San Juan 17:24 - Táurinakene máechejiriruwa’i ema Viya tikaijare

²⁴ “Tata, píti píjarakanu'i, nuwara'a nakachanenu nuti te navi'ayare, apaesa naima'a eta nujaraiwa eta pijarararunu'i, taicha piti pemunakanu'i akaneipa eta takaepiyairayare eta apake'e.

Ignaciano

²⁴ Tata Nucaiyaquene, píti píjara­canuhi ena nani píchuha­que­neanahi. Nuyaseacavi puiti eta nucacha­ne­ra­va­cai­nahini tayehe eta návihayare núti. Náimahahini eta nujaraiva píjara­runuhi taicha eta pémuna­si­ranuhi te tépana­vainapa eta tacaepi­yairahi eta apaquehe.

San Juan 17:24 ပူးပေါင်းရင်းမြစ်များ

San Mateo 25:21

Ema náeja'aru máichapa: ‘Tiuri, tájina táichawa tétavikawa eta piúriwa piti numusura. Puiti nutuparakavinapa eta kamurikene, pisiapa eta nuye'e, piúrisamurerekawainapa.’

San Mateo 25:23

Ema maeja'aru máichawarepa: ‘Tiuri, tétavikawa eta piúriwa píti apana. Pisiapainapa eta nuye'e, piurisamurerekainapa.’

San Mateo 25:34

Tási'a, máichainapa ema Rey ena tiávi'ana'i te nuwaure: ‘Yare eti, iúrikakareana'i, manerejiruana'i ema Tata, níjaraka'enapa eta etupara'ayare, íkuchi'i maye'e ema Viya akane te tépanawainapa eta apake'e.

San Mateo 26:29

Numetaka'e: Waipa nápechawaima'i néra'iwareni eta juka, tachi eta uwa, tiámainukawa te táitauchawapa eta nusiapiraya, te mawasa ema Viya akenuka te anuma, níjaraka'eya vérainapa eta aramaruama.

San Lucas 12:37

Tétavikawasera eta náurikakarewa'i ena músuana, eta machimapira'i ema nákenu eta nakuchapira'i, wa'i náimakaekene'a'ini. Nutupiruwa numetaka'e: Yátupinasarepa eta máurisamurewayare ema nákenu, makaejakawakainapa te mamesara, máenikawakainapa.

San Lucas 23:43

Ema Jesús májikapapa: –Numetakaviwane, puiti píti nukachaneviyare te paraíso.

San Juan 1:14

Émaichu'ineni ema Echéjirirukawa, tépiyakawapa ajaira'i, tási'ia tikachane'avipa viye'e viti, tási'a vima'a'i eta majaraiwa, majachapakene'i me Maiya, táicha makarichu'i machicha, tetavikawa'i eta yátupikenera'i maemunaraiwa'i.

San Juan 12:26

Éneichuware mákani tiwara'ayare tikaemataneakanu, yátupiyare eta máe'isiranu, tási'a, nuti nukaejakayare ema te néjasi'ayare nuti, ema maka, tétavikawayare eta makunachirayare ema Tata.

San Juan 14:3

Tási'a te táuripa eta iávi'ayare, nútijapainawarepa, nuchawainapa népana'enapa, apaesa ákachanenu eti taye'e eta návi'ayare nuti.

San Juan 15:9

Ímiyanawa eta iáwa'asiranu, taicha tétavikawa'i eta némunasira'e'i, takuti'i eta máemunasiranu'i ema Tata.

San Juan 17:2

Yátupi'i eta píjarasiranu'i eta akenukairanuyare, te namira'u namutu ena achaneana. Nukaitaresirayare'iware namutu ena píchu'akeneana'i píjararunuana'i.

San Juan 17:22

Nuti níjarakawakaipa'i ena eta náitupajijiasirawakayare'i, eta pijararunu'i piti, apaesa nakurujikaka nakuti'ini viti eta émanaira'avi'i:

San Juan 17:5

Puítisera nuchawainawarepa eta piye'e. Píjarakanuyare eta nukunachakarewaya piye'e, takutiyare akane tasinekene, eta návine'i te tépanawainapa eta apake'e.

