta tajaraiwa eta maechejiriruwa ema Viakenu Jesucristo.

2 Tesalonicenses 1:8

Eta tímitekayare ema, máikuñakayare ena wá'ikene náwara'a'ini náimati ema Viya, wá'iware náwara'a'ini nasuapa eta máechajiriruwa.

Hebreo 8:11

Waipa nákamesaima'i tikaimitukasiana naye'e ena nachamuriana, énaipa ena naparapenaveana eta náimatiranuyare nuti yátupikenenu'i nákenunu'i, taicha namutuinapa tímatinuanayare, ena amaperuana, ena ichanaruana, énapa ena ichavikana.

1 Juan 1:9

Té'esera vitupiruwa'i eta vimetauresirawa'i eta vikapekaturairana maye'e ema Viya, je'ewarepa vikasiñawainapa maye'e ema Viya, ema matapijraware, japanupavinapa eta vichira eta vipekaturana, tási'a tepachinacha'avinapa eta taiñema'ikeneana vipanereruana.

Apocalipsis 13:8

Eta akane te tépanawainapa eta apake'e, tatiari'i eta Ajureka tiama eta najukunana ena títarekanaya te apana vítaresira, makarataru'i ema nakaparu'i Cordero, natiari'isera ena apamuriana achaneana tikawasana te juka apake'e, tájina'i eta nájukunaina'ini taye'e eta Ajureka, ena nani ena titsiukanayare eta Útsutsure.

Apocalipsis 16:5

Nusamawarepa ema ángele, ema tepusaika'i eta juka ekuñaraki taye'e eta kajakureana, maka'epa: “Tétavikawapa eta piúriwa, eta píkuñasirawakaipa, yátupikenevi'i eta pisantuwa, píti pitiari'ikene'i te tépanawainapa puíti'ipa,