San Juan 16:33 - Táurinakene máechejiriruwa’i ema Viya tikaijare

³³ Numetaka'eware tamutu eta juka apaesa etupiaka eta iuriwaina nuye'e apaesa takuija ekuichirawaina. Tayanapane ekatajiwayare muraka te juka apake'e, étumechawasera eta nuye'e, taicha nuti máijararunu'i ema Tata eta nukapakemuri'airayare namutu ena nánarana'i.

Ignaciano

³³ Numeta­ca­hevare tamutu eta juca apaesa vahi ecuarameca. Ácasiñava yátupina nuyehe apaesa tacuija ecuichi­ravaina, tayanapane ecata­ji­vayare muraca te juca apaquehe. Ácasi­ña­va­hisera eta nuyehe, taicha núti máijara­runuhi ema Tata eta nucapa­que­mu­ri­hai­rayare namutu ena nánaranahi —máichahavipa.

San Juan 16:33 ပူးပေါင်းရင်းမြစ်များ

San Mateo 9:2

Títekapanawarepa ena apamuriana, námapa'i te áchuji ema achane muraka'a. Te máima'apa ema Jesús eta nakasiñawaira'i me Viya, máechejikapa ema makajumakene: –Pétumechawa, nuchicha, eta pipekaturana'i nukaepa'ainavipa.

San Lucas 19:38

Naka'epaipa'i: –¡Yare piti rey-kene'i, wanairukavi'i te maijare ema Viákenu! Asulupaya ¡Puiti te anuma vikutikaka'i eta viúrisamurewa'i víti te juka apake'e! Tétávikawa eta vikunachira ema Viya eta makatajisira'avi'i.

San Lucas 2:14

“¡Tétávika vikunachira'i ema Viya vimutu viti viávi'ana'i te anuma! ¡Jé'eware puiti, tiúrikawanainapa ena achaneana te juka apake'e, ena manerejiruana'i makatajiruana'i ema Viya!”

San Juan 12:31

Étapa juka sacheanayare eta apake'e kayesere'inapa, tási'a ema Wínaraji kakijikasinapa taye'e te juka apake'e.

San Juan 14:1

“Wa'i ekueñamawa eti. Ákasiñawa eta me Viya, éneichuware ákasiñawaware eta nuye'e.

San Juan 14:27

“Nunakika eta iúriwaya. Nijaraka'e nuti eta iúriwaya, wá'isera nákutinu'ini ena apamuriana achaneana eta nujunijisira'eya. Wa'i ekuwayuchawa eta éñamawairaina. Wá'iware ekupika.

San Juan 16:11

mákani tijachapaya eta maikuñaraki ema Viya: émara ema wínaraji tákenumuri'i eta juka apake'e, ichapekene'i eta maviurewana.

Hechos 14:22

Eta te juka awasareana, náimitukawarepa ena té'ikanaripa ema Jesús. Náetumechawakapa eta nakasiñawairaina, eta náe'isiraya ema Viya, tási'a náichawarepa. Échawa eta esiapiraya eta máwasa ema Viya, wa'i maejerarena taicha natiari'ya ena katianaka'eanayare ekatajiwayare táichavene eta é'isira ema Viákenu.

Hechos 23:11

Tási'a, te jena yátikene'i máechejikapa ema Viya ema Pablo, máichapa: “Túmevinachucha, Pablo. Taicha tiúri'i eta péchejisi'aira'i eta níjare te juka Jerusalén. Puiti piyanayare eta te Roma, éneyareichu taka'eyare eta péchejisiraya.”

Hechos 27:22

Puítisera, wa'i ekupika, taicha nájina tépenaima'i, técharikawayaresera eta pakure, témitiakaya.

Hechos 27:25

Eta taka'e, tátanaveana, túme'enachucha, taicha nuti nukasiñawa'i maye'e ema Viya. Nusuapa'i eta mametarapiana ema ángele eta nuye'e.