San Juan 6:37

Namutu nákani tipauchanuanayare, nuti wa'i néwatajikawakaima'i, taicha tási'akeneichu'i me Tata eta máijarasiranu'i.

San Juan 6:39

Eta mawara'akene'i ema Tata, eta mawanesiranu'i, nukaitarekayare'i nákani máijararunuanayare'i ema. Nukaechepukayare ena te náekariana te jena sache táitekapapa eta népanirawakayare.

San Juan 8:58

Ema Jesús majikapaware: –Nutupiruwa numetaka'e: Májinaicha'a'i ema Abraham, nunasikeneipa'i nuti.

1 Corintios 13:12

Puiti wicha'a támutu'ini vímatiekene'a'ini. Tikuti'icha'a te vímararakaicha eta vikuna te jákani ichasime espejo, wa'i takaechera'ini. Járajapainapasera eta sacheyare tikaecherainapa tamutu. Ema Viya wicha'a tímituka'avi'ini tamutu eta mapanereruana. Té'esera te apajara'inapa, tamutuya vikaikutiara máicha. Takuti'ichu eta máimaira'i puiti eta vipanereruana víti.

2 Corintios 3:18

Taka'e, vimutu viti vé'ikana'i ema Viákenu vikuti'ipa eta espejo eta tarapepesira'i eta tajaraiwa'i eta sache, víti, yátupi'i vímereka'i eta máuriwa'i ema Viákenu, waipa vikaepakamira'ini, eta taka'e, víti puiti tiápajukawainapaipa eta vikutirayare ema Viákenu taicha tiápajukawa'i eta majaraiwa'i te visamureana. Étavene'iware eta máwa'asira'avi'i ema Machanewa Viya máijararu'i ema Viákenu.

2 Corintios 4:6

Ema Viya, te máepiyakainapa eta juka apake'e, makawanairipipa tatiari'iyare'i eta tijara'i, témitiakayarepa eta timapikukenéni'i, ene maka'e'i eta viye'e, tímimaticha'avi'i eta majaraiwa ema Machicha. Tétavikawa'i eta tajaraiwa'i te visamureana, ema, tímimaticha'avipaipa'i eta máetaviuchakene'i máuriwa'i ema Viya.

2 Corintios 5:8

Nuwara'aine'isera táija'uchawa'ini takaitsiwa'ini eta juka náke'e, nuyanasarepaini nukachane'ini ema Viákenu.

Filipenses 1:23

Nuwara'aipanéni níja'uchawa'ini népena'ini apaesa nunarakapaini te machakaya ema Cristo, eta juka tiúripana'i eta nímaira'i, wá'isera nímatiekene'a tája'apuka eta né'iruyare.

1 Tesalonicenses 4:17

taka'e, viti vítareruanaicha'a viyanainapa vimutu. Vikáchanenapa ena náepenakeneanaini. Viakapajikainapa ema Viákenu te anuke'e te távi'a'i eta úkaji. Tási'a, máichekuarakireyare eta vikachaneraya ema Viákenu.

1 Pedro 1:21

Éneichu táichavene'i eta é'isira'i ema Cristo, ímatipa puiti ema Viya, ema tikaechepuka'i ema Machicha te máekari. Puíticha téjakaipa ema te máwakure'i te anuma. Eta taka'e, tétavikawaine'i eta ekasiñawaira'i maye'e ema, ekuchapawaipa eta maijararu'eyare ema Viya.

1 Juan 3:2

Nuparapenaveana némunarukeneana, machicha'avipa ema Viya. Vuícha'asera tímecha'avi ema eta viúriwayare. Véchaipasare eta vikutirayare ema Jesucristo eta te machawa. Taicha víma'ayare eta máima'ikene ema.

Apocalipsis 21:22

Te jena awasare, tájina níma'a'ini eta templo nayujarasiraréna'ini. Tájina tákamunu'ini eta nayujarasirareyare, taicha matiari'i'i ema Viya máitupajiji'akene máituruekene'aware tamutu, émapa ema Cordero.

Apocalipsis 3:21

Emutu eti ekamichana'i, ímiyanawa'iware eta é'isiranu'i, nuti nukaejaka'ewakayare te néjasi'ayare, takutiyare eta néjasira'i maye'e ema Tata, taicha eta nétumechirawa'i nukamichira'i tamutu.