San Juan 16:20 - Táurinakene máechejiriruwa’i ema Viya tikaijare

²⁰ Tási'a puiti, nutupiruwa numetaka'e eta íya'airainasamipa eti, ejapanuwairayarewa. Énasera ena apamuriana achaneana, tiúrisamureanainapa ena. Tási'asera te táekenenapa, waipa íya'aima'i. Tétavikawasera eta iúrisamurewainapa eta táitsiwaya.

Ignaciano

²⁰ Tásiha puiti, nutupiruva numetacahe eta íyahai­rai­na­samipa éti, ejapa­nu­vai­ra­yareva. Énasera ena apamuriana achaneana, tiúrisa­mu­rea­nainapa éna. Tásihasera te táequenénapa, vaipa íyahaimahi. Tétavi­ca­vasera eta iúrisa­mu­re­vainapa eta táitsivaya.

San Juan 16:20 ပူးပေါင်းရင်းမြစ်များ

San Mateo 21:38

Te'esera te náima'apa ema machicha ema tikaye'e eta úwakiji, naka'emuripa: ‘Émainapapuka tikaye'eyare ema maka eta maima'akeneana ema maiya, yare vikapaka apaesa tánasipa viye'ena eta maye'eya'ini.’

San Mateo 5:4

“Tétavikawa eta náurikakarewaya ena tikatajiwana'i, taicha ema Viya makurisamurechawakayare.

Marcos 14:72

Énewanepa téchejika'i eta warayu, api'epa eta taechejisira'i, tási'a ema Pedro maéchapa eta máichira'i ema Jesús: –“Te tamira'uinapaicha'a eta api'ekenénapa taéchejika eta warayu, píti mapa'enaipa eta péñauchiranuya.” Taka'e eta máechawaira'i, tíya'apa.

Marcos 16:10

Esu tiyanapa, sumetapanawaka'i ena té'ikanaini'i ema Jesús. Ena, tétavikawa'i eta napanerechira'i, tási'a tíya'ana'i.

San Lucas 22:45

Te títapirikapa eta mayujarasira'i, téchepukapa, tiyanapa te návi'a'i ena máimitureana. Máima'aine'i ena, tímakanaipa'i táichavene'i eta nakatisamurewaira'i.

San Lucas 22:62

Taka'e tiúchukawanepa ema Pedro, tíya'apa eta makatisamurewa'i.

San Lucas 23:27

Ichapemuriana ena achaneana té'ikanapa'i. Enaipa ena esenana, tipiararekanapaipa eta náiyairapa'i, taicha eta nakatisamurewa'i, náimararasira'i eta máejapanurawapa'i ema.

San Lucas 24:17

Ema Jesús mayaserekawakapa: –¿Tája'asika eta échejisi'apa'i eta epaisirapa'i? Tichepaikanapa, tíkatisamurewanaine'i,

San Lucas 24:21

Víti ichapemuri eta vikasiñawairaini'i eta maye'e, vikuchapawaini'i eta makatiuchira'aviyare'i vimutu viti israelítana. Tamapurujipasera puiti, taicha tépenapa ema. Puiti mapanaipa sache eta táetavisirawa'i eta juka.

San Lucas 6:21

“Tétavikawa eta iurikakarewaya eti esama'i eta eku'a, taicha tíjaraka'eyare ema eta ewara'akene'i. “Tétavikawa eta iúrisamureakawayare puiti eti íyauchawana'i. Títekapainapasera eta ewapinawairaya.

San Juan 16:33

Numetaka'eware tamutu eta juka apaesa etupiaka eta iuriwaina nuye'e apaesa takuija ekuichirawaina. Tayanapane ekatajiwayare muraka te juka apake'e, étumechawasera eta nuye'e, taicha nuti máijararunu'i ema Tata eta nukapakemuri'airayare namutu ena nánarana'i.

San Juan 16:6

eti ekatisamurewachucha, taicha eta juka numetasira'e'i.

San Juan 20:20

Tási'a, maimechapa eta majarana te mawa'uana étapa te macheneji. Taka'e, ena ichapeine'i eta naúrisamurewa'i eta naimaira'i ema Viakenu.

Hechos 5:41

Taka'e, tiúchukanapa ena apústuleana te náurujisiawa'i ena tuparairukana, tiúrisamureanapaichucha eta nakaestaira'i, ema Viya máimararaka'i eta vikamichira'i tamutu eta náimikatsiriasira'avi'i táichavene eta vé'isira'i ema Jesús.

Romanos 5:11

Tási'a wa'i takarichu'ini puiti eta viúrisamurewa'i maye'e ema Viya, eneichuware eta máichavene'i ema Viákenu Jesucristo, tétavikawa'i eta viúriwa'i maye'e.

2 Corintios 6:10

Tikutimai'i eta vikatisamurewa'i ichape, viurisamurereakawa'i, vikutima'i eta páure'avi'i eta náimaira'avi'i, ichapemuriana'isera ena víjararuana'i eta nakaima'akene'i, ani, tájina víma'akenena, té'esera te apana vítaresira, tétavikawaya eta vikaima'akeneraya.

Gálatas 5:22

Emasera ema Machanewa Viya eta maematane, tíjaraka'avi'i eta vémunaraiwaya, viúrisamurerekawayare, tinarakainapa eta vipanereruana máicha, tíjaraka'avi eta vikamichiraya, vijapanura'iya máicha, vikajiraiwayarewa máicha, vétaviuchaya eta viúriwayare,

1 Tesalonicenses 1:6

Jé'esare puiti, étijiwapa eta épanirawa'i é'ika'avi eta viúriwa'i víti, vikutiyare eta máuriwa ema Viákenu. Ekátajiwanuma'i ichape taicha eta ejakapira'i eta vimetarapiana. Iúrisamure'isera maicha ema Machanewa Viya.

Santiago 1:2

Nuparapenaveana nemunaruana, eti nuwara'a nechejirika'eya, te tatiari'inapuka eta ekatajiwairana puiti juka ítaresira'i, wa'i ekukainajiruwa, ekaurisamurechawachucha, ewapinawaya, taicha iúripanayare eta iúchukuirayare.

San Judas 1:24

Ema Viya, tétavikawa eta máitupaijiasirawa'i. Makarichu'i ema marata'a tikatiucha'avi taye'e eta víkuñayare'ini. Taicha mawara'a'i máepachinachayare eta iáchanewana, takuija'iwaréni eviurewaina eta mámira'eyare te mamira'u te jena sácheyare,

Apocalipsis 11:10

Ena achaneana, natiari'ikeneana te tamutu awasareana ena tiúrisamureanaya eta náimairaya ena, eta naepeniraipa. Tikapiestaranainapa, tíjarakasichakakanainapa eta námawa'uana, taicha títawanaipa ena apinana profetanaini, taicha éna'i ti'apapirikana'i eta náichira'i eta tamaurikeneana.

Apocalipsis 18:7

Émecharekayare muraka, ichapena eta sukatajiwairaina taicha tétavikawa eta suijarasirawa'i, eta susiñawawaisira'i suichira'i eta tamaurikeneana. Ánipa taka'e te susamure: ‘Tájina níchirawaina'ini néjaka'i nukuti'i esu reina. Nuti wa'i maimarunuina'ini, waipaine'i nukatajiwaima'i.’