Hechos 9:31

Taka'e, tiúrikawanapa ena náumuriwana ena té'ikana'i ema Jesús tiávi'ana te apanana awasareana taye'e te Judea, te Galilea, étapa te Samaria. Tási'a, tétumechakakana'i eta náimiyanirawaya napikauchiraya ema Viákenu. Máimikatamuri'a'iware ema Machanewa ema Viya. Eta taka'e, kamurianapaipaware ena té'ikana'i.

2 Corintios 1:3

Nuti nuwara'a nukunachaparaka ema Viya Makaiyakene ema Viákenu Jesucristo, taicha ema, vikaiyakene'iware víti, tétavikawa'i eta majapanuira'avi'i, tétavikawa'iware eta makurisamurechira'avi'i.

2 Corintios 13:11

Tiuri puiti, nuparapenaveana, ítatijirikawa'i. Etánukayare eta táurikeneana eta ítaresirana. Ekurisamurechakaka. Takuija'ini eta semanerena eta eye'e. Tákutikaka eta epanereruana. Máijaraka'e'ini ema Viya eta tanarasiraina eta iáchanewana, taicha tétavikawa'i eta máemunaraiwa'i ema.

2 Corintios 2:14

Puiti, ichape eta nu'asulupayachira'i ema Viya eta majaneasira'aviparaka, tíjaraka'avi'iware eta máitupajijiasirawa eta virata'aira'i vikanara tamutu, táichavene'i eta máwa'asira'avi'i ema Jesucristo. Tituparaka'aviware vikametarairuyare'i eta máimiturapiana, mawaraira'i tiúriyare'i eta nasamiraya namutu ena achaneana takuti eta najiusira jákani táijiyekeneana.

2 Corintios 4:7

Eta juka vé'iru'i vímiturapiana'i, tétavikawa'i eta takunachakarewa'i, wa'i vítina'ini vikunachakare'ini, taicha viti páureanasami, vikutichucha eta muñeka náipune, émasera ema Viya máimereka'i eta máitupajijiasirawa'i, máijarasirapa eta tatumewayare'i eta viáke'e, wá'isera vítijiwaina'ini.

2 Corintios 6:4

Eta taka'e, ichape eta néchapirawa'i te nímitureka. Nímerekawa'i yátupi eta mawanaranuira'i ema Viya. Ichapemuri nukamichira'i eta nukatajiwairana, étapa eta takajerawana eta nítatijirisirawa,

2 Corintios 7:4

Ichape eta nukasiñawaira'i eta eye'e, nukunacha'e'i eta ekurisamurechiranu'i. Tayanapane'inéni ichape eta nukatajiwaira'i, tétavikawa'isera eta étumechiranu'i ekurisamurechiranu'i.

Gálatas 1:4

Ema Viákenu tíjarakawa'i tépena te crusu taicha mawara'a'i tikuchuku'a'aviyare taye'e eta víkuñayare'ini táichavene eta vipekaturana, makamitiasina'avi'ipa'iware eta vijamurachiraini'i eta tamaurikeneana taye'e eta juka apake'e, eta taka'e'i eta mapanereru'i ema Tata Vikaiyakene.

Gálatas 6:14

Nútisera, eta nítaresira'i, nuwapinawa'i ichape maicha ema Jesucristo, máepeninanu'i te crusu níchavene'i nuti. Taka'e, nuti apana nínajikaipa eta né'isiraini'i eta taye'erepiana eta apake'e, waipa nútiparakaina taye'e, taicha eta máepenira'i níchavene'i nuti.

Filipenses 4:7

Jé'esare, ema Viya makaepa'ayare eta jákani ekatisamurewana eta juka máijarasira'eyare'i táuriwayare eta esamureana étapa eta epanereruana, táichavene eta iúrujiasira'i ema Jesucristo. Eta makurisamurechira'avi'i ema Viya, tétavikawa'i eta takachuriasira'i eta nakurisamurechira nákani achaneana.

Colosenses 1:20

Eta mapanereru'i ema Viya eta mawanesira'i ema Machicha te juka apake'e, tépenayare te crusu, taicha máetupirikayare'i tamutu eta juka apake'e pekatupaire, étapa tamutu eta anuma. Tichawayare'i tiuri tamutu.

1 Tesalonicenses 3:4

Wá'isera táramikare eta juka, taicha vimetaka'éwane'i te vinasikeneicha'a eta eye'e, eta vikatajiwairayare'i, jé'esareine'i títauchawa'i puíti'ipa, íma'aripa'i eti.

1 Tesalonicenses 3:7

Eta taka'e, nuparapenaveana, tamutu eta juka vichararakawa'i eta vikatajiwaira'i etapa eta vecharairisira'e'i, te vechapa eta ichararakawa'i, vécharara'aine'i taicha eta táuriwa'i eta é'isira'i ema Viákenu.

2 Tesalonicenses 3:16

Ema Tata Viakenu, ema tiúricha'avira'i, máimiyanawa'ini máijaraka'eni eta iúriwaya tamutu jukana sácheana te epanereruana, taicha mawara'a'i eta iúriwaya. Ámutu'ini máwa'aka'e'ini.

2 Timoteo 3:12

Yatupisera namutu nákani, tiwara'anaya tiuri eta naitaresira, eta nawa'asira ema Viakenu Jesucristo katajiwanayare taichavene eta napanajirisiraya.

Hebreo 11:25

Wá'isera mapikaraka'ini eta makatajiwairayare'i eta makachanerayare ena majaneanana machanerana'i ema Viya. Wa'i tawayuaka'ini jákani tájiparakana pekatuana'i te apake'e.

Hebreo 7:2

taka'e, ema Abraham títsirijikawapa. Máijarakapa ema Melquisedec eta diésmuri'i eta maiturewa'i naye'e ena mánarana. Eta takayemakene'i eta maijare ema Melquisedec, te vechejiriruwa “Ema Rey máurikene'i”, akenuka'iware ema te awasare tikaijare Salem, te vechejiriruwa taka'e'i “rey táuriwa tamutu eta máwasa.”

1 Pedro 5:9

Eta taka'e, túme'ena ekanarairayare ema, machu mákipaika'e. Ákasiñawa muraka maye'e ema Viákenu. Wa'i ákarichu'ini eta ekatajiwaira'i. Túme'ena'i eta ekamichira, ekutiyare eta nakamichira'i ena vichamuriana tikawasana'i te tamutu awasareana.

1 Juan 2:13

Nukajure'e eti naiyanaveana, taicha eti imatipa'i ema mainapure'i te taepaninewapa eta juka apake'e etipa eti amaperuana, nimiajureka'e taichavene eta erata'aira'i ekanara ena ereanana, emapa ema wínaraji.

1 Juan 4:4

Nuchichanavechichana, eti machicha'e ema Viya, eti ekapakechaipa ena naenana tepiya'ira'iana, taicha ena tawa'aka'e eti ema tapajupanawa'i titupajijiapanawa'i maye'e ema tiavi'a te juka apake'e.

1 Juan 5:4

tási'a, viti machichanaveana ema Viya virata'aya vínajika eta tamaurikeneana eta vítaresiraya. Taicha tímikataka'avi'ipa ema Jesús, táichavene'i eta vikasiñaira'i eta maye'e.

Apocalipsis 12:11

Ena vichamuriana naita'aka'i taicha eta maepusaisira'i eta maitine ema Cordero tási'a náimimaticha'i, eta máechejiriruwana ema Viya, wa'i napikakawawaka'ini eta náitaresira, tijarakawana'i te náepenirayare'i.

Apocalipsis 3:21

Emutu eti ekamichana'i, ímiyanawa'iware eta é'isiranu'i, nuti nukaejaka'ewakayare te néjasi'ayare, takutiyare eta néjasira'i maye'e ema Tata, taicha eta nétumechirawa'i nukamichira'i tamutu.

Apocalipsis 7:14

“Piti pecha'i Tata”, nujikapapa. Tási'a ema máichanuwarepa: “Ena nani énara ena nakatajiwakeneana'i, tiúchuku'anaipasera, tikasipaipa puiti eta náchanewana taye'e eta máitine ema Cordero, puiti tikamuiri'anapa eta tijapu